عدت أخر سنة في الكلية و اتخرجنا احنى الأربعة ...انا و اميرة و عبد الرحمن و سلمى ... اكتر حاجة فرحتني بعد التخرج اني لقيت شركات عايزاني اشتغل معاها ... كنت مهندس معماري شاطر .. عملت كام مشروع في الكلية و كنا بنقدمهم والشركات كانت بتوافق عليهم و كانوا بيستغربوا من الأول ان طالب الي عملهم .... كنت عارف بعد التخرج اني لازم اشتغل في أي شركة الأول ان شالله سنة او اتنين علشان اتقبل في شركة كبيرة زي بتاعت ابويا ... مش بس كدا لأ كمان علشان اقدر أتقدم لأميرة و ابوها يوافق عليا .... اشتغلت في اول شركة رضيت بيا و أجرت شقة و عبد الرحمن كمان كان مرتبنا حلو ... مش كتير اوي يعني بس بالنسبة لناس لسة متخرجة دا أحنا كنا تام اوي وحصل موقف خلى عقلي هيطير .... سلمى قالت لعبد الرحمن ان في اكتر من عريس أتقدم لأميرة وهي رفضتهم ... كنت هتجنن أساسا ان في حد بيفكر ياخدها مني بس معاهم حق ... أميرة بنت اخلاقها محدش يقدر يقول عليها كلمة جدعة وحلوة وبنت راجل طيب و أهلها كلهم ناس محترمين ... جريت اتصلت بيها و قولتلها انا لازم اقابلك ... بالرغم من اني كنت معاها طول الكلية و بنتكلم بس عمرنا ابدا مخرجنا لوحدنا كنت بحترم ابوها و بحترم اخلاقها و مكنتش اتجرأ اني اطلب منها كدا و طبعا ردت عليا اميرة بالرفض ... اميرة ساعتها كانت استلمت شغل في مكتب هندسي كمتدربة لانها مكنتش عايزة تطول في الشغل مكنتش عايزة تسيب ابوها لوحده ... روحتلها تحت المكتب واستنيت تنزل ...
سليم : باشمهندسة اميرة...اميرة ارجوكي هما كلمتين
أميرة : اتفضل يا باشمهندس ... وياريت بسرعة وقفتنا دي مش كويسة زمايلي في المكتب يقولوا ايه
سليم : يقولوا اني جاي و عايز ادخل البيت يا أميرة ...
أميرة : ايه ... بجد ... قصدي طيب انت بتكلمني انا ليه في أصول على فكرة انا ليا اب .. ولا نسيت...
سليم : الله يسامحك انا منساش الناس الي أكرمتني... بس في كلام انتي لازم تعرفيه الأول قبل ما اروح بيتكم علشان أتكلم مع والدك ودا هيفضل سر بيني وبينك انا حتى عمري ماقولته لعبد الرحمن مع انه عشرة عمري ... بس انا مقدرش أخبي عليكي لاني مبحبش أخدع ولا اضحك على بنات الناس خصوصا لما يكون البنت دي انتي يا أميرة.....
أميرة ساعتها حست ان الموضوع جد و وافقت واخدتها و كانت اول مرة اعزمها على قهوة ... بتحب القهوة الفرنساوي اووي ... وانا كمان ... كنت عايز اجيبلها اغلى حاجة في المنيو ... بس هي رفضت ومرديتش غير بكدا علشان الخروجة دي مطولش ... كانت عايزاني أقول الكلمتين الي عندي و نمشي بسرعة علشان متتأخرش على باباها
أميرة : اتفضل يا باشمهندس سليم
سليم : أولا كدا انا اسمي الحقيقي مش سليم دا الأسم الي ادهوني في الملجأ انا اسمي سيف ..... سيف عادل عبد الرحمن عبدالله دا اسمي الرباعي الحقيقي ...
ساعتها لقتها ردت بعفوية
أميرة : كنت عارفة .... كنت عارفة ... دا المهندس الي جالنا علشان يخلي عمي سعيد يدي لولاده دا ابوك ..انت هربت من البيت ليه يا سليم .. أقصد يا سيف .
سليم : لا هتناديني ب سليم ... انا مهربتش يا أميرة .... انا اترميت رمية أسوأ من رمية الكلاب
أنت تقرأ
هذا ليس ابني
Mistério / Suspense( سيف : لما عرفت سبب تخلي ابويا وامي عني وانا عندي سبع سنين في مستشفى مرسى مطروح العام خلاني مسامحمشي اكتر على الي عملوه معايا) ............ سيف طفل عمره سبع سنوات تهجره امه في مسستشفى مرسى مطروح العام بعد اصابته في حادث ..... تعرف على اسباب الفعل و...
