= #يـ_انتظار_السنين_ويا_حلم_العُمر_بارت 7 =
'
'
كانت تبكي وتناظر لرقمها متردده تتصل ولا لا؟ معقوله للحين ما اتصلت عزيز ؟ محد علمك وش الي حصل؟ ولا ما همك غمضت عيونها من قوة اللهفه والشوق لصوته وحُبه! وضغطت على رقمه ماهو الا دقايق وواصل لها صوته الي يوضح كل حاجه بدون لا يعاتب و يسال ويصارخ !
همست بخفه : ي ثقل هالوقت بدونك ي عزيز طمنني عنك؟
ابتسم وهو بداخله كمية الم ما ينوصف سكت لدقائق وتكلم بهدوء : ي ضيق صدري ي هيام من قوة ما انهد فيني الحيل والله حتى ثوبي يادوب اصك ازاريره ،
تجمعت الدموع بعيونها : لا تتركني بهالطريق لوحدي ي عزيز قلبي يرتجيك ي عزيز لا تتركني و تروح عني ،
تنهد بضيق : يكفي صبر قلبي ويكفي حُره ي هيام الدنيا ضاقت بي من المشرق ليا المغرب سعيت لوصلك ليالي طويل خابت كل ظنوني فيك حتى ما كلفتي على نفسك تتصلين اتصال واحد و تريحين قلبي من هالعذاب !
هيام بدموع : ماكان ودي اكسر قلبك ي عزيز ماكان ودي اعلمك الي حصل كنت خايفه اعلمك و تتركني مابي افقدك ي عزيز والله مابي افقدك خفت بعد كل هالحُب نصير غُرباء ،
غمض عيونه وقفل الخط بوجهها و انسدح ع سرير ،
'
'
ريم ناظرت لشوق : سلمان ليه كان هنا معك قبل شوي؟
شوق صدت : مو راضين ينهون سالفة هيام و سيف ،
ريم : اي اكيد بالنسبه لي اذا انقال شي ف لازم يصير ،
شوق : تدرين ي ريم جالسه احي بشعور ثقيل على صدري وانا مالي دخل فما بألك هيام بهاللحظه كيف متحمله؟ كانت دايم تقول انه كل انتظار سنينها لعزيز وهو حلم عمره معقول بيوم وليلة انهدم كل انتظار السنين و انهارت احلام العمر؟ بسبب شخص واحد ينهدم كل هالانتظار ! ي كثر السنين ي ريم سيف هدمه كله بيوم وليلة بدون اي تفكير!
'
'
محسن : معرف باقي عند اهلها متى ما اتصلت اجيبها ،
غسان تنهد بضيق : غاده ما ودها بالعيشه هنا مع امي ،
محسن بهدوء : وانت مستحيل تترك امي و تعيش بعيد عنها؟
غسان : اذا طول الوضع اكثر ف راح اطلقها و انهي النقاش ،
محسن صد : يخي فكنا من سوالفك البايخ الموضوع زي السلام عليكم عندك! تفاهموو في شي اسمه تفاهم الطلاق عمره ماكان حل للأمور بهالطريقة تزيد المشاكل انت !
غسان بحده : وش اسوي يعنيييي اترك امييي عشانها!!!
محسن صد : لو رجع عقلك براسك اتصل علي اجيك ومشى،
'
هناء بصدمه : منجدككك تروح تخطبهااا!!!
عزيز : اي راح اخطبها مره ومرتين ثلاث اربع لين ما يوافقون ،
هناء :احتفظ ماء وجهك ي عزيز ولا تخطي خطوه لباب بيتها لو انكب ماء وجهك ف صدقني راح تندم ولا هي لا الليلة بتكون لك ولا بكره بتكون لك السنين الي ينهدم بسبب شخص عمرك ماراح ترجعه نفس ماكان عشان كذا لا تغلط هالغلطه!
عزيز : هناء الي يده بالنار مو نفس الي يدها بالماء ! عشان كذا مانتي حاسه بلي احس فيه جالس اختنق !!
ام عزيز كانت ساكته وتسمع قامت وناظرت فيه ووقف قدامه وهمست : توعدني بعد هالثلاث فرص اذا رفضتك تتزوج غيرها! ولا ماراح امشي معها لاحتى اطلب يدها قبل الوعد!
عزيز بصدمه : مستحيل ي يمه مستحيل لو رجع فيني الزمن لوراء قبل لا اعرفها حتى وقته ما اقبل بأحد غيرها ،
ام عزيز : فكر بالموضوع ولا ماراح امشي معك ي هي ي غيرها اما سالفة انك توقف عمرك عليها ف انساه ،
عزيز بحده : هيييي تخسييي و تبطييي تروح لغيري ي لي انا ي الموت افضل لها ولي اما غيري ما ينالها ولو على جثتي!
سحب شماغه وطلع لبرا امه لحقته ،
'
'
غسان : ي امي ي الطلاق ي غاده اختاري و ريحي راسي ،
غاده ناظرت فيه بهدوء : الطلاق ،
غسان : تخسيننن فاهمه! طلاق ماني طالق اشوفك رديتي بدون اي تفكير اذا في احد في بالك ودك فيه علميني؟
غاده : اييي بدوننن تفكيررر عشان اطلععع من هالجحيم الي حاطني فيه و افتك من هالعجوزه المريضه !
غسان عطاها كف بكل قوته : قلتلككك الاااا اميييي ي غاده!
غاده : ما ترضاه على نفسك وعلى امك وترضاه على غيرك!
غسان : رضيتي بالعيشه معي ولا ما رضيتي مالك الا انا فاهمه!
غاده : راح اخلعك و تخسي توقفني ،
غسان بسخريه : طيب جربي و شوفي ان ما كسرت رجلك لو اخطيتي خطوه من البيت ما اكون غسان ،
'
'
سيف بهدوء ماكان ودي بهالعناد والتحدي طوفت لك المره الي فات لكن هالمره لا ي هيام قلبي من زمن طويل كان خاطره فيكِ لما عرفت حُبك لولد فاطمه هونت و عفتك لكن جايه تحديني عشان مين بالضبط ! عشان ولد فاطمه ! تخسين ي هيام ويخسييي هو بعد و يا انا ي انتي ي هو،
'
'
عزيز تنهد وهمس : جيت اطالب بيد بنتك هيام ي عمي طلبتك بالله لا ترفض ! جيتك وانا كلي امل انك ما تردني و..قاطعه ابو سلمان وهو يصد : العذر والسموحه ي ولدي لكن بنتي هيام انخطبت لولد عمه اعتذر ،
عزيز سكت وهو مو عارف بـ اي طريقة يطالب فيها! لو ترجاه وطالب بحُبه راح يعرف وهي الي تطيح بهالنار وتتحمل حرقته! افضح حبها لي ي استر! اتركها لغيري ي اقتلها! ي اخذ حُبها ي أبيعه بيوم وليله! اترك مشاعرها لغيري ي اطالب فيه بالغصب! حسيبك ربي ي سيف حسيبك ربي اي نار طيحتنا فيه وتركتنا نتحمل حرقته وانت تتهنى بحياتك! حسيبك ربي ي سيف تركتنا بهالشوق واللهفه ما بين نتحمل حرقة هالنار وما بين نطالب بحُبنا لبعض! قاطع تفكيره اول ما تنحنح دخول سلمان عزيز فز وقام ،
'
'
هيام بدموع : يمههه تكفيننن افهمي ماودي فيه ليه تغصبونيييي على شي مابيهه!!! ليههه!!!
ام سلمان بحدها : ابوكِ داخل روحي قولي له هالكلام فاهمه!
هيام : والله ماراح أوافق ولا راح ارضى على سيف ولو اموت!
ام سلمان : سيف جاي الليله و خطوبتك بيكون الليله كنت افكر يكون بعد كم يوم لكن لا بيتكون اليوممم فاهمهه!
عزيز كان طالع من المجلس التفت للغرفه وهو يسمع الصراخ عقد حواجبه وقرب وهو يسمع صراخ هيام ،
هيام صراخ : اجل زوجونيييي ياهه وخلوني اروح معه وافتك بدال من هالعيشهه و ارتمت على السرير وهي تبكي ،
عزيز انصدم من كلامها و تجمد بمكانه فز من حطت امه يدها على كتفه وهمست : يلا بنمشي للبيت قامو طلعو عزيز اول ما فتح باب البيت مشى لغرفته : مستحيل ي هيام مستحيل انه هالكلام كان منك او من قلبك! كيف تقدرين تستسلمين بالسهولة ! كيف ترضين بقتلييي و تروحين لغيري! كيف قدرتييي تقولين هالكلام! غمض عيونه من قوة القهر قام طلع لبرا وناظر لـ امه : انا ما وعدتك على كلامك لكن الحين موافق دوري لي غيرها و اتزوج اليوم قبل بكره ! اتزوج قبلها وقام سحب مفاتيحه وطلع من البيت قبل يسمع الرد ،
هناء بصدمه : مستحيل انه صادق بكلامه !
ام عزيز بحزن : من قهره ي بنتي من قهره و حرقة قلبه ماهو فاهم الكلام الي يقوله ،
'
'
سلمان : خلاص هيام مو منجدك للحين تبكين!
هيام : سلمان مو انت تحبني وتقول اني اختك الوحيده و دايم توقف معي شلون الحين تتركني اروح لهالجهنم!!!
سلمان بحده : هيام خلاصصص ترا سيف ماهو غريب!
هيام نزلت دموعها قامت سحبت نفسها وطلعت لبرا ،
'
'
لم يراني وانا أقاتل من اجله! راني بعد انتهاء المعركه وانا احمل سلاحي فاعتقد باني اود قتله فقتلني...
'
'
أنت تقرأ
يا انتظار السنين ويا حلم العُمر
General Fictionحين سالتني من انا؟ فـ قُلت لك انت " انت انتظار سنيني وحلم عُمري" لم ادرك حينه انك انت = غصةُ العُمر والسنين = حساب الكاتبه في الانستا = arwicx =
