3.I Love You (Complete)

Part-6(Unicode±Zawgyi)

I Love You 💚❤️
Unicode
Part-6

လက်ထပ်လိုက်ပြီဆိုတာ အိပ်မက် ဟုတ်မနေဘဲ
တကယ်လက်တွေ့ဖြစ်တယ်ဆိုတာကို ပြသတဲ့အရာကတော့
မျက်လုံးနှစ်လုံး ပွင့်တဲ့အခါ ကိုယ်ဘေးနားမှာ
နောက်တစ်ယောက် ရှိနေတယ် ဆိုတာပါပဲ ။

အိပ်တုန်းက ခုံပေါ်မှာ ဆိုပေမယ့်
ခုနိုးလာတော့ ကုတင်ပေါ်ရောက်နေလေသည်။
ဘေးမှာ တစ်ယောက်ကတော့ ညက စိတ်ဆိုး စိတ်တိုဖြစ်တာ
သူမဟုတ်သလို အိပ်‌နေလေတယ် ။

ကိုယ့်ကို ညက ကြမ်းတမ်းစွာ
နမ်းခဲ့တဲ့နှုတ်ခမ်းတွေနား အကြည့်ရောက်တော့
မျက်နှာကို လွှဲလိုက်ပြီး ကုတင်ပေါ်မှဆင်းခဲ့သည်။

ညထဲက အပေါ်ထပ်ပဲ ချွတ်ထားပြီး
မင်္ဂလာပွဲက ဝတ်စုံကြီးနဲ့ အိပ်ပျော်နေတာ
ခု ပူအိုက်ပြီး တစ်ရေးနိုးလာတာမို့လို့
အရင်ဆုံး ရေချိုးခန်းထဲဝင်ပြီး ရေချိုးချလိုက်သည်။

ရေချိုးပြီး ထွက်လာတော့
'ဝတ်စရာ ဝတ်စရာ'

ဝတ်စရာ အိတ်ပျောက်နေ
အိမ်ရှင်က အိပ်နေတယ်
ညက ပြဿနာဖြစ်ထားတော့ နှိုးလည်း မနှိုးချင်။

ကိုယ့်အဖြစ်က ခါးမှာ သဘက်တစ်ထည်နဲ့
ည၂နာရီကျော်ကြီး အခန်းထဲ အဝတ် ပတ်ရှာကြည့်နေရတဲ့အဖြစ်။

"အဟမ်း အဟမ်း"
အနောက်ကနေ ချောင်းဟန့်သံကြားလိုက်တော့
ဟိုတစ်ယောက်ထလာပြီဆိုတာ သိလိုက်တယ်။

"ဘာရှာနေတာလဲ"
ကျွန်တော် ဘာရှာနေလဲ ကြည့်တာနဲ့ သိနိုင်တာကို
တမင်မေးနေတယ်

"ပုံကြည့်တာနဲ့ မသိဘူးလား"
စိတ်က သူ့အသံကြားတာနဲ့ သိပ်မကြည်နေတော့

"ရော့ ဒီမှာ"

ကျွန်တော့် အနောက်ကျောကနေ တစ်ခုခု လှမ်းပေးနေတာမို့
လှည့်ကြည့်လိုက်တော့ ညဝတ်အင်္ကျီ တစ်စုံ
ဒါပေမယ့် သူဝတ်ထားတာနဲ့ တူနေတယ်။
မင်္ဂလာပွဲ မတိုင်ခင် လဲခဲ့တဲ့ အင်္ကျီကလည်း ဘယ်ရောက်မှန်းမသိ
ထည့်လာတဲ့အထုတ်ကလည်း ဘယ်သူ သိမ်းသွားလဲ မသိ။

"တခြားဟာ မရှိဘူးလား"

"မရှိဘူး မဝတ်ဖူးဆိုရင်တော့ ခုပုံအတိုင်းလေးပဲ
ဘေးမှာ လာအိပ်ပေါ့"