في الجانب الأبيض والأسود

part 1

مين ميرال؟
صبية عمرها ٢٢، مارح يكون في أهمية لعمرها بالرقم و الهوية الشخصية، لانو عمرها بعمر العقل..
ميرال بنت كبرت قبل أوانها، عاشت شغلات سيئة من مراهقتها لهلأ
مشاكل عائلية مشاكل عاطفية مشاكل او عقبات نفسية
اضطرابات و اكتئاب و سواد من كل النواحي
جانب اسود مظلم تماما
لقت من اللئم راحة البال بعيداً عن العالم و الفوضى تبعتو
و من التكبر راحة من الناس
و من المشاكل القسوة الي نزرعت بقلبها و مدِّت بطريقها للامست كل قلبها بسوادها
و من عدم اعطاء اهتمام لحدا لو بنظره سلامتها النفسية و راحتها بالدنيا
وقفِّت حالها بحالها بدون ايد اي حدا
و كان كل موقف بتوقف منو لحالها بخليها تآمن انو ماحدا بحبها غير نفسها
و ما عمرو في لون ابيض بهاي الدنيا
من عمر ال ١٣ و اللون الاسود عشقها
بتشوف فيه حياتها و طريقة عيشتها
ماكانت هيك ابدا، بس متل ما بقولو
الدنيا بتاكل الضعيف لحد ما تطلعو بني ادم تاني تماما
الشخصية القوية و الهيبة
بس ينذكرو ما بيجي ببال الناس من حوليها غير ميرال
قوية و حلوة
معروفة بجمالها وجاذبيتها
طولها 170
صاحبة بشرة بيضا و عيون كبيرة سودة مجذبة
و جسم ناعم و متناسق مع طولها و عمرها
امها متوفية من ٥ سنين
و ابوها اكيد مو متل امها باهتمامو فيها و خوفو عليها
عندها اخت وحدة
و ميرال حتى اختها ما بتختلط معاها كتير و بتحب تضل لحالها
لكل فعل ردة فعل
و على كل حياة ميرال هي ردة الفعل الي طلعت منها..

تجاهلت الأنظار الي حولها و دخلت على قاعة الاختبار و صوت جزمتها برن بالقاعة
دخلت و صارت تمشي على مكانها بدون اي دق باب او كلمة وسابق انذار
اجت لتقعد على الكرسي و حكى الدكتور: شو ميرال خانم، فايتة على اوضتك بالبيت يعني؟
ميرال رفعت عيونها بملل، لفت على الدكتور و على عيونها نظرات برود و لؤم: نعم؟
الدكتور: تفضلي رجعي دقي الباب و احكي صباح الخير
ميرال رفعت حاجبها الاسود و تطلعت بالدكتور بنظرة تحدي، كتفت ايديها و ثبتت نظرها لمكانو
الدكتور: تفضلي ارجعي دقي الباب
ميرال: ماني طفلة بين ايديك لتتحكم فيني، و جاي لهون لقدم الامتحان وارجع، ماني ميتة لسلم عليك و احكيلك " صباح الخير " ، و يلا لو سمحت عطيني ورقه الامتحان ضيعت علي دقيقتين
الدكتور مذهول من كلامها و جرأتها، و كل الي بالقاعة ساكتين و بيتطلعو ببعض بصدمة على كلامها
الدكتور بصوت عالي: ميرال
ميرال: خير؟؟، عطيني الورقه خلصني
راحت تمشي و اخدتها من الطاولة و قعدت مكانها تحل بكل برود
و الدكتور شعل حريقة من تعصيبو من تصرفها و كلامها
و توعدلها ببالو

كان قاعد مع اختو بالغرفة، بشوفها كيف بتحكي قصص وسيَر بحماس و بيضحك على حماسها و حكيها
سارة: و راحت هديك بتصرخ عليها و بتقلها انتي كيف بتحكي عني هيك ما بتعرفي انا بنت مين و تتفشخر بحالها قدامها
أحمد: ههههههههه نفختي قلبي ينفخو قلب يهودك خلص سكتي
سارة: بس شوي بس شوي ضل و بتخلص
احمد: ولك سووسة خلص سكتي
سارة: طيبيب يا احمد سكتني لشوف و هه ( مسكت الغطا وتغطت فيه كامله و مثلت الزعل )
أحمد: يلا بلشنا، تعي تعي عم امزح معك
سارة من تحت الغطا وبصوت طفولي: مابدي
أحمد: سووووس والله بخليكي و بروح هلأ
سارة تحركت من التخت وبعدين تذكرت موقفها وعندت: روح
أحمد: هههههههه تعي ياغبيه اخوكي تعي
شال الغطا عنها وصار يضحكها و ينكش بشعرها بايديه
ساره: لااا شعري هههههههه خلص تركني تضرب
أحمد: عم تعملي علي طفلة لكن انا بورجيكي
وصار يضربها بشكل خفيف بالمخدة

سارة و أحمد..
الاخوة المتعلقين ببعضهم لاخر نفس
امهم متوفية من زمان و ابوهم عايش بس صحتو على قدو
أحمد الشب الي عمرو ٢٤ سنة، الرجال الحنون بكل ما تحمل الكلمة من معنى، رغم الشغلات البسيطة الي ضايقتو بحياتو قدر يطلع منها و يكمل بطريق قلبو الأبيض، بحب يساعد كل الناس و يجبر بخواطرهم، الاخ والاب والام و الحبيب والصديق لاختو سارة
معوضها عن كلشي ممكن تحسو بفقدان امها، اي شي بتفكر فيه قبل ما تطلبو بكون عندها

يا ترى شو علاقتهم ببطلة روايتنا؟..