3.I Love You (Complete)

Part-26(Unicode±Zawgyi)

I Love You 💚❤️
Unicode
Part - 26

ဖြူဝင်းသွယ်လျ လှပတဲ့ လက်ကလေးမှာ ပတ်တီးနဲ့အပြင် လက်ချောင်းလေးတွေမှာ ဒဏ်ရာသေးသေးမွှားမွှားလေးတွေကလည်း ထင်ထင်ရှားရှား။ညာဘက်ခြေထောက်တစ်ဖက်မှာ ကျောက်ပတ်တီး စည်းထားရပြီး ခေါင်းမှာလည်း ပတ်တီးနဲ့ ။

ဘယ်သူလုပ်တာလဲ ??ငါ့ကလေးကို ခုလိုဖြစ်အောင် ဘယ်သူက ကြံစည်တာလဲ။သေချာတာတော့ သူကို လာချိန်းခြောက်ချင်နေတာ။ခုလက်ရှိ အပြိုင်အဆိုင် လုပ်နေကြတဲ့ လုပ်ငန်းရှင်တွေက လေးငါးဦးမက အဲ့ထဲမှာမှ ဒီလို စိတ်ဓါတ်အောက်တန်းကျတဲ့ သူတွေက သုံးဦးလောက်ရှိသည်။ ထိုထဲမှာ ဟိုအဖိုးကြီးသားအဖကိုတော့ အတွေးထဲမှာ ထိပ်ဆုံးကကို ပေါ်လာခဲ့တယ် ။ သူလား သူ့သားလား ။

"ဘယ်သူဖြစ်ဖြစ် လုပ်တဲ့သူတွေ အသက်ကောင်းကောင်းသာ ရှူထားကြ "

Nanon ဒဏ်ရာတစ်ခုကြည့် စိတ်ထဲက တစ်ခါ ရွတ်ဆိုမိ‌။ ၁၂ကျော် ၁,နာရီတောင်ရှိနေပေမယ့် Nanon သတိရလာခြင်းတော့ မရှိသေးဘူး။ AJတောင် သတိရလာပြီလို့ ကြားတယ် ကလေးလေးက ဘာလို့ မရသေးတာလဲ။ JJကတော့ ပွန်းပဲ့ဒဏ်ရာ အချို့နဲ့ ခေါင်း သုံးချက် ချုပ်လိုက်ရတာက လွဲလို့ ကြီးကြီးမားမားသိပ်မဖြစ်။ စောစောကတောင် ငိုသံလေးစွတ်ပြီး သူတို့အမှားပါဆိုပြီး လာတောင်းပန်သေးသည် ။ ဘာလို့ အပြစ်တင်ရမှာလဲ သူတို့ နှစ်ယောက် ကာကွယ်ပေးခဲ့လို့သာ Nanon ဒီလောက်ပဲဖြစ်တာ ။

Nanon က ကားကို သူဘက်လှည့်ပြီး တိုက်ချလိုက်ပေမယ့် AJနဲ့ JJက ရသလောက် ကာပေးခဲ့တယ် ထင်ပါတယ်။ AJကတော့ အရှေ့မှာရှိသူပီပီ သူကာပေးခဲ့တဲ့ လက် ကျိုးသွားခဲ့တယ်။
အဲ့ရလာဒ်အရ Nanon ရဲ့ နံရိုးတွေ ကျိုးတဲ့အထိ မဖြစ်ခဲ့ရတာ ။

" အင့်! ..အင်းး"
ငြီီးညူသံလေးကြာလိုက်ရလို့ ‌လက်လေးကိုင်ထားလျက်နဲ့ ထကြည့်မိလိုက်တယ်။ မျက်ခုံးတွေက နာကျင်နေတာကို ပြသနေလေသည်။ ဆေးရှိန်ပြယ်စပြုလာပြီထင်တယ်။ သတိတော့ ရလာတာ မဟုတ် ။

" သခင်လေး ကုတင်အပိုမှာ ဖြစ်ဖြစ် အနားယူလိုက်ပါလား ကျွန်တော်တို့ သုံးယောက်လည်း ရှိနေတာပဲ "