للعشق الكلمة الاخيرة

توضيح 🌝

طبعا النهاية بنسبة ٩٩.٩٪ معجبتش القراء طيب انا قرأت التعليقات و اكتشفت أن كلها واحدة تقريبا فأنا هحكي وجهة نظري فحاجة

اولا أنا ككاتبة اول ما كتبت رواية للعشق الكلمة الاخيرة كنت مبتدئه لسا و للي ما يعرفش أنا اول ما نزلت بارتات للرواية كان في نفس وقت اللوتس البرية و اللي رغم انكم بتحبوها و انا كمان عشان ليها مكانة مميزة عندي بس انا لاحظت اني بعمل حاجة اسمها خدمة القراء و هي اني لما كتبت اللوتس البرية و اول كان بارت فللعشق الكلمة الاخيرة كتبتهم كقارئة عايزة البطلة يحبوها كتير عايزة مافيا عايزة تملك الرومانسية الحمضانة دي 😂😂😂 و النوعية دي بجد على قد ما هي ممكن تدخل مزاجكو الا انها ركيكة شويتين

أما وقفت كتابة فترة ست شهور فرواية للعشق الكلمة الاخيرة حسيت اني لا الروايات مش كدا أنا عايزة حاجة خيالية بس قريبة للواقع و دة اللي حصل مع نجمة يعني تعالوا كدا في الواقع كام راجل طلق مراته بسبب أن حبه الاولاني دخل حياته تاني

كم مرة انهدم بيت بسبب الخيانة و انانية الراجل

و دة غير طبعا نجمة اللي حالتها النفسية مدمرة و زي الزفت زي اي ست بتكتشف جوزها بيخونها و اولادها هتعمل بيهم اي الجزء الخيالي في الرواية كان نسيم لأن شبه مستحيل تلاقي العرابة السحرية زي نسيم اللي هتقف معاكي و تنتشلك من اللي انتي فيه و جسدت شهاب كاي راجل شرقي عنده تملك بيحب أنه يستغل الاطفال فإنه ينتقم من طليقته و ميخلهاش سعيدة و دة اللي حصل و معظم الحالات بيضطروا يرجعوا و الست ترضى بالواقع عشان أطفالها مش عشانها هي بس

و نقطة الواقعيه دي اخدت بالي منها في نهاية رواية اللوتس البرية و زادت مع الوقت فأنا لو كنت عملت نهاية خياليه لا تمت للواقع بصلة زي أن نجمة هتفضل مع حمزة و يعيشوا فتبات و نبات دة مش منطقي لأن حد بنفوذ و جبروت شهاب أنه يعديها مرور الكرام مستحيل

و بالنسبة بقا لنجمة دلوقتي الموضوع أنه بعد شهاب و نجمة أما اتجوزوا الاتنين قدموا في العلاقة يعني محدش أجبر حد بمعني نجمة صحيح خسرت حمزة بس كان عندها اولادها اللي محتاجة تمشي الحياة عشانهم و دة حال اي ست و اكيد مش هتفكر فراجل غير جوزها و هي متجوزة و دي نقطة أنا لازم اوضحها رغم أن حمزة لسا فقلبها بس بتحاول تنساه

نيجي بقا لصاحب القلق شهاب انتو فاكرين شهاب خد كل حاجة دة مش حقيقي شهاب عايش مع واحدة هو متاكد من حوله أن هي بتحب راجل تاني و علطول عايش فقلق حتى أنه مش مرتاح و خايف علطول دة عقاب

لما نادين اللي ضحى بحاجات كتير عشانها طلق مراته حتى لو مش بيحبها فالاول بس كان مستقر و كان عنده اطفال و اتخانق مع باباه بسبب الموضوع دة و بعد كل دة هي اللي خزوقته 😎😂

تخيلوا الكسرة بس الحلو أن نجمة مبقتش هي الطرف اللي بيدي في العلاقة لكن شهاب اللي بيعمل كل حاجة عشان ينسبها حمزة و يخليها تحبه اكتر و نجمة عارفة كدا عشان كدا مبتبينش أنها متأثرة بيه زي الاول

و اخيرا البلسم بتاع الرواية حمزة

حمزة نجمة ضحت بأن هي تتحط فقفص هي مش عايزاه عشان ميموتش عشانه ماكنتش عايزة إن هي تاخد حياه حد كان سبب أنه يحلي حياتها و تقدروا تقولوا أنه جبر خاطر لنجمة و اكبر عقاب فحياة شهاب هيفضل ملازمة و زي ما حمزة أدة لنجمة حاجات كتير نجمة برضة ادته عشق و حب و تضحيه أنا مكنتش عايزة اتعمق اوي في العلاقة لأن الرواية هتمط بشكل مأفور و انتو كنتو عايزين النهاية و اديكي خدتيها يا انشراح 😂

و اولاد نجمة اخيرا اللي من حقهم يعيشوا فبيت مستقر مع ابوهم و برضو مهما كان حمزة بيحبهم و كل حاجة بس هم محتاجين ابوهم و امهم

و دي كانت وجهة نظري لو اي حد لسا عنده تعقيب ميبخلش برأيه فالكومنتات يمكن هو عنده حاجة تفيدني ككاتبة و لو قدام انشاء الله حسيت نفسي هفاني على الرواية ممكن اعمل بارت بعد النهاية بس مش هتتغير حاجة 😑عشان نكون عارفين الفولة و اللي فيها من الاول 😝😂😂