في الجانب الأبيض والأسود

part 16

فادي: سارة
سارة: نعم
فادي: بدك تضلي نايمة هون؟
سارة: اي
فادي: بس لسا الساعة ١٢ حبيبتي و ممنوع الزيارات و الدخول لبكرا الصبح
سارة: ما بدي روح
الاب: عمي قومي رتاحي و نامي لبكرا بتجي بكون احمد فاق ان شاء الله و بتدخلي لعندو
سارة: ما بدي اتركو لحالو
الاب: مارح يصير عليه شي، مارح تستفادي من قعدتك لأنو نايم هلأ، و واحد بس رح يضل هون معو
روانا: اي حبيبتي قومي نرجع لعندي عالبيت مارح تضلي لحالك، نرتاح شوي وبكرا بنجي من الصبح
ستسلمت سارة و هزت راسها بهدوء
الاب: يلا روانا خدي سارة و ركبو بالسيارة، وين ميرال؟
روانا: سارة انتي نزلي مع فادي و انا رايحه شوف ميرال
مشي فادي مع ساره لتحت، و روانا صارت تمشي عالحمامات
صرلها نص ساعة واقفة على نفس الحالة، المي مفتوحة و حاطه ايديها على طرف المغسلة و ساكته سارحه بتفكيرها
روانا: ميمي
اجت لعندها و وقفت جنبها: ميرال
رفعت عيونها بتعب
روانا: يلا نرجع عالبيت، بكرا الصبح بنجي
ميرال بصوت مخنوق: انا ماني راجعة روحو انتو
روانا: حبيبتي مارح تستفادي شي من قعدتك بكرا رح يطلعوه على الغرفة و
ميرال بحدة: قلت مارح ارجع روحو انتو
روانا تنهدت: طيب، انا رح روح عالبيت جبلك غراض واجي
ميرال: لا تجيبي شي قاعده عالكرسي
روانا: طب اكل ما اكلتي شي
ميرال: رجعي عالبيت مع ابوكي، مالي نفس اكل
روانا بيأس: طيب، انتبهي على حالك، رح اتصل عليكي بالليل
طلعت و تركتها، رجعت لعند ابوها
الاب: شو وينها
روانا بتأشر بإيدها: رح تنام هون اليوم
الاب: كيف؟
روانا: بابا بتعرف ميرال و عنادها، مارح ترجع رح تضل هون، خلص مو مشكلة ليك الكراسي بتقعد هون و الممرضين معبيين المكان مارح يصير عليها شي
تنهد الاب: لا حول ولا قوة الا بالله، طيب امشي
غرفت ايديها بالمي و حطتهم على وجهها، سكرتها و اخدت فاين و مسحت ايديها، طلعت بهدوء و مافي غير صوت كعبها بالمدخل، مافي اي حدا، احمد بالغرفة و ميرال ورا القزاز، رجعت وقفت و صارت تتطلع عليه..

الاب و سارة و روانا بالسيارة، و فادي ودعهم و رجع بسيارتو و قال لسارة بيطلعو بكرا بكير
روانا: شو سوسو ما جعتي؟
سارة بصوت واطي: لا والله
روانا: لا مبلى جعنا، بابا وقف جبلنا شاورما سارة بتحبها
الاب: تكرمو
سارة: والله مافي داعي مالي نفس
روانا: بتقولي هيك هلأ شمي ريحتها و شوفي معدتك كيف بتصير
بتسمت سارة و صار يسوق الاب عالمطعم..

رجع فادي عالبيت و اول ما دخل ستلمتو نسرين: ممكن تفهمني شو عم يصير؟
فادي تنهد و قعد عالكنب: احمد تصاوب
نسرين شهقت: شو؟؟
فادي: لا تخافي بسيطة، صار احسن و بكرا بيسمحولنا نشوفو
نسرين: كيف مين صاوبو
فادي: ما حدا بيعرف، رصاصة طايشة
نسرين: كيفو هلأ؟
فادي: منيح مافيو شي، حاطينو بالعناية لبكرا بطالعوه
نسرين: و مين معو هلأ كيف تركتوه لحالو بالمشفى؟؟
فادي: ميرال معو
عقدت حواجبها نسرين: مين ميرال؟
فادي: اخت رفيقة سارة
رفعت حواجبها بنكر: هيك لكن، و وين اختو ما تضل معو؟
فادي: البنت منهارة كيف بدك نخليها بهالحاله واخوها بتخت المشفى؟
نسرين: و بصفة مين هي ميرال قاعده عندو؟
تنهد فادي: بصفتها حبيبتو..