في الجانب الأبيض والأسود

part 6

اجا الليل، و اجا وقت السهرة المنتظرة، صارت الساعة ٦ ونص
قامت ميرال على غرفتها، ما بدها تروح بس مجبورة، حاسة حالها تعبانة و جسمها انحطاط، تجاهلت تعبها، دقن عليها روانا الباب: ممكن فوت؟
ميرال: فوتي
روانا: يلا يلا تعي مكيجك و زبطك
ميرال باستغراب: شو؟
روانا: تعي مكياج خفيف
ميرال: مابدي مكياج
روانا: لك كيف حفلتك بدون مكياج تعي
و صارت تطلع الغراض الي جابتهم بشنتايتها لما فاتت، شنتة المكياج
ميرال بتتذمر: خلص مابدي
روانا: بس شوي بس شوي مارح كتر
ميرال: واللهِ يا روانا ان طلع كتير لامسحو مشان ما تتعبي حالك من هلأ
روانا: نوووو مارح كتر تعي يلا
قعدت ميرال عالكرسي و مو مقتنعة باللي رح تعملو روانا لانها عرفانه رح تكتر
اخدت مجدها روانا بالمكياج و صارت تطبقو على اصولو، ختارتلها مكياج سموكي اسود العيون مع كحل و رموش خلو عيونها مسحوبين، و ميرال كل شوي بترجع بدها تفتح عيونها لتشوف شو بتعمل فيها وروانا بتبعدها عن المرايه مشان ما تحكيلها كترتي، اجت لتطالع الرموش
ميرال: لشو هدول؟
روانا: ستني علي بس
ميرال: مو لازمين خلص بكفي ورجيني شو عملتي
روانا: ستني شوي ستني لسا ما خلصت
ميرال بتنفخ: هففف يا الله من هالعلقة
روانا بتركبهم و بتحكي بتركيز: سستني ششوويي، هه خلصت اول وحدة
ميرال بتئتئ بملل و مو عاجبها حست انو كترت
روانا: خلصنا العيون و الوجه، ضل الحمرة بس ستني
ميرال: مو لازم بكفي
روانا: يييي علينا ميرال صلي عالنبي شوي باقي بس هالحمرة خليني حطها و خلص مكياجك وراي اضافيرك لسا
ميرال: شو؟؟
روانا: سكتي شوي
ختارتلها حمرة باللون البيج القريب للبني
خلصتلها: و هلأ ضل بس المثبت ستني شوي
ميرال: لشو هاد
روانا: بس شوي غمضي عيونك و لا تتنفسي
ميلت تمها بملل و غمضت
رشتلها مثبت: هه و هي خلصنا، تسلم ايديي مأحلاني، و تؤبريني عهالجمال
ميرال بس بدها تشوف حالها اذا كترت لتلحق تمسح
قامت من الكرسي و وقفت قدام المراية، فتحت عيونها عالاخر من صدمتها، بلعت ريقها
ميرال بصوت واطي و بحة: كت.. كترتي
روانا بتمشي لتطلع تجيب المنكير: لا لا ما كترت اوعك تمسحي شي ليكيني جاي بس بدي جيب المنكير
طلعت و تركتها
وقفت تتطلع بحالها، بقلبها: ايمت اخر مرة تمكيجت هيك؟
صارت تصغر عيونها لتشوف عيونها كيف
حطت اصبعها و حاولت تمسح بس ما نشال الا شي خفيف كتير من المثبت الي حطتو و كترت منو روانا
فاتت عالغرفه ركض لتلحق اختها قبل ما تمسح شي، شافتها بتلمس عيونها باصبعها بمحاولة مسح، و صرخت: اييييدككك
نقزت ميرال و بلعت ريقها، قشعر بدنها
روانا بتلهت: ه ه ايدك لا تلعبي فيه
و اخدت نفس: تعي يلا قعدي وعطيني ايديكي
ميرال: روان كتير كترتي و ما عم يروح هاد
روانا: انتي تركيه و ما عليكي، لا كتير ولشي
نفخت ميرال و اجت قعدت عالكرسي و همست: ياصبر
روانا: عطيني ايديكي
ميرال: شو هاد بيج، من ايمتى اذا اجيت لحط بحط غير الاسود انا
روانا شالت قزازة المنكير الاسود و حركتو قدام وجهها: ليكيه ليكيه حبيب القلب تبعك رح حطلك منو بس لازم نكسر اللون هيك صار كلو اسود
ميرال: و يكون كلو اسود وين المشكلة
روانا: انتي سكتي و عطيني ايديكي منيح
نفخت ميرال و ضلت ساكتة بتستنى اختها تخلص
حطتلها روانا على اضافيرها مناكير بيج حوافو من قدام باللون الأسود الي عطى فخامة لإيديها
خلصت منو و قعدت تنفخلها عليه: ستني رايحة جيب تبعت التنشيف
حطت العلبه و الغراض على الطاولة و راحت ركض تجيبها و على اخر حماس
و بتفكر كيف رح تعمللها شعرها
بتسألو روانا من وين الها كل هالخبرة بالتجميل، روانا روح قلبها هالقصص، تعلمت من النت و طبقت على حالها سجلت بدورات و تعلمت منهم، خصوصا مشان ميرال تعمللها لو صار هيك حفلة بالأيام
ميرال بأوضتها على نفس القعدة، بتتطلع بإيديها كيف صارو، بتمدهم و بتتفرج فيهم بهدوء و برود
اجت روانا و شغلتها المنشفة و حطتلها ايديها فيها
ميرال: استغفر الله العظيم اخرتي اقعد اتجهز لحفلة مو معروف شو اصلها و فصلها من بنت مابعرف مين هي لا و متمكيجه و حاطه هيك مناكير و بدي البس هيك فستان
روانا: يسلملي انا، يلا قعدي لأعملك شعرك
فردت روانا السيشوار و الفير و غراض الشعر
ميرال: شو شو شو كل هاد شو بدك تخترعي الذرة؟
روانا: لا لا هلأ بتشوفي شو رح أعمل
فردتلها شعرها و سشورتو، بلشت تقسمو و تحط فيه الحشوة و ببالها تعمللها تسريحة رفع، لتبين شكل الفستان كامل
ميرال: نكسر ضهري بدي اتمدد مطولة؟
روانا: لا لا شوي وبخلص يلا قربنا
رفعتلها ياه و ثبتتو بدبابيس شعر كتيرة و نزلتلها خصلتين من قدام و كم شعره من ورا و لفتهم بالفير
ميرال: حسستيني كأني رايحه على عرسي