حدث في الفصل السابق..
- ياااا الله الصبر!!
- يعني انت جايبني علشان تقولي الكلمتين دول
- غوري بقى!!
- على الصبح بقى!
- ما أنتي على طول شايفاني بكذب وبنفاق، آمال احنا اتطلقنا من شويه
- بابا هو أنت سبت ماما ليه؟
- كوبل ايه ده قد ابوها!!
- انا قولتلك قبل كده إني ممتنه ليك؟؟
- عموماً هم الرجال كده نكديه
- مهو كده موته وكده موته، بس ذي موته مشرفه اكتر
_______
× الساعة : ٦:٣٤ صباحاً ×
" بابا.. بابا. بابا بابا بابا بابا باااابااااا "
(إياد) ابن أدهم بينادي بشكل متتالي على والده النايم بعمق في سريره بدون توقف علشان يصحى من النوم
فتح أدهم عينه بملامح متعمره و منزعجه من تردد صوته
" ايييه يا إبني ايه بتزن على الصبح ليه؟؟ "
بصله بكل براءه وقال
" باص المدرسه فاتني! "
عقد ما بين حواجبه بخفه من نومه و شَعَر انه فاقد الذاكره للحظات فتساءل بتشويش
" باص ايه؟ هي الساعة كام؟؟ "
مد ايده ناحيه موبايله على الطربيزه جنب السرير و بص في الساعة ولما أدركها
" الساعه لسه ٦ونص يا إبني وأنت جاي تنزن على قفايا بدري ليه؟؟ هو أنت وارث الزن من أمك!.. سيبني انام روح يلا شوفلك حاجة تعملها ولا حاجة "
أنهى جملته و شد الغطاء عليه ناوي يكمل نوم ولكن اوقفه ابنه الي شد الغطاء تاني من عليه و ربت على ذراعه
" يا بابا بقولك باص المدرسه! "
زفر بخفه و التفت في اتجاهه قائلاً بملامح متعكرة
" أيوه وأنا أعملك إيه يعني؟!! "
عبس الولد من تصرفاته والده و اردف بإنتحاب
" ورايا مدرسه، قوم وصلني قبل ما الحصه الاولى تبدأ "
بصله بصمت لحظة ثم قال
" وأنت يا واد ايه الإجهاد وحب التعليم الي نزل عليك فجأه ده، انا عمري ما شوفت طفل متحمس يروح المدرسه غيرك، أنت مش المفروض تبقى زي كل الأطفال مش بتطيق تروحها! "
أنت تقرأ
Friends | فريندز
Humor# FRIENDS | الاصدقاء الصداقة اهم و احسن حاجة في الوجود منعرفش نعيش من غيرها و ليها معاني حياتيه كتير و مش اي حد يعرف يفرق بين الصداقه للحقيقة و المزيفة كله بقي بياخد نفس الشكل مؤخراً و الصداقة الحقيقة بقت نادرة الوجود و صعب تتلاقى في فريندز هنتعلم و...
