Friends | فريندز

الفصل الثامن

حدث في الفصل السابق..

- انتي مفيش فايده فيكي أبداً
- اسمعني لو فكرت تقف في طريقي تاني هيكون نصيبك زي الي ضربتهم فاهمني؟؟

- عاوزه حاجة معينه؟؟

- طالما انتوا مبتعرفوش تسوقوا بتركبوا عربيات ليه

- غيوره اوي ندى

- رمزي حبيبي ايه الاخبار؟؟

- الا صحيح يا رفعت انا سمعت ان ابنك الكبير هيثم بيشتغل في المباحث الجنائيه مش كده؟

- حصليني على مكتبي

- كنت عارفه

- عاوزك تنزل الجامعه بين الطلاب اكنك طالب عادي وإياك حد ياخد باله

____

~ من وجهه نظر الراوي ~

×مدرج رقم 405 ×
- محاضرة الأدب -

" هاتشيييي "

ليللي سحبت منديل و ادتوا لسارة الي لسه عاطسه
" يرحمكم الله"

رفعت عينها بصعوبه و شنّت
" يهديكم الله و يصلح بالكم"

ندي من الناحيه التانيه جنبها
" تقيه ما شاء الله.. اللهم قوي إيمانك "

بصتلها بطرف عينها بغيظ و عطسه تاني
" قسما بالله لولا اني مش قادره كنت زماني هـ هـ.. هااتشييي "

ندى بتمتمه
" بس بس ده انتي مش عارفه تكملي جملتين على بعض حتى! "

عطسه تاني و ليللي سحبت منديل و ادتهولها
" يرحمكم الله"

" يهديكم الله و يصلح بالكم "

ندى بتقترح بجديه مصطنعه
" أنا من رأيي انك تسجيلها على سي دي احسن و تشغليها بدل ما انتي كل شويه تعيديها كده"

بصتلها بطرف عينها و كانت بتفكر في إجابه بضياع اصلا بسبب البرد المفاجئ ، ظل فجأه غيم على ناحيتها و سمعت صوت مألوف على مسامعها

" الف سلامه عليكي "

رفعت رأسها ناحيته كان واقف جنب ليللي إلى قاعده جنبها و مبتسم بخفه؛ كان عمر ، سرحت لحظات و لسه هترد لقت نفسها عطست تاني بقوه و عطسه ورا التانيه و خرجت تنهيده قويه جدا و كلمت نفسها بخفوت مسموع