♛ កំណាន់ចិត្តបងធំ ♛

ភាគទី ៥៤ : " អាថោកទាប ! ឯងធ្វើស្អីឡរ៉ារបស់យើង ? " ថេយ៉ុង

បន្ទាប់ពីបានមកដល់ទឹកដីនៃសម្ព័ន្ធឡូរ៉េនណូហើយហ្វីលលីពក៏ចម្លែកចិត្តបន្តិចហើយក៏ព្យាយាមបង្កើនការប្រុងប្រយ័ត្នអោយខ្ពស់បន្ថែម កន្លែងមួយដែលធ្លាប់តែអ៊ូអ៊រមានមនុស្សចេញចូលឥតឈប់សុខៗក៏ប្រែទៅជាស្ងាត់ជ្រងុំដូចកន្លែងត្រូវគេបោះបង់ចោល ? រឿងអីដែលថាហ្វីលលីពមិនចម្លែកចិត្តនោះ ? មកទាល់ពេលនេះជាក់ស្តែងកន្លែងនេះក៏លែងចាំបាច់ក្នុងការប្រើការទៅហើយ ក្នុងសម្ព័ន្ធមានរឿងរញ៉េរញ៉ៃខ្លាំងពេកទើបក្រុមបងធំធ្វើការនឹងរស់នៅដោយស្ងប់ស្ងាត់យ៉ាងណាវាក៏ជាបញ្ជាររបស់មេបក្សផងដែលអោយរក្សាភាពស្ងប់ស្ងាត់រក្សាសុខ ។ កូនចៅទាំងអស់ត្រូវបានអោយចេញតាមរកឡរ៉ាតាមបណ្តារប្រទេសផ្សេងនឹងកន្លែងនាៗពេញផ្ទៃប្រទេសកូរ៉េ ចំណែកឯកន្លែងផលិតថ្នាំក៏លែងមានទៀតហើយទើបបានជាថេយ៉ុងលែងសូវខ្វាយខ្វល់មិនអោយមានការយាមតឹងរឹងនៅក្នុងសម្ព័ន្ធ ចំណែកឯអ្វីដែលបានឃើញនៅក្នុងបន្ទប់ក្រោមដីវាគឺជារបស់បំភ័ន្តភ្នែកល្បិចផែនការរបស់ថេយ៉ុងឡូសហ្គេនណូតែប៉ុណ្ណោះ ...។

" មិនមានអ្នកណានៅនោះទេ ! ល្អហើយ យើងនឹងមិនចាំបាច់មានលេសដោះសារជាមួយអ្នកណាផង " ហ្វីលលីពក៏ប្រញាប់ដើរចូលទៅក្នុងផ្ទះធំហើយក៏បានបើកច្រកក្រោមដីចូល គោលបំណងរបស់ហ្វីលលីពគ្រាន់តែត្រឡប់មកយកកាំភ្លើងរបស់គេតែប៉ុណ្ណោះ កំពុងតែវិកវរគេចខ្លួនពីចៅហ្វាយបែបនេះផងគេមិនហ៊ានបញ្ជារទិញកាំភ្លើងពីខាងក្រៅ ព្រោះអាចជាផ្លូវនាំចៅហ្វាយរុករកគេហើយនឹងប្អូនស្រីឃើញ នៅពេលនេះផ្លូវត្រឹមត្រូវនឹងផ្លូវងងិតវាអសុវត្ថិភាពដូចតែគ្នា ។

" បន្ទប់ក្រោមដីបើកហើយយើងគួរតែឆក់ឱកាស " ឡរ៉ានិយាយដាក់ខ្លួនឯងរួចបន្ទាប់មកក៏ប្រញាប់ចុះជណ្តើរតម្រង់ទៅបន្ទប់ក្រោមដីដែលជាបន្ទប់ថេយ៉ុងតែងផលិតហើយនឹងទុកថ្នាំ ពួកបងធំអស់ទាំងនេះឆ្លាតសម្បើមខ្លាំងណាស់ដឹងថាខាងលើគ្មានសុវត្ថិភាពក៏បានសាងសង់ផ្ទះគ្រាន់តែជាការលំអរតែថាខាងក្រោមវិញក៏បានរៀបចំរាប់សិបបន្ទប់ដើម្បីដាក់របស់ខុសច្បាប់ក៏ដូចជាកាំភ្លើងអាវុធគ្រប់ប្រភេទគ្រប់ធុនដែលពួកគេតែងតែនិយមប្រើប្រាស់ ។