في الجانب الأبيض والأسود

part 19

قاعدة بغرفتها بتبكي، كيف ضربها اخوها و كيف صرخ عليها هيك
و فادي واقف بالصالة، ضايج من عمل اختو ومن انو ضربها
فادي: لا حول ولا قوة الا بالله..

الدكتور: خلصنا، معافى
احمد: الله يعافيك
صار الممرض يضب الغراض
احمد: بقدر آخد جوالي؟
الممرض: طبعا هلأ بجبلك ياه
احمد: تسلم يعطيك العافية
راح الممرض يجبلو الجوال و أحمد مبسوط كتير من هالحادثة الي صارت معو، بيحمد الله انو ما صرلو شي و اجت سليمة، و ميرال تعلقت فيه
الممرض: تفضل احمد بيك
اخدو احمد: يعطيك العافية
طلع الممرض وسكر الباب، فتح احمد الجوال و شاف كل رسايل سارة واتصالاتها، تركهم ودخل عالاتصالات: يلا لنشوف
رنة ورنتين رد
احمد: الو السلام عليكم، كيفك عمي، الله يسلمك، بدي وصيك على كم وحدة من ترتيبك وذوقك، رح ابعتلك الطلب، بالزبط، التغليف اسود و عادي، و شو عندك اضافات حكيلي، ببعتلك الغراض الليل باذن الله، يعطيك العافية..

مشطت شعرها و ضبتو، شافت الاكل، اخدت كم لقمة واكلتهم لما تضل بلا اكل وتتعب، و طول ما بتاكل سارحة بتفكيرها..

روانا: خلص قومي نطلع تعبت ونحنا عم نحكي
سارة: يارب ما يكون تعبان
روانا: لا ماعد فيو شي خلص راح التعب
سارة: ان شاء الله
طلعو على غرفة احمد ودقو الباب
احمد: تفضل
فتحتو سارة وشافتو قاعد
روانا: هه شفتي
احمد: فوتو فوتو
سارة: كيف صرت
احمد: راح الوجع حبيبتي لا تفكري، تعو شوفو
سارة: شو
قعدت جنبو واجت روانا وقفت جنبهم
احمد: حكيت مع صديق قديم الي شغلتو بهالشغلات
روانا: طب ما بدك تحكيلنا؟
سارة: يكون بعلمك لو ما عرفت شو هني رح افتحهم انا
احمد: ههههههه، طيب رح احكي..

طلع لعندها عالغرفة و دق الباب: نسرين
متمددة بتختها و بتبكي
فادي تنهد: نسرين فتحي
ما ردت فتح الباب هو لقاها بالتخت
فادي: نايمة؟
نسرين: روح من هون
اجا و قعد على طرف التخت: قومي قومي
وصار يشد الغطا
نسرين: خلص روح ماني فاضيتلك
فادي مسح على دقنو: ما كان بدي مد ايدي عليكي
نسرين: اه والله؟، بعد كل هالعمر بتضربني مشان هديك العقربه؟
فادي: نسرين فهمي علي، الكف الي عطيتك ياه لفيقك من الوهم الي عايشه فيه، ان شاء الله يكون أثر فيكي وفيقك
نسرين: اي كتير أثّر، انو بعد ما ماتو اهلك جاي تضربني يسلم ايديك
تنهد و مسك ايدها: انا ايمت بحياتي مديت ايدي عليكي؟
نسرين: هلأ مديتها
فادي: و انتي شايفتيني قصدا؟
نسرين: طبعا قصدا، مشان ترضي حبيبه القلب
فادي: لا تحكي من عندك، بدي ياكي تستوعبي انو آخره حبك هاد تعب، ليه عم تعلقي حالك بوهم؟، عم حاول فيقك من هالتفكير مشان ما تتعبي
نسرين: خلص روح حفظت هالحكي
فادي: كل مره بدك تطنشي وتمشي؟
نسرين: اي هيك
فادي: بدك ضل عم شوفك عم تحبي عالفاضي واسكت؟
نسرين: روح لعند سارة، تركني بحالي
تنهد فادي و قام وقف، قرر يخليها لتهدى و يرجع يحكيها..