My Boyfriend's Vendetta (Completed)

Chapter 20

Lucinda

Napangiti ako sa kanya at agad na hinalikan ni Clark ang aking kamay kaya bigla na lang silang napatikhim dahil mukhang kanina pa yata kami nagtititigan. Humingi kami agad ng pasensya pero tinawanan lang kami nina Tito at Papa. Nang matapos ang main course meal namin ay pinalabas ni Papa ang aming dessert na cake.

"Whitlock?" Napatingin kaming lahat kay Papa. "Your surname sounds familiar, iho. How are you related to Clarence King Sr.?"

Napatingin naman ako kay Clark at napansin na natigil siya sa pagkain sabay napatingin kay Luke. Noon ko pa napapansin na parang may lihim ang dalawang ito pero hindi ko lang alam kung ano o pwede ring nag-iimagine lang ako. Linunok niya muna ang kanyang kinakain bago siya sumagot sa tanong ng aking ama.

"H-He's my father, sir."

"Oh, really? Clarence King Whitlock Sr. was my friend when I was in New York," sabi ni Papa.

"Wow lang Dad. Parang halos lahat na lang yata ng bansa ay may matalik kang kaibigan," puna ko at nagtawanan naman kaming lahat.

"Sinabi mo pa iha. Your father is very friendly and easy to talk to. May isang salita kasi siya pero at the same time ay mahirap din siyang kalaban," sabi naman ni Tito Sandro.

"Nah. Nagkataon lang naman na kilala ko ang ama niya. How is he? Ang tagal ko nang walang balita sa kanya ah?" tanong muli ni Papa kay Clark.

"Uhm...h-he, h-he died." Napatingin ako kay Clark at hindi ko alam na wala na pala ang kanyang ama.

"Oh, I'm...I'm sorry, iho," hinging paumanhin ni Papa sa kanya.

"Ayos lang ho iyon."

Nang matapos kaming kumain ng dessert ay medyo nagkwentuhan na muna kami at paminsan-minsan ay napupunta sa aming dalawa ang hot seat. Paano ba namang hindi mapupunta sa amin ang hot seat e ang daming tanong ni Papa lalo na kay Clark. My dad is very strict, but what I like about him is he doesn't force us to do what we don't want to do.

Marami siyang naging tanong sa amin kung saan kami unang nagkita, kung nag-date na raw ba kami, kung ilang buwan o taon na kaming magsyota. Seriously, wala na iyong kaba ni Clark kanina pero pakiramdam ko ay babalik dahil sa katatanong ni Papa. Hello, hindi na kaya ako bata Dad para tanungin mo ng ine hundred questions ang boyfriend ko.

"Ano ang trabaho mo ngayon iho?" tanong ulit ni Papa.

"Dad..." Pinanlakihan ko siya ng aking mata pero hindi lang niya ako pinansin. Aba't...Humanda ka sa akin mamaya papa.

"I'm actually unemployed right now, but I am one of the stockholders of my dad's company in New York and Italy." Napatingin naman ako kay Clark.

"Sandro, alam mo ba na ang ama ni Clark ang nagmamay-ari ng isa sa pinakamalaking oil company sa buong mundo. That company can operate without a CEO, but you can still earn billions from it." Maang akong napatingin kay Clark na iwas ang tingin sa akin.

"Really? Wow. Maybe I can visit your company one day, and you can tour me around."

"Stockholder lang naman ho ako roon. My uncle is the one operating it right now." Napatango-tango naman silang dalawa.

"I also heard that your father has his own agency?" tanong ulit ni Papa.

"Uhm, yes. It's called Secret Agency of the Government in Italy. Although binigay na ni Papa iyong pamamalakad nito sa isa sa mga kakilala niya ay pinayagan pa rin naman nila akong maging isang stockholder nito." Nakatunganga lang ako kay Clark habang nagpapaliwanag siya dahil ngayon ko lang nalaman ang lahat ng ito tungkol sa kanya.

Napatingin naman siya sa akin sabay napangiti kaya ginatihan ko rin siya ng ngiti. At least now, I already know a lot about his family background kahit papaano. I want to know more about him, but maybe for now this is enough. Nang matapos ang lahat ay nagpaalam na kami sa isa't isa at pinakita na sa kanila ni Papa kung saan sila matutulog.