في الجانب الأبيض والأسود

part 18

بعد قعدة حكي..
الاب: زيارة المريض بتكون قصيرة، اتطمنا عليك يا ابني، يلا روانا؟
سارة: عمو ممكن روانا تضل عندي اليوم؟
الاب: اليوم؟
سارة: اذا ممكن، مو حابة ضل لحالي بالمشفى، و اذا اجا الدكتور فحص احمد
الاب: طيب مو مشكلة، بتضلي روانا؟
روانا: واللهِ ما بقول لا
الاب: على خير، ميرال وينها؟
دخلت ميرال و هي بتمشي لتاخد جوالها: انا رح ارجع بالليل
سارة: روحي رتاحي حبيبتي، ما قصرتي والله
الاب: لكن بنرجع بالليل ان شاء الله
و احمد عيونو عليها
طلعت ميرال و شافت نسرين جايه بخلقتها، كملت طريقها و دقت كتفها بكتف نسرين وطلعت
فادي قام: لكن نحنا كمان نروح شوي، خلي الاخوة يقعدو مع بعضهم و ياخدو راحتهم
ابتسمتلو سارة
احمد: الله يسلمكم على وقفتكم، ما قصرتو
ودعوه وطلعو..

بتمشي بالممرات بقهر من الي شافتو من نسرين، ركبت بالسيارة و اجا ابوها ركب
الاب: تعبتي؟
ميرال: لا
الاب: طب رح جبلك غدا
ميرال: مافي داعي
ما رد عليها و كمل طريقو
بتتطلع بالشباك و قهرها لسا ما راق..

احمد تنهد و تطلع فيهم وحكى بمزح: اي لشوف، جتمعو جنس حوا عليي
سارة صارت تحكي بطفولة: هلأ نحنا جايين عليك؟
احمد: ههههه اي مدري مين
سارة: نننننن، اصلا ما كنت خايفة
روانا شهقت: يخرب بيت الكذب، هصص ولا حرف
واحمد بيضحك عليهم
سارة: اصلا مو انا الي خفت، ميرال الي خافت
و غمزت لروانا
عقد حواجبو احمد بضحك وصار يتطلع فيهم: ممكن حدا يحكيلي ويفهمني؟
روانا: يوووه يا أحمد، لازم تتشكر الي صاوبك على هالقلبة الي نقلبتها ميرال
ستوعبت كلامها وصارت ترقع: اا مو قصدي بشر يعني، الله يحميك يارب
احمد بيضحك: كملي كملي
روانا: بصراحة؟، ميرال اخر مره كانت بهالحالة لما توفت امي..

قاعده بالسيارة و حاطه رجل عرجل وبتهز بقهر: ليه هلأ رجعنا؟، لسا بكير
فادي: انتي الي حكي معك بالبيت..

الاب بسوق و بيطلع عليها من المراية، كيف سارحه و وجهها تعبان
الاب: ميرال
تطلعت فيه بهدوء
الاب: رح تحكيلي كيف شفتيه وجبتيه ولا لاء؟
ميرال: شو بدي احكي
الاب: الي صار
ميرال: كل القصه اني سمعت صوت رصاص و طلعت لقيتو بالارض
الاب: و بالاسعاف وصل عالمشفى؟
ميرال: انا وصلتو
الاب: شلون؟
ميرال تنهدت بقلبها: ليه التحقيق هلأ؟
الاب: لانو موقف غريب منك
ميرال بلعت ريقها: صح انو قلبي ميت، بس ما بيعني اني شوف متصاوب قدامي وما ساعدو..

سارة: رغم اني ماكنت مركزة، بس لما اجيت وقتها وشفتك كانت حالتها تعبانة
احمد عاقد حواجبو و بيسمع لكلامهم
روانا: ما رضيت ترجع عالبيت معنا، ضلت من اول ما اجت معك لهلأ حتى شفتها راحت
روانا: احمد
هز براسو
روانا: صدقني، ميرال وقعت..

فاتت عالبيت و طلعت على غرفتها، قعدت على تختها و تركت على رجليها، غمضت عيونها و صارت تفكر بحكي نسرين وكلامها
في صوت جواها بيحكي ليه رجعتي؟، نسرين ضالة هنيك
و صوت بقلها مالك دخل، و عملتي الي عليكي وبكفي
نفخت بضيقة خلاق من حالتها، قررت تتحمم و ترتاح من المشفى و همها..

سارة ضربتو على كتفو: والله و زبطت معك يا ام زكي
احمد برضو سارح، ماعم يصدق انها حبتو و خافت كل هالخوف و بكيت، حالتها بالسيارة وصوتها وقتها و على الحكي الي سمعو من خوفها عليه و قعدتها، يمكن صارت عيونو بتحكي كل الفرح الي فيه و الضحك
سارة غمزت لسارة: شوفي شوفي، ولا كاننا هون
وصرخت بادنو: الووو
احمد ضربها على قفى راسها: ولعيه
سارة تضحكت بطفولة: شو اسحاسك و اميرتك حبتك
روانا: ههههههههه
احمد: من كلمة اسحاسك لازم احكي كل شي تحت التهديد
سارة صغرت عيونها و قربت منو وهمست: احكييي
احمد تطلع فيهم: بدي تساعدوني..

الاب بنادي عليها: ميرال
مافي جواب
الاب: ميرال
طلع على غرفتها و دق الباب، فتحو لقى الغرفة فاضية وصوت المي بالحمام، تنهد و حطلها الاكل عطاولة المكتب و طلع..

فاتو عالبيت و سكر الباب بقوة
نسرين: كسرو احسن شو رأيك؟
فادي: و بدي اكسر رقبتك كمان
نسرين: انتبه على كلامك فادي
فادي: انتي كيف بتحكي هيك قدام الزلمة؟
نسرين: شو حكيت؟
فادي: نسرين زودتيها كتير، قلتلك مليون مره شيليه من راسك و بكفي ولدنة، البني ادم بحياتو وحدة تانية وانتي لسا ماشية وراه؟
نسرين زتت شنتايتها عالكنب وصرخت بوجهو: بكفي تحكيها بوجهي وتقلي بحب وحدة تانية، احمد ما بحب حدا و رح يحبني الي، لا الي اسمها ميرال ولا غيرها رح تاخدو مني عم تفهم؟
عصب منها و ما حس على حالو و ضربها كف
حطت ايدها على خدها وسكتت للحظة تستوعب الي عملو، تجمعو الدموع بعيونها و تطلعت فيه، حكت بكسرة: شكرا
و لفت اخدت شنتايتها و طلعت على اوضتها
نفخ فادي وصار يرفع شعرو ومعصب..

سارة: يااااااييي
روانا: هههههه اخخ ياربي، طيب هي تركها عليي بما اني معها بالبيت
سارة: طب ونحنا يعني ما بيطلعلنا جائزة لاننا ساعدناك؟
احمد نكشلها شعرها: ولك انتي ما بتملي اه؟
سارة صار شعرها منكوش و وصارت تمسكو بايدها وتطلع فيه
مسكتلو شعرو وصارت تنكشو متلها
احمد: هههههههه مو هلأ مو هلأ
اجت ايدها بالغلط على مكان الجرح، شد على سنانو احمد بوجع و صار يطلع دم خفيف
شهقت سارة و قامت من جنبو و صارت تتطلع عليه وتدمع: احمد
احمد: هششش طيب طيب لا تخافي
طلعت روانا بسرعة تنادي الدكتور
صارت سارة تبكي: مو مو قصدي، عم تتوجع
احمد بكابر و بمثل قدامها وبيبتسم: مافيني شي لا تخافي
دخل الدكتور و صار يشوف جرحو و احمد بغمض عيونو بوجع و بنزلهم مشان ما يبين
الدكتور: تفضلو لبرا على بين ما خلص
سارة بتبكي: والله مو قصدي شو صرلو
احمد بيتطلع فيها و بأشرلها براسو بمعنى حاج تبكي
الدكتور: لا لا بسيطة، اساسا اليوم كان موعد فحصو وتغيير الشاش
روانا: خلص حبيبتي لا تخافي تعي نطلع نجيب قهوة
احمد: سارة مسحي دموعك، لو شفتك عم تبكي رح احرمك من المساعدة
و غمزلها بضحك
سارة صارت تضحك وتمسح دموعها: طيب طيب
و طالتعها روانا و سكرت الباب و احمد بيتطلع عليهم وين ما راحو
الدكتور: ريح حالك على بين ما خلص..

طلعت من الحمام و شافت الاكل، تركتو و لبست تيابها و قعدت عالتخت، اجت قطتها لعندها و قعدت بحضنها
ميرال: بشش اشتقتيلي؟
و بتتقلب بين ايديها
ميرال: تعي حطلك اكل ما اكلتي من مبارح
قامت لتفتح الخزانة و تطلع اكل القطة شافت الفستان الاسود الي لبستو بالحفلة، صفنت فيه و صارت تتذكر هداك اليوم و الي صار
( انا احمد، و بكون اخو سارة، بتحبي عرفك عالمكان؟.. )
طالعت الاكل و سكرت الخزانة، صبتلها صحن و صارت تتطلع عليها كيف عم تاكل..

روانا: شفتي شو حلوة افكار احمد؟
سارة: والله انا انبسطت عنها
روانا: ستني خلينا نفكر شو رح يجبلها
سارة: يمكن دبدوب كبير؟
روانا: امم ما اتوقع
سارة: الماس؟ ههههه
روانا: مو لهالدرجة هههههههه..