سامح : المفروض اني هستلم الشغل مع عادل من بكرا بس سمعت انه مسافر هو وعيلته يصيفوا في مرسى مطروح.
سهيلة : ياسلام حلو والله واحنا بقا هنصيف امتى؟!
سامح : يعني انتي عايزاني ابقا لسة مستلم الشغل و اقول للراجل معلشي اصل بنت عمتك عايزة تصيف الاول!.. انتي هبلة يا سهيلة ؟!..
سهيلة : هبلة ماشي يا سي سامح شكرا … شايفة يا ماما بنتك بتتهزق قدامك اهو علشان لما اشتكيلك منه تصدقيني…
منال : مانتي هبلة صحيح جوزك معاه حق اصبري شوية و بعدين لسة الصيف مخلصشي او نبقا ننزل انا وانتي يومين اسكندرية
سهيلة : اه طبعا يا سي سامح ساكت مهو الكلام جاي على هواك حماتك هتريحك من فسحتي و تفضى انت بقا لشغلك .
سامح : هه بتقولي حاجة يا سهيلة ؟!..
سهيلة : لا دا انت سرحت بقا في حتة تانية خالص ..
سامح : لا بس مستغرب شوية !!..
منال : من ايه يابني كفالله الشر ؟! هو دي حاجة غريبة اني اخد سهيلة و نصيف سوا؟!
سامح : لا ياطنط مش كدا خالص انتي لو عايزاها خديها من دلوقتي على طول هههههه؟!
سهيلة : كدا يا سامح بايعني كدا ماشي طيب شكرا .
سامح : ….
منال : ايه يابني سرحت تاني في ايه؟!
سامح : عادل قريبك دا غريب اوي في معاملة عياله يا طنط..
منال : قصدك ايه يابني ؟!
سهيلة : ليه بتقول كدا مهو عادي خالص اهو ؟!
سامح : سيف ابنه الاولاني مش حاسه انه زي اخواته واخد جنب كدا و مش بيلعب معاهم و كل ما يقف في حتة او يعمل اي حاجة يبص على أبوه كأنه بياخد موافقته او بيشوف هو غلط ولا صح... دا غير الي لمحته في رجله و هو طالع جري على اوضته بعد ما كنتي واقفة معاه يا سهيلة …
سهيلة : لمحت ايه ؟!!!
سامح : حرق في سمانة رجله كان باين و هو طالع على السلم البنطلون بتاعه كان بيترفع …
منال انطربت كدا و لقلقت
منال : عادي يعني تلاقيه اتلسع في حاجة كل العيال بتحرق نفسها … الهبلة الي انت متجوزها دلقت على نفسها مياه مغلية مرة بتاعت مكرونة متاخدشي في بالك ..
سامح : لا يا طنط الحرق في مكان غريب صعب يكون لسع نفسه كدا دا حرق كبير و شكله قديم بس كبير …
سهيلة بصت لامها نظرة حزن و خوف مع بعض و منال كانت عيونها بتهرب بيها من عيون سهيلة وردت و هي لسة ملقلقة
منال : احنا مالنا ما كل العيال بتنحرق متدقش يا سامح
طبعا سهيلة الوحيدة الي كانت حاسة بالذنب في القاعدة دي
أنت تقرأ
هذا ليس ابني
Misterio / Suspenso( سيف : لما عرفت سبب تخلي ابويا وامي عني وانا عندي سبع سنين في مستشفى مرسى مطروح العام خلاني مسامحمشي اكتر على الي عملوه معايا) ............ سيف طفل عمره سبع سنوات تهجره امه في مسستشفى مرسى مطروح العام بعد اصابته في حادث ..... تعرف على اسباب الفعل و...
