في الجانب الأبيض والأسود

part 26

سارة: لك شو عم تحكي انتي؟؟
روانا: ستني ستني لا تعصبي والله الليلة انسب وقت الك و لأحمد و ميرال
سارة: لك يا روانا ماني محضرة شي
روانا: مااا تشيلي هم كلو جاهز بدقايق والله، رح اجي لعندك اليوم و جهزك
سارة: يا الله على هالقصة، وينك هلأ
روانا: عطيني نص ساعه و بكون عندك
سارة: و فادي بيعرف وما قلي؟
روانا: احمد تصرف لا تشيلي هم كلو جاهز
تأففت: طيب طيب، خلصيني تعي
روانا: يلا
سكرت منها و قامت لعند غرفه ميرال، دقت الباب لقتو مفتوح: ميمي
كانت واقفة عالبلكون، لفت ضهرها تشوفها
روانا: بدي قلك، كتب كتاب سارة اليوم
عقدت حواجبها باستغراب
روانا: الله يوفقك تعي بالليل
ميرال: طيب طيب، خلص روحي انتي
ستغربت روانا من قبولها السريع، حكت باستغراب: هه؟
ميرال: روحي لعندها
روانا: يعني رح تجي؟؟
ميرال: هفف اي رح اجي روحي
روانا: ميرال
و مسكت ايدها: فهمي القصة من كل نواحيها بعدين احكي وحكمي لك اختي، انتي بتعرفي انو نسرين عم تحاول بشتّى الوسائل لترمي فتن، و شفتي كيف موقفها وحكيها الك، مو يمكن هي الي عملت هيك قصدا لما حست انك اجيتي؟
ضلت ساكتة ميرال و بتسمع الحكي
روانا: وحيااه الله انو احمد بموت فيكي، لا تخسريه ميرال، الله يوفقك فهمي القصة من كل نواحيها
و تركتها تفكر بحكيها و طلعت تلبس لتروح
بلش الشعور التاني يخبط بكيانها، افكار رايحه و افكار جاية بعقلها، معقول كل شي كان لعبه واحمد الضحيه؟
بس بعد ما تفكر بهالطريقة تتذكر ضمه نسرين و ترجع تنقهر ويقسى قلبها زيادة..

فادي: اهلاا اهلاا
احمد: كيفك فادي
فادي: والله الحمدلله تمام وانت؟
احمد: الحمدلله، ليك شو بدي قلك
فادي: احكي
احمد: الليله كتب كتابكم
فادي: شو؟؟
احمد: مانك فاضي؟
فادي: لا مو قصه هيك بس
احمد: بعرف انو الوقت غلط وحقك عليّ والله، بس حبيت اعمللكم ياها مفاجأة، و الحفلة بسيطة وصغيرة عندي بالبيت
فادي و صوتو واضح عليه الضحكه: و سارة؟
احمد: شبها سارة؟، ليكها بالبيت عم تتجهز
فادي: ههههه تمام لكن، توكلنا على الله
احمد: يلا روح زبط وضعك، الله معك
سكر الخط و هو بكمل سواقه عالطريق، تنهد بضيق من هالموقف الي حط حالو وحط اختو فيه..

لبست و نزلت اخدت تكسي و راحت على بيت سارة، و هي بالطريق تصلت على احمد
احمد: الو
روانا: ميرال جايه الليلة
بتسم بتأمل من انو رح يقدر يحكي معها الليله، حمد الله مليون مره
احمد: اههخ الحمدلله، كيف قبلت؟
روانا: سمعني احمد، ميرال بحياتها ما قبلت بهيك شي، انها تروح لمكان في حدا على علمها جارحها، صدقني في موّال براسها وبدها تغنيه، انتبه الليلة وحاول تهدي الامور و تحكي معها
احمد: خلص انا اليوم بتصرف
روانا: انا بطريقي لعند سارة هلأ و الفستان تبعها جبتو من المحل الي جنبكم و رح يوصل بعد كم ساعه
احمد: يعطيكي العافيه، و انا حكيت مع فريق الترتيب و شوي وبيوصلو، رح اجي و ساعدكم
روانا: تمام لكن بشوفك هنيك
احمد: تمام، الله معك