هذا ليس ابني

الحلقة الرابعة الجزء الثاني

#هذا_ليس_ابني
#الجزء_الثاني
#الحلقة_الرابعة
#ياسمين_الحسيني
مركز صحتك اهم
سليم : لو سمحتي من فضلك عايز اقابل دكتورة رؤى
موظفة الاستقبال : لو في موعد يا فندم
سليم : لا الحقيقة مفيش موعد بس زوجتي هتعمل معاها عملية يوم الخميس بإذن الله و كنت عايز بس استفسر منها على شوية حاجات
موظفة الاستقبال : تمام يصير خير ان شالله .. بحجز لحضرتك و هلا تقدر تشوفها بعد نصف ساعة اذا امكن
سليم : تمام متشكر لحضرتك جدا
قعدت استنى اطول نص ساعة في حياتي و دماغي فضلت تودي و تجيب مكنتش قادر اتلم على اعصابي بس قررت اني امسك نفسي بس لحد ما أفهم دخلت عند الدكتورة بعدها و هي كانت واخدة مني من الاول موقف كانت مقتنعة ان اكيد مراتي خبت عليا لاني اكيد بعاملها وحش واني انسان متكبر
دكتورة رؤى : اتفضل
انا كنت ملقلق و مش عرف ابدأ منين
سليم : لو .. لو سمحتي يا دكتورة ... انا كنت بس عايز اسأل حضرتك على تحاليل مراتي و افهم بس …. يا دكتورة هي مراتي .. هي اميرة فيها ايه لو ..
رؤى : همم … بص يا استاذ مرات حضرتك  عندها ورم ليفي و هنضطر نشيله في عملية بس كدا
سليم : يعني هي كويسة … يعني هتبقى كويسة
رؤى : ….. ان شاء الله
سليم : معلش حضرتك مش موضحالي اي حاجة خالص انا عرفت ان عندها ورم ليفي من التحاليل دي بس انا عايز اطمن عليها انا لسة عارف دلوقتي حالا كل دا و بس عايز اطمن على مراتي … ممكن تفهميني ليه هي مشالتهوش اول ما ظهر وايه الي وصل الحالة لورم بالحجم دا
رؤى : … بصراحة انا مستغربة لحضرتك … يعني انت لسة جاي تعرف دلوقتي انها تعبانة مثلا دي بقالها حوالي سنتين بتتعالج

انا بصراحة اعصابي مكنتش متمالكها  و مش مستني منها اتهامات
سليم : ...حضرتك اسلوبك معايا فيه اتهام اني مقصر و مفيش داعي تتهميني…. انا فعلا قصرت و بعترف…. فلو سمحتي دلوقتي انا مش جاي ابرر لحضرتك موقفي او حتى موقف مراتي انها تخبي عليا او تقولي دي حاجة بينا احنا الاتنين انا جاي دلوقتي اسألك مراتي هتبقى كويسة ولا لأ و حالتها صعبة ولا لأ و تفهميني الحالة و تعرفيني انا ايه الي المفروض اعمله وايه واجبي تجاها دلوقتي علشان اطمن ان أميرة تبقى بخير و انها تخرج من العملية دي ترجع بيتها في وسطنا و هي مستريحة

رؤى : طيب يا استاذ سليم مفيش داعي انك تضايق انا فعلا من واجبي اني اشرح لحضرتك الحالة … أميرة جالها ورم ليفي قبل الحمل بزين بحاولي ست شهور كان ورم صغير و مش مقلق و بنعالجه شوية في الاول ونشيله بعملية بسيطة بس هي اتأخرت في عمل العملية و اتفجأت بالحمل بزين بعدها و الاورام الليفية في الحمل بتبقى متعبة جدا و حجمه بيزيد مع الحمل و علشان كدا اضطرينا نولدها قيصري و نأجل شيل الورم لحد ما صحتها تسمح بكدا و أميرة فضلت بردو تماطل في موضوع العملية لحد دلوقتي كان المفروض تعملها من اربع شهور فاتت .. الورم كبر اكتر من الاول ومبقاش في اي وقت نستنى لو احنا عايزين نحافظ على الرحم و منعملش استئصال او حتى لا قدر الله المضاعفات بتاعت العملية تكون اسوأ من الاستئصال .
سليم :   ايه استئصال …....مش مشكلة احنا الحمد لله ربنا كرمنا بفريدة و زين اهم احاجة ان هي ترجع معانا البيت و تبقى في وسطنا .. طيب اقدر اعمل لها ايه دلوقتي لو في اي ادوية او اي اجراءات
رؤى : دلوقتي خلاص مش فاضل غير ايام هي بس تلتزم على مواعيد الادوية و اهتم بحالتها النفسية و ان شاء الله خير
سليم : شكرا لحضرتك السلام عليكم.
روحت البيت و انا عارف ان أميرة زمنها روحت من عند سلمى كنت نفسي اشوفها علشان افهم  واعتذرلها اني مشفتش كل تعبها ولا حسيت بيها طول الفترة دي
دخلت البيت و دورت عليها لقيتها في الاوضة عرفت انها كانت بتدور على ورقها وعرفت انه معايا اول ما بصيت في ايدي و شافته سكتت بصيت لعيونها شوفتها غرقانة بالدموع قولتلها بصوت هادي من غير ما أحاول اضايقها اني بعاتبها
سليم : ليه يا أميرة  ؟!
عيطت و معرفتش ترد جريت عليها حضنتها و قولتلها
سليم : خلاص محصلش حاجة ولا يهمك…  المهم انك تقوميلنا بالسلامة .. ربنا ميحرمناش منك خلاص بطلي عياط طيب بصي متعيطيش وانا اجبلك علبة شيكولاتة بالبندق … ايه بلاش بالبندق لحسن انا و فريدة هنقلبها منك خليها كارميل انتي بتحبي الكاراميل … بس ابقى عنيلي منها حتة ماشي … هجيبلك حلويات و شيبسي و بسكوت بالشيكولاتة طيب .. خلاص بقا بطلي عياط
حسيت بيها و هي بتضحك في حضني مسحت دموعها وقالتلي
أميرة : لا انا عايزة علبة ايس كريم كبيرة و لوحدي
سليم : علبة واحدة بس خليهم اتنين هههه
أميرة : …. انا مكنتش عايزة  اخوفك عليا ياسليم انا عارفة ان فيك الي مكفيك
سليم : انتي اهم عندي انتي و فريدة و زين يا أميرة اهم من الدنيا كلها و بعدين فيا ايه يعني انا في نعمة الحمد لله
أميرة : يآرب دايما
سليم : ربنا ميحرمناش منك ….
أميرة : ولا منك يارب .
حاولت اني امسك نفسي قدامها وابقى اقوى علشانها … حسيت بتفاهت مشاكلي لما قابلت مشكلة اكبر و هي اني ممكن يضيع مني اهم حد في حياتي أميرتي .
………..
عادل : انتو فاكرين اني هسيبكم تبعزقوا في الفلوس من ورايا ليه هو انا مت يا شوية حيوانات
خالد : بعد الشر عنك يا بابا هدي نفسك بس هما هيطلعوا الفلوس علشان نلحق الشركة
سارة : يا بابا في ايه كل دا علشان حتة بوتيك صغير عايزة افتحه مش انت الي كل شوية تقولي اشتغلى و بطلي فضا
عادل : بوتيك يا هانم … من امتى و بالمبلغ الي انتي اخدتيه دا يفتح عشرة مش بوتيك واحد الفلوس ترجع دلوقتي الا اقسم بالله اقسم بالله يا سارة هحبسلك سي بودي بتاعك دا
جمال : ايه صلي على النبي يا عمي حاضر والله سارة هتجيبهم لحضرتك والله انا مأخدتش حاجة اصلا كل حاجة بإسمها
عادل : انت تسكت خالص هو انت لو راجل و عارف تلمها كان دا بقا حالك تستاهل الي هعمله فيك
سارة : اييييي اخص عليك يا بابا يعني انا مش ملمومة انا بنتك حبيبتك عايز تحبس بودي جوزي و بنتك جوزها يبقى من المساجين ياي
عادل : رجعي الفلوس احسن والله يا سارة احبسك انتي كمان وراه
سارة : ايه تحبسني … اولا متقدرش انا عارفة غالوتي عندك … طب اصلي دفعت مبلغ لصاحب المكان هاخده اذاي و البضاعة الي اتفقت عليهة اعمل ايه
عادل : مش مشكلتي حليها لوحدك يا هانم و انسي بقا الفيزا بتاعتك علشان انا لاغيتها هي و فيزة الزفت الي اسمه كريم و الفلوس ترجع دلوقتي بدل ما اتهملك بودي بتاعك دا بالاختلاس
جمال : حاضر يا عمي حاضر والله بس بلاش سجن و بوليس
سارة : يووووه حاضر يا بابا والله انا زعلانة منك
عادل : خالد روح مع الست هانم البنك و حول الفلوس لحساب الشركة 
خالد :  حاضر يا بابا تمام  يلا ياست هانم اتفضلي
سارة : اوف بقا طيب انا مش هعرف اخد الفلوس من صاحب المكان
عادل : لا يا فالحة انتي تقدري مادام معاكي العقد اتفضلي افسخيه و خدي الفلوس و لسة دا انتي ليكى حساب معايا بعدين انتي والي اسمه كريم دا كمان
خالد : كدا يبقى فاضل الفلوس الي عند كريم هو واخد مبلغ كبير
عادل : هيهبب بيه ايه انا نفسي افهم ربنا يستر
….
#يتبع