Friends | فريندز

توقعاتكم للجزء الثاني من القصة

بما ان الجزء الأول خلص من مده مش طويلة اوي بس من مده  يعني، فـ كنت عاوزه اعرف انتم متوقعين ايه الي هيحصل مع الشخصيات الرئيسية أو الثانوية، أو قصه سارة و عمر الي نهايتها مجهولة هتوصل لفين

بعد قراءة الجزء الأول يعني، من القراءة كده تتوقعوا ايه الي ممكن يحصل معاهم أو مع غيرهم؟

كمان تتوقعوا ان في شخصيات هتدخل جديدة في الجزء الثاني ولا هنستمر بالشخسيات القديمة بس ؟

انا حالياً بحضر في الجزء الثاني من أفكار و فصول و ترتيب مشاهد.. إلخ

والحقيقة انا متحمسه للجزء الثاني جداً كأني انا الي هقرأ معاكم مش انتم، لا لقيت ان في أفكار حلوه كتير كاتبها وكنت ناسياها ف اتمنى تعجبكم

هيبقى جزء كده مخلط من حاجات كتيرة و اقدر اقول ان أحداثه هتبقى اكتر، احتمال يكون نفس عدد الفصول او اكتر لسه مش عارفه على حسب ترتيب الأحداث الي انا بعملها دلوقتي بشوف كل فصل هيكون في ايه علشان ميكونش نسيت حاجة وأدي لكل واحد حقه من الشخصيات الأساسية او الثانوية والحقيقة في الجزء ده بردو مش هتعرفوا تفرقوا بين الشخصيات الثانوية و الأساسية لأن كل الشخصيات مميزه و حلوه

بالنسبة لمعاد تنزيل القصة لو حد سأل يعني ؟
حالياً مقدرش احدد معاد محدد ولكن لما اخلص وانا بشتغل عليه الأيام دي

بيني وبينكم الصراحه أنا كنت بفكر انزله في رمضان بحيث يكون زي حلقات مسلسل كده كل يوم مثلاً بعد الفطار او انتوا تتفقوا على وقت انزله فيه بحيث ان عبال المده دي اكون كتبت الفصول والمده هي مش كبيرة على فكره خالص يادوبك يعني لان رمضان السنادي ٢٣ مارس لسه مش مقرره بصراحه بس انا الي مقرراه بإذن الله اني لما اجي انزل القصة يكون على الأقل ثلاث اربعها مكتوب من قبل كده عشان التنزيل يكون مستمر ان شاء الله يعني، وانتوا ايه رايكم بردو

وأنا حالياً هبدأ اكتب في مشاهد القصة نفسها من الأسبوع الجاي ان شاء الله وفي نفس الوقت اكمل ترتيب و ضبط للفصول التانيه وانا ماشيه بحيث ان ميكونش في انقطاع بين الفصول فـ انسى حاجة مهمه

حبيت اني اقولكم انا بعمل ايه دلوقتي في القصة علشان تكونوا معايا على نفس الخط و محسش اني لوحدي و تشجعوني وتحمسوني زي ما انا متحمسه للجزء لثاني، انا اصلا كنت متحمساله من الجزء الأول الحقيقة وتحمست ليه اكتر بعد ما قابلت الشخصيات

متبخلوش عليا بالكلام معاكم عن القصة و دمتم بخير
🖤🖤🖤