= يـ انتظار السنين ويا حلم العُمر 37 =
'
'
هيام كانت داخل الحمام تتروش ( يكرم القارئ )
سيف كان واقف عند المرايا يعدل شعره فجاه حس بالم غمض عيونه ومشى لاحتى يجلس فجاه طاح على الارض ما قدر يتحمل الالم و انصقع يده على الطاوله ،
هيام كانت طالعه وسمعت الصوت فزت و ركضت له وهي تناظر فيه سيف كان مغمض عيونه وهو حاط يده على مكان الالم اسفل الظهر هيام تجمدت بمكانها من الصدمه ،
سيف بهدوء : مافيني شي لا تخافين ،
هيام جلست على الارض قدامه وهي تبكي ،
سيف ناظر فيها وهو يحاول يتحمل وضحك : مافيني شي ترا ،
هيام بدموع : لا تكذب خلاصصص لا تكذببب.
سيف تنهد وسكت هيام ركضت وهي تسحب الشنطه من الدولاب و تطلع كل ملابسه سيف كان يناظر وهو بالارض.
هيام حطت كل ملابسها بالشنطه ومشت وهي تسحب شنطته وتبكي وسحبت كل ملابسه وحطتهم ،
سيف قام جلس بالقوه وهمس : شقاعده تسوين!
هيام بدموع : ماراح نجلس هنا ولا يوم راح نمشي خلاصص ،
سيف تنهد : ماراح نمشي قلتلك ،
هيام مشت لعنده ومسكت يده : تكفى سيف لا تقول لا تكفى خلنا نرجع اوعدك اسوي كل الي تبي الله يخليك نرجع اذا تحبني لا تقول لا الله يخليك سيف خلنا نرجع ،
سيف تنهد وهز راسه : اي احبك ،
هيام : اجل نرجع قلتلك اذا تحبني لا تقول لا ،
سيف تنهد : تمام بس ماراح تتغيرين علي؟
هيام هزت راسها بالنفي : لا اوعدك ماراح اتغير عليك ،
'
غاده دخلت المول وهي تناظر بـ ملابس الاطفال ،
غسان عرف انها راح تضايق لانها تاخرت عن الحمل من تزوجت وهي ما حملت مشى لعندها : خلينا نمشي نشوف هناك ايش في يمكن يعجبك ،
غاده بهدوء : لا ابي نرجع البيت خلاص ،
غسان : تضايقتي؟ غاده تجمعت الدموع بعيونها ،
غسان بحزن : لا تبكين يقلبي باذن الله ربي يرزقنا مافي شي مُستحيل في كثير زيك يتاخرون عن الحمل مو بس انتي ،
غاده : لا ي غسان يمكن انا للابد ابقى كذا ،
غسان تنهد : لا تقولين كذا بس ادعي و ان شاء الله خير ،
غاده ناظرت فيه وهزت راسها بـ اي ،
'
كانت جالسه فجاه انفتح الباب انصدمت وهي تشوف شخص متلثم بالشماغ وداخل ويقفل الباب قامت تصارخ وتبكي فجاه فزت من النوم وهي تشوف خالد مو موجود وكل الي شافته حلم ركضت اخذت جوالها وهي تشوف كل المكالمات من رقم غريب ما عرفت شتسوي علطول اتصلت على الرقم وهي خايفه ، سعود فز من نومه اول ما رن جواله و رد : مين؟
ريم ببكاء : ءءاناا ءءاناااا ساعدونييي ، سعود فز من صوتها وناظر للرقم وحاول يغير صوته : ءءشصاير لك؟
ريم ببكاء : الله يخليك طلعونييي مننن هنااا ابي اطلععع ،
سعود : ارسلي العنوان طيب وين انتي انا راح اطلعك ،
ريم ما كانت مستوعبه شي و رسلت الموقع لكل الارقام الي بجوالها ، سعود فز اول ما هي رسلت و ركض طلع ،
'
طلال ما كان يجيه النوم و شوق زعلانه ناظر لجواله اول ما وصله رساله اخذ وهو يشوف ريم راسله الموقع استغرب وقام وهو يلبس ثوبه و سحب مفاتيحه وطلع وهو يروح لنفس الموقع ، لكن للاسف سعود وصل قبله ومشى وهو يكلم صاحب الفندق و يسمعه الاتصال لانه حفظه ،
صاحب الفندق استغرب و مشو معه فتحو الباب ،
سعود همس لهم : انتظرو يمكن ماهي لابسه عبايه ،
صاحب الفندق وقف و دخل سعود ناظر فيها وانصدم وهو يشوفها بذي الحاله ريم نزلت دموعها وهي تناظر فيها و ابد ما تذكرت شكله ولا تذكرت مين هو؟ كل همها الحلم الي شافته كانت واقفه تبكي سعود كان منصدم من حالتها وناظر لعبايتها و رماها عليها : البسي بسرعه ، ريم لبست العبايه
وهي تبكي : طلعنييي الله يخليكم طلعونييي ،
صاحب الفندق : لازم نتصل على الشخص الي جابك لـ هنا و حبسك لازم نعرف ايش الموضوع هل هو خاطفك؟
ريم كانت ساكته تبكي سعود انقهر وهو وده يعرف شسالفه ،
سعود مسكها من يدها وهو يسحبها معه وطلعو لبرا ،
بهالوقت كان طلال داخل الفندق لكن ما انتبه لهم واكيد ما يعرفها لانها لابسه عبايه و متغطيه ، ومشى لفوق وهو يتصل على خالد بعد دقايق رد باستغراب : هلا شصاير؟
طلال : ايش رقم غرفتكم ؟
خالد بصدمه : ليه تبي رقم الغرفه شصاير؟
طلال : بسرعه اخلص واذا مانت هنا تعال بسرعه ،
خالد بتوتر : تمام جاي ، ومشى سحب مفاتيحه وطلع ،
'
ريم ركبت السياره وهي تبكي سعود كان ساكت و يسوق ومنصدم انها ما عرفت شكله او صوته او اي شي عنها وهو لاول مره كان يشوفها بهالشكل ببيت الجد طول الوقت كانت لابسه طرحه قدامه تنهد وهو يطرد عن باله شكلها ، وما كان يسمع منها شي غير صوت بكاءها وهو بنفسه مو عارف وين ماخذها بس كان يسوق بصمت ،
'
خالد وصل وهو يركض يدخل الفندق طلال مشى وراه ،
خالد مشى يفتح الباب فجاه وقفه صاحب الفندق وهو يناظر فيهم : البنت مو هنا راحت مع شخص ،
طلال و خالد انصدمو وهم يناظرون ببعض ،
طلال : معليش مع مين راحت وكيف؟
صاحب الفندق : جاء شخص و سمعنا صوتها كانت تبكي وتطلب مُساعده منه وهو اخذها و طلعو ،
طلال قرب مسكه من ياقته : وانتتتت ليههه تفتححح البابب!
صاحب الفندق دفه وهو ياشر على خالد : هالشخص جابه و رماها هنا وعطاني الفلوس انها تقعد هنا لمُدة شهر واكلها بيكون على حسابنا ومشى وما علمنا شي غيره ،
خالد بحده : اييي جيت رميتهااا هنا لانييي عارف انها وحده رخيصه من بعد المول وانا مو واثق فيهااا و رميتها هنا و اي محكمه انت كنت تتكلم عنه؟؟ نروح نتزوج؟ ما تزوجنا ىلاشي رميته هنا ومشيت ولو محد عرف كان قلت انها ماتت وطلع ،
طلال انصدم من كلامه وهو يصارخ : خالددددد ، خالد صد ومشى طلال ناظر لصاحب الفندق : وين الكاميرات ابي اشوف وجه الي اخذ البنت عطونيييي اي شي عنه ،
صاحب الفندق تنهد وهمس : تفضل معانا ،
طلال مشى معاهم و فتحو الكمبيوتر وهم يورونه التسجيلات من برا عند مدخل طلال انصدم اول ما شاف سعود كان داخل الفندق وهمس : وقففف وقففف وقفو التسجيل على سعود ،
طلال بصدمه : هذاااا الييي اخذههااا؟؟؟؟
صاحب الفندق : اي نعم هذا الي اخذها ،
طلال قام ركض وهو يطلع برا ركب السياره وهو يدور رقم سعود بجواله بعد دقايق لقاه وجلس يتصل عليه لكن ما يرد،
'
ريم كانت ساكته وجالسه سعود كان يسوق و يلفلف بالمنطقه ما يدري وين ياخذها وهمس : وين اخذك؟
ريم كانت ساكته و دموعها تنزل بصمت ، سعود حرك سيارته ووقف عند الفندق وهمس : انا جاي الحين ونزل ،
ريم فزت وهي تشوف الفندق بعد ما مشى سعود ،
ريم فتحت الباب وهي تركض تبي تطلع من هالمكان اهم شي ما ترجع لـ اي فندق سعود لاحظ عليها و وكض وراها ومسكها من كتفها : بنتتت وينننن رايحه؟؟؟
ريم ببكاء : ءءمابيييي هنااا مابييي اتركنييي ،
سعود بصدمه : شصاير لك ؟؟ ريم كانت تهز راسها بـ لا وتبكي،
سعود مسك يدها : اهدي ماراح يصير لك شي اوعدك ،
ريم ببكاء : ماعادد ابي اشوفه ماعاد ابي اشوف ذاك ،
سعود تنهد وهمس وهو مو فاهم شي : تمام ماراح تشوفينه ،
ومسك يدها واخذها معه ريم كانت تمشي معه وعيونها غرقانه بالدموع سعود دخل الفندق و استاجر غرفه واخذ ريم ومشى لفوق ريم دخلت معه سعود قفل الباب ونزل لتحت مشى قفل سيارته ، ريم جلست على الكنب وهي تبكي ،
سعود فتح الباب وهو يناظر فيها : اهدي لا تبكين ،
ريم كانت منزله راسها : ءءابييي ارجع لامي الله يخليكم رجعونييي لها ماعاد ابي شييي مابي ذاك الشخص مابي خالد مابيه ابي امي الله يخليك خذني لـ امي ،
سعود : تمام تمام راح اخذك لها اهدي بس ،
ريم كانت تبكي و تترجاه : خذنيييي الله يخليك خذن....سكتت اول ما لمحت وجهه زين وناظرت لملامحه وفزت قامت وهي تبعد عنه : ءءءءانتتت ءءءذذاك ءءبيت ..هزت راسها بـ لا وهي تبكي سعود قام وهمس : اي انا سعود ،
'
'
أنت تقرأ
يا انتظار السنين ويا حلم العُمر
General Fictionحين سالتني من انا؟ فـ قُلت لك انت " انت انتظار سنيني وحلم عُمري" لم ادرك حينه انك انت = غصةُ العُمر والسنين = حساب الكاتبه في الانستا = arwicx =
