Friends | فريندز

الفصل الخامس

حدث في الفصل السابق..

- استني يا بسنت انا مش هيثم انا وليد اخوه!

- همم تفتكروا هو وافق انه يدربها ليه ؟
- ليكون معجب بيها!!

- عارفه لو جيتي هنا تاني هخلي العصايه دي ترن عليكي فاهمه ولا لا؟؟

- الأرض حلوه مش كده؟
- اه حلوه اوي

- لو سمحت يا دكتور انا مغلطتش، هي تعدت عليا بالكلام الأول..
- تقومي تتعدى عليها بالضرب!!!

- دكتور عمر؟؟ حضرتك جبت نمرتي منين؟؟

- هششش تقبض ايه اسكت هنتحبس

- غلط، انا عارفه و مدركه بالكامل انها مستحيل ترجع في يوم من الايام لان ده القدر

- الحمامات!! حتى الحمامات مسلمتش منك يا نشوى! حسبي الله ونعم الوكيل

______

في فيلا ما متوسطه الحجم، أصوات شابه متذمره و متألمه بتخرج من بقاع الفيلا دي و بتذالب بالرحمه..

" ارحموني انا تعبت يرحمكوا ربنا!! "
" بس يا بنت بطلي تذمرات و كلام فارغ "

البنت دي كانت رضوى، ايوه رضوى إلى شايله على رأسها حالياً ثلاث كتب اكبر من بعض و المفروض انها متوقعهومش و فوق ده لابسه جزمه بكعب سن سكينه ١٤ سم ، في حين على الشمال كده قاعد على كرسي متحرك حديث سيده فاضله كبيره في السن باين اوي انها سيده صالون و بتشبه الست إلى واقفه جنب رضوى كل شويه تعاتبها على تذمراتها والي هي للأسف تكون ام رضوى

رضوى بتسخط
" ده انا لو بعمل اوديشن في الرانواي* مش هيعملوا فيا كده! "

* رانواي / runway : هي منصه عرض أزياء بيقدمها عارضات الازياء إلى بيبقى ليهم شروط و معايير معينه لعرض الملابس و التصاميم الجديده

والدتها ضربتها على كتفها بخفه فكانت هتوقع الكتب
" يا بنت بطلي تذمر انتي مش طفله!! "

رضوى بتنتحب
" هو الي انتوا بتعملوه فيا ده عمل بشري اصلا! طب بذمتكوا قولولي ايه الفايده بقى من كل إلى بتعملوه فيا ده، هروح بعثه لسويسرا ولا هشتغل عارضه ازياء درجه اولى مثلا ؟؟ "

والدتها دورت عينها و سابت مامتها ترد و الي هي تكون جده رضوى إلى اردفت برزانه

" علشان انتي بنت ذوات، و بنات الذوات لازم تكون متربيه على الأصول الاساسيه، لازم تتعلمي تمشي ازاي، تاكلي ازاي، تشربي ازاي، علشان لما ييجوا ضيوف مهمين ميقولوا ان احنا معرفناش نربيكي صح! "