في الجانب الأبيض والأسود

part 20

الدكتور: كلو سليم، هيك بنقدر نحكي الحمدلله عسلامتك
احمد: الله يسلمك
الدكتور: فيك تطلع بعد ما تعمل اوراق الخروج
احمد: يعطيك العافية
الدكتور: الله يعافيك، جرب امشي من دون كرسي
اجا احمد ليوقف، نزل من التخت و مشي اول خطوة، التانية التالتة، بس بوجع خفيف شوي، بشد على حالو وبيمشي
الدكتور: كيف
تطلع فيه احمد و هز براسو
الدكتور: طبيعي يكون في ألم خفيف، لأنك ٣ تيام مو متحرك و على جرحك، شوي شوي رح تتعود عالمشي متل اول، رح اطلب منك تمشي لمدة ٥ دقايق قدامي لشوف
صار يمشي احمد شوي شوي و يلف بالغرفة، كل خطوة توجعو شوي بس مع الاستمرار يخف الوجع، لأنو الاصابة كانت بخصرو اليمين
الدكتور: كمل كمل
ضل يلف لحتى خلصو ال٥ دقايق
الدكتور: ممتاز، شو حاسس
احمد: مافي شي الحمدلله، مجرد وجع خفيف اذا شديت عاليمين
الدكتور: ممتاز، رح اكتبلك على ادوية مسكنه بتقدر تاخدها من الصيدليه تحت
احمد: تمام
شق الورقة و عطاه اياها: الله معك
احمد: تسلم ما قصرت
هز براسو الدكتور بابتسامه و طلع احمد على غرفتو يستنى سارة و روانا..

قعدت عالكنب بتشرب قهوتها، قررت تتصل على روانا تشوف شو الوضع
روانا: هش هشش ميرال
سارة صارت تتطلع بالورد كيف صار و طاير عقلها فيه
روانا: اي ميمي
ميرال: كيفك
روانا: الحمدلله وانتي
ميرال: تمام، كيف الوضع
روانا: كلو تمام
اجت سارة و بإيدها الجوال الي تصل عليها احمد، بتضحك و مبسوطة
ستغربت منها روانا و ميرال عالجوال: الو
روانا: اي معك
ميرال: في شي؟؟
روانا: لا لا والله، احمد بخير و نحنا تحت بالكافيه بنجيب فطور
ميرال: امم، طيب، انا اليوم بجي
روانا صارت تحكي بسرعة: لا لا ليش تجي، خلص لا تشغلي بالك انا رح ارجع عالمغرب
ميرال: شبك روان، قلتي مبارح مافي مكان و اليوم رح ترجعي
روانا: اي، اي صح مافي مكان، شوي و  بحكي معك
و سكرت الخط، ركضت لعند سارة: لك شبك شبك
سارة: يسسسس اليوم رح يطلع احمد
روانا: اماانه
بعدت الجوال عن ادنها وتطلعت فيه و عاقدة حواجبها، نفخت بملل و سكرتو
صاحب المحل: صار جاهز
تطلعو فيه روانا وسارة و مصدومين من كتر ما طلع حلو
روانا: شو هالفخامة هي
سارة: يا ريتني ميرال
روانا: يلا يلا تعي بسرعة نرجع
سارة: كيف بدنا نشيلو هاد والله تقيل
صاحب المحل: في خدمة توصيل اذا بتحبو
روانا: اي اي تمام
و اجا المندوب و صارو يطلعو بطريقهم عالمشفى..

دخل الاب و بإيدو الاكل: يلا تعي
ميرال: مو جاي عبالي
الاب: شو اكلتي من مبارح لليوم، اكل مبارح لساتو متل ما هو على مكتبك فوق
ميرال ساكتة
الاب: تعي كلي يلا
قامت لحتى ما تسمع حكي، قعدت و صارت تاكل كم لقمة
الاب: ليوم بروح برجع اختك، ماعد فيه داعي حدا يضل، معو اختو و صار منيح
ميرال: بدي روح اليوم
الاب: مشان ينفتح تحقيق مره تانيه
ميرال: مارح تنجاب سيرتك تطمن، سمعتك طالعه بشغل ونجاحات
الاب بحده: ميرال
ميرال: حكيت شي غلط؟
الاب: اليوم اختك بترجع و خلصنا
تركت الاكل وقامت على اوضتها و سكرت الباب
نفخ الاب و قام يروح على شغلو..