يا عواصف الديار على المعقود

الفصل السابع

بعد أسبوع كان زايد يحاول فيه يوصل لنوف يبي يتكلم معها احسن من الجوال لكن كان اغلب وقتها مع الحريم او داخل بالغرفة الي حاطينها لهم واكيد ما راح يروح هناك
والان كانوا الرجال يحملون العفش ، وبعد ما استخاروا ام زايد وابو زايد قرروا يروحون ، وهالمرة كان شريك رحلتهم نوح ، وبعد ما حملوا الأغراض ساق بسيارة ابو نوف نوح وزايد كان يسوق سيارتهم

—

بالديرة كانوا الرجال بمجلس الرجال بالقرية وبدر و عساف جالسين على طاولة بجنب طاولة ابو عساف وبعض الشيبان وشوي جوا ابو سيف وسيف
ابو سيف: السلام عليكم
الرجال: وعليكم السلام
وراح ابو سيف يسلم على ابو عساف وسيف انطلق على طول لطاولة عساف و بدر
سيف: صبحكم الله بالخير
بدر: الخير بوجودك اجلس أجلس
سيف: والله انه ودي بس لزوم أروح الإسطبل
عساف فز على الذكرى ومتفاجئ من نفسه كيف نسى سهم وما جاب طاريه وخيم عليه الضيقة وما انتبه ان سيف راح وبدر صار يراقبه بهدوء
بدر رغم انه عارف الجواب: علامك يا عساف
عساف: أكابر على فراقه وأقول ما ضرني شيء وانا الحزين آلي خايبٍ ظنه
بدر حط يده على كتف عساف: بيرد لك ياعساف وان ما كان معك اليوم بيكون بكرا وابيك تعرف ان ولا فارس يليق بسهم الا عساف
ضحك عساف وقال بدر: اي كذا أضحك ورد روحي ياخلفهم كلهم
وقف عساف: قم نغير المكان
ضحك بدر: وين نروح شايف رجلي انت
عساف: نروح لبيتكم عادي ومنها ترتاح ونقابل عمتي
بدر وقف: أخص من متى بتجلس مع أمي وهي كل ما طلبتك تجلس التهيت بالمزرعة
عساف: فرق يوم كان شغل المزرعة كثير والحين اخلصه بسرعة
بدر يغمز له: ايي شغل ولا عند مزيونك تهرج عندها ولو نطق شكى من همومك
عساف: تصدق أنت وآحد ما ينجلس معك ولا يسولف معك بروح بيتنا ابرك لي
بدر ضحك ولحقه

—

على حدود الظهر وصلوا ابو زايد وابو نوف الديرة ووقفوا سياراتهم قبال بيت ابو عساف الي كان توه جاي من مجلس الرجال وماصدق شافهم قام يرحب فيهم
ابو عساف: اقلطوا اقلطوا
دخلوا الحريم وبعدها دخلوا الرجال المجلس وابو عساف وده يهاوش يوم شاف ان عساف مو موجود ووقف يبي يقهويهم بس زايد و نوح فزوا يأخذون القهوة وما رضوا الا يوم جلس ، وابو عساف منحرج منهم يوم انهم يقهوونه وهم ببيته
وعند عساف كان راجع بيتهم ويوم شاف السيارات الي قبال بيتهم ركض بسرعة يدخل ودرعم على الرجاجيل
عساف بإحراج لانها المرة الثانية تصير: السلام عليكم
ابو عساف كان وده يوقف عليه بس الي راده ضيوفه وبعد ما سلم عساف اخذ الدله من زايد وهم يتحالفون من يصبها بس بالأخير أخذها عساف وقام يقهويهم
وبعد القهوة قلطوهم على الغداء والعلوم الزينة
ابو عساف: ودامنا تهنينا بنعمة الله انا عازمكم يارجال بالمزرعة بكرا
آبو نوف: كثر خيرك يا ابو عساف وخيرك واصل
ابو زايد: تسلم يا ابو عساف
ابو عساف: وانتم تستاهلون والله يا ابو نوف وأبو زايد عساف قل للحريم يجهزون بعد الفجر بنطلع للمزرعة
عساف: ابشر يبه
ودخل عساف المطبخ وشاف رغد معها نوف الي كانت لابسه جلالها يوم سمعت صوت عساف ، وصد عساف رجع طلع ووقف عند الباب وجته رغد
رغد: وش بغيت يا عساف مدرعم كذا
عساف: ابوي يقول ولموا الأغراض وعلموا الحريم اننا نبي نطلع المزرعة الفجرية
رغد: ان شاء الله
وراح