في الجانب الأبيض والأسود

part 21

ضلت قاعده عند الشباك و بتتطلع بمدخل الفيلا الي جنبها، متأملة يطلع و تشوفو و تحكي معو
نسرين: الحكي بالمشفى ما كان زابط ولا متل ما بدي، في النا حكي تاني يا احمد..

كان قاعد عالجوال و بعتلها رسالة
فادي: كيفك؟
شافت سارة اشعار الجوال و غصت بالأكل
ضربها بإيدو على ضهرها و يعطيها مي: صحه صحه شوي شوي
صارت تحرك ايدها بوجهها لتجيب هوى و تاخد نفس
أحمد: شو صرلك
سارة بتبلع: ولا شي ولا شي، بس من كتر مو طيبه ختنقت
ضحك عليها احمد و تطلع على جوالها، عرف انو فادي..

قامت و لبست تيابها لتطلع لعندو عالمشفى، مفكرتو لساتو فيها، لبست بنطلون جنز و بلوزة سودة على جزمة سودة كعب، تركت شعرها مفتوح
اجت لعند الورد المحطوط على طاولتها و لونو الأسود، مسكت السلسال و صارت تتطلع فيه، قررت ما تلبسو لتعرف مين الي جابو، و اذا بيستاهل تلبسو ولا لا
طلعت من غرفتها و سكرت الباب و مشيت على غرفه روانا
ميرال: روان
كانت عم تمشط شعرها عند المرايه: فوتي فوتي
فتحت الباب و استغربت منها: شو من ايمتى انتي هون؟
روانا: قبل شوي اجيت
ميرال رفعت حواجبها و صغرت عيونها: قبل شوي؟، من قبل ساعه و انتي عم تتحممي
روانا: اي ههههه بتعرفي حمام و هيك
ميرال: شو قصه الي عطاولتي؟
عملت حالها مو فهمانه: شو هدول
ميرال بحدة: لا تجدبيها عليي، من وين اجو هدول
روانا: ما بعرف انا اجيت و من دخلتي عالحمام
ميرال: لحالن اجو و فتحو باب اوضتي عالساكت نحطو و قعدو صح؟
روانا تلبكت: امممم
اجاها اتصال انقذها، مسكت الجوال: هه اجاني اتصال دقيقه
فتحت بسرعة بدون ما تقرأ مين
أحمد: الو
روانا: ألو
أحمد: اذا ميرال جنبك لا تحسسيها اني عم احكي
رفعت عيونها وتطلعت بأختها الي متركيه عالباب ومكتفه ايديها بتتطلع فيها، ابتسمت ابتسامة غباء و صغرت عيونها
أحمد: انا قدام البيت
بلعت ريقها روانا و تطلعت وراها عالشباك بعفوية
ميرال: شبك هيك نقلبت الوانك
روانا: اامم، ميمي جبت بيتزا و الدلفري تحت معلش تجيبيلي ياها على بين ما خلص شعري؟
و سكر احمد الخط
ميرال: روان، ترا عم تنرفزيني، عم اسالك وين جوابك
روانا صارت تمسك بطنها: طب والله جوعانه بس جيبيلي ياها و تعالي بحكيلك وانا عم اكل وعد وعد
تنهدت بتأفف و حكت بين سنانها وهي بتمشي: يا صبر الله
صارت تمشي بقهر لتحت، نزلت عالدرج و ندق الجرس
فتحت و رافعة حاجب، تجمد الدم بعروقها لما شافتو واقف قدامها، صارت تتطلع فيه و ترمش عيونها: أ أحمد؟؟
ركّى ايدو على مدخل الباب و ابتسم بوجهها: بشحمو و لحمو..

بعد ما طلع احمد من البيت فتحت الجوال بسرعة ترد على فادي: اهلين
فادي: شو اخبارك
سارة: الحمدلله تمام وانت
فادي: تمام، كيف صار احمد
سارة: احسن الحمدلله
فادي: الحمدلله، شو عامله اليوم
سارة عقدت حواجبها: ما فهمت
فادي: بتطلعي نتعشى؟
سارة: هلأ؟؟
فادي: شو رأيك؟..

مشيت على طرف اصابعها و مدت راسها من عالدرج، شافتهم واقفين
روانا بهمس وتفاعل ايديها: يسسس
فاتت على غرفتها بسرعة و سكرت الباب بهدوء..