My Boyfriend's Vendetta (Completed)

Chapter 21

Lucinda

Nang matapos kaming nag-almusal ay nagkwentuhan kaming lahat kasama ang ama ni Luke at si Tito Sandro. Wala namang pinagbago dahil tungkol pa rin naman sa business palagi ang pinag-uusapan nila kaya hindi na lang ako umiimik. Hanggang sa nagpaalam na sina Tito Sandro at Luke sa amin para bumalik sa Paris. Akmang aakyat na sana ako papunta sa aking kwarto nang tawagin ni Papa ang aking pangalan.

"Yes, dad?" tanong ko.

"Bakit hindi mo ipasyal si Clark sa farm natin nang makita naman niya kung anong itsura nito?" Napatingin naman ako kay Clark na katabi ni Papa at pakiramdam ko ay may ginawang kalokohan ito.

"Sure, Papa. Maliligo lang ako at magbibihis pagkatapos ay tatawagin ko na lang ho sa Mang Samuel para ihatid kami sa farm. Kayo ho hindi ho ba kayo sasama?" tanong ko at hindi ko hahayaan na matuloy ang kalokohan ng magaling kong nobyo.

"Well, I would love to, but I'd rather be here. Isa pa alangan naman na maging chaperon ninyo akong dalawa?" Napangiti ako kay Papa sabay nag-baby face.

"Hindi naman mangyayari iyon Papa lalo na at ang tagal nating hindi nag-bonding simula nang umalis ako papuntang Paris. Please? Gusto kong sumakay tayong dalawa ulit ng kabayo tulad ng ginagawa natin noong bata ako." Tumango naman si Papa at agad ko siyang yinakap ng sobrang higpit.

Tinignan ko si Clark at kita ko ang paniningkit niya sa kanyang mga mata at napapailing na lang sa akin. Binelatan ko siya pagkatapos ay humiwalay na ako sa pagkakayakap kay Papa at umakyat papunta sa aking kwarto. Ang sarap lang asarin ni Clark lalo na at alam kong tigang na tigang na siya.

Nang matapos kaming maghanda ay sabay-sabay na kaming pumasok sa sassakyan kung saan ay papunta ito sa farm na inaasikaso ni Papa. Mahilig kasing mag-alaga ng mga hayop ito lalo na ang mga kabayo kaya naisipan niyang bumili noon ng sariling lupa at ginawa itong farm. Nam-maintain naman ito palagi dahil iyon na yata ang naging bisyo niya simula nang lumalaki na kami.

At para mas maasar sa akin si Clark ay nagsuot ako ng dress na nakikita ang aking legs at mababa ang neckline nito. Napansin ko na kanina pa siya patingin-tingin sa akin pero hindi naman siya nagsasalita kaya hindi ko tuloy alam kung ano ang pumapasok sa isip niya. Ilang minuto pa ay nakarating na kami sa nasabing farm ni Papa.

Lumabas kami ng kotse pero imbes na sumabay ako kay Clark ay mabilis akong tumabi kay Papa at paglingon ko kay Clark kay naiiling ulit siyang napatingin sa akin. Pagkatapos ay tinuro niya ako pagkatapos ay sa kanya na ang ibig sabihin ay humanda ka sa akin. Natawa na lang ako at agad na pumunta kami sa stable kung saan nakatago ang mga kabayo ni Papa. Pagpasok namin ay agad na sumalubong sa amin si Mang Arthur ang nangangalaga ng mga kabayo rito.

"Senyorito! Buti naman ho at ngayon lang kayo ulit nakadalaw dito," masayang bati niya sa amin.

"Gano'n din sa iyo, Arthur. Kumusta ang mga kabayo?"

"Ayos na ayos ho ang mga lagay nila, senyorito at bagong paligo lang ho sila. Aba e mangangabayo ho ba kayo?" Tumango naman ang aking ama.

"Oo sana dahil nami-miss ko na rin gawin ito kasama ang aking anak na si Lucinda." Kumaway ako kay Mang Arthur.

"Aba'y kay gandang dalaga mo na Miss Lucinda. Dati ay bata ka pa noong unang beses mong nangangabayo ah. Tamang-tama dahil meron pa si Spade rito na gustong-gusto mong sinasakyan noon." Napanganga ako dahil ang akala ko ay naibenta si Spade.

Si Spade ang regalo sa akin noon ng aking mga magulang at kasama ko siyang lumaki pero noong mga oras na lumalaki na ako ay hindi ko na siya nakikita. Sinabi nila Papa na ibebenta nila si Spade pero hindi ko alam na nandito pa pala siya. Napatingin ako kay Papa at ngumiti siya sa akin kaya naman agad ko siyang yinakap at tumakbo patungo sa stall ni Spade.