ရုံးတတ်ရမည်ဖြစ်၍ ချင်းဟန် အိပ်ချင်နေသည့်စိတ်အား ဆန့်ကျင်ကာ အိပ်ယာမှထလိုက်သည်။ မျက်လုံးဖွင့်ပြီးချိန်တွင် မီးဖိုချောင်ထက်မှ မွှေးကြိုင်နေသည့် ရနံ့သည် ချင်းဟန်အား ဆွဲဆောင်နေသည်။ ေဘးတွင်အိပ်နေသည့် ရှောင်ချန်းမရှိတော့သောကြောင့် သူမစားရန် ချက်ပြုတ်နေမှန်းသိလိုက်သည်။ ထို့နောက် အိပ်ယာမှထကာ ရှောင်ချန်းရှိရာ မီးဖိုချောင်သို့ ဦးတည်လိုက်သည်။
"နိုးလာပြီလား ချင်းဟန် "
သူမတိတ်ဆိတ်စွာဖြင့် လမ်းလျှောက်ခဲ့သော်လည်း ရှောင်ချန်းသည် သူမရောက်လာသည်အားသိသွားခဲ့သည်။
"နိုးပြီ လူကမထချင်ပေမဲ့ အစာအိမ်က မြူဆွယ်တာကိုမခံနိုင်တော့လို့ "
"အိပ်ချင်သေးရင် မနက်စာစားပြီးပြန်အိပ်လိုက်လေ "
"အိပ်လို့မဖြစ်ဘူး ရုံးသွားရဦးမယ် "
"တစ်ရက်တစ်လေ ခွင့်ယူပြီး နားချင်နားလိုက် "
"မဖြစ်ဘူး ကျန်းရှောင်က ပြန်လာတော့မှာ ပိုပြီးအလုပ်ကြိုးစားရမယ် ဒါမှ ကျန်းရှောင်ကို ကောင်းကောင်းထားနိုင်မှာ "
စားပွဲပေါ်တွင်ထိုင်နေရင်းဖြင့် တစ်စုံတစ်ခုအားတွေးလျက် သူမပြန်ဖြေခဲ့သည်။
"ချင်းဟန်က အစ်မကောင်းတစ်ယောက်ပါ ကျန်းရှောင်မှာ ချင်းဟန်လို အစ်မရှိတာ တကယ်ကံကောင်းတယ် "
ကျန်းရှောင်ပညာတော်သင်သွားေနသည့် တစ်လျှောက်လုံး ချင်းဟန်သည် အလုပ်ကြိုးစားကာ ရသမျှ ဝင်ငွေအား ကျန်းရှောင်အတွက်သာ သုံးခဲ့သည်။ ကျန်းရှောင် ကျောင်းတတ်ရန်အတွက် လိုလေသေးမရှိအောင် ဖြည့်ဆည်းပေးခဲ့သည်အား သူမအသိဆုံးပင်။ အခင်ဆုံးသူငယ်ချင်းဖြစ်နေသော်လည်း သူမသည် ကျန်းရှောင်အတွက် မုန့်ဖိုးပင်ပေးခွင့်မရှိအောင် ချင်းဟန်တားထားခြင်းပင်ဖြစ်သည်။
လှပလွန်းေသာမနက်ခင်းလေးသည် သူငယ်ချင်းနှစ်ယောက်၏ အပြုံးများနှင့်အတူ ပြည့်စုံခဲ့သည်။ ရှောင်ချန်းပြင်ပေးသော မနက်စာအား စားပြီးနောက် ရုံးသို့အတူ လာကြသည်။ ချင်းဟန်သည် ကုမ္ပဏီ၏ အဓိက ဒီဇိုင်နာတစ်ယောက်ဖြစ်လာခဲ့သည်။
YOU ARE READING
The Destiny Of Love {အချစ် ကံကြမ္မာ}
Romanceတစ်ဘဝတည်း မဟုတ်ဘူး ဘဝအဆက်အဆက် အတူရှိချင်တယ် ဖုန်းယဲ့ဖြစ်ဖြစ် ရှောင်ချန်းဖြစ်ဖြစ် သူမဖြစ်နေရင်ရပြီ ........ဖူချင်းဟန်....... အတိတ်က ဟန်ချင်း ၊ အခု ချင်းဟန်ဆိုတဲ့ အမျိုးသမီးနဲ့ အတူဆိုရင် ဆယ်ဘဝမက ဆယ်ကမ္ဘာတိုင်လည်း အတူရှိမှာ ...
