Friends | فريندز

شوية مقتطفات من الجزء ٢ +قصة رضوى

رضوى رادار.. هي فعلا اسم على مسمى علشان هي مجنونه سرعة و بتحب العربيات اكتر من أهلها

ممكن تفكك العربية من الصفر و تركبها تاني بكل دقه، حرفيا عارفه كل حاجة عن العربيات وتنجدك احسن من الميكانيكي ذات نفسه

ليه هي بقى كده؟ ازاي اكتشفت هوسها بالعربيات؟

رضوى زمان وهي مراهقه كلمت مسافرة مع أبوها أوروبا بسبب شغله هناك، وهي كان ليها صحاب بردو هناك اوروبيين يعني وكانو بيتكلموا و يتقابلوا وكانوا بيعملوها السواقة من وابوها كان عارف بس دايما يقولها اياكي تاخدي عربيتي لتعملي بيها حادثة و تبوظ

وطبعا علشان هي الأدرينالين عالي عندها، في يوم خدت العربية وابوها نايم الصبح و راحتلهم وكانوا هيعملوا سباق وهي علشان بتحب السواقه من الصغر شاركتهم

اصلا صاحبها دول كانوا عاملين زي فاست اند فريوس كده، بيعملوا سباقات على فلوس والليله عنب و بيجروا قبل ما البوليس يقفشهم و ييجي يلمهم بسبب كسرهم للقانون والخروج عن السرعة المعروفة

فهي راحت هناك بعربيه ابوها و ثالولها بلاش خدي عربيه من بتوعنا احسن وهي ابدا مصممه، وفعلا ذهبت السباق و هوب عملت حادثه فعلا بالعربية دغدغتها مبقاش فيها حته سليمه وهي بقت مش عارغه تقول لابوها ازاي بس هي كانت مبسوطة ومش خايفه خالص من اي حاجة بالعكس كانت بتزود في السرعة بس

ف اصحابها ساعدوها و بحاول يصلحوا معاها العربية و يجيبوا قطع غيار و يضبطوا الدنيا و رجعت العربية مكانها قبل ما ابوها يعرف الموضوع وكأنها جديده

وبس من هنا وهي نفسها تدخل مجال السباق و عملتها فعلا وهي عايشه هناك بس بعد ما نزلت مصر بفتره امها سحبت منها رخصه العربية و العربية و ابقي روحي الجامعه مواصلات بس لأنها كانت لما تحط رجلها على الدواسه بتجيب ١٢٠ على طول حرفيا و ياما خدت مخالفات و رادارات من كتير سرعتها حتى في الطرق العادية لحد ما المخلفات تمنها ممكن يجيب عربية جديدة لوحدها

هي شايفه كل الشوارع طرق سباق بس ميزه الموضوع ده ان لو عاوز توصل بسرعه اركب معاها، يعني بدل اسكندرية في ساعتين بتاخدها في نص ساعه

رضوى اصلا خلفيتها العائلية كبيره ، وكل الي حصل في القصة من ناحيه جدتها كان بيحصل معاها في الحقيقه مع جدتها، وفعلا كان تبتعاني و بتيجي كل يوم تشتكي من الي بيحصل فيها من جدتها

وهي حد متحمل المسؤولية جدا، لو حطيتها قصاد اي موقف تسد و تساعدك للآخر، وهي متعاونه جدا  وتدي نصايح طول الوقت بالعقل علشان تنصح الي حواليها

رضوى تعرف حاجات يمكن احنا منعرفهاش ابدا ولا عمرنا هنعرفها، هي فعلا عارفه خفايا الأمور في كل حاجة تخص المجالات المختلفة في الحياه وده عائد لأهلها الي زي ما قولت ليها سيط كبير وكلهم ما شاء الله عليهم مجتهدين كل واحد في مجاله وهي بتحب تتعلم وتعرف عم كل المجالات حتى انها مره خالها تعب مسكت شغله مكانه و إدارته وبقى احسن من الاول حتى أنه لما خف كان عاوزها تفضل هي ماسكه بداله بسبب الانجازات والشغل الي عملته علشان كده هي واحده تلجالها وتسألها في اي حاجة ترد

على طول مشغوله بسبب تعدد المجالات زي ما قولت، وعلشان كده هي مختفيه حتى في الحياه الحقيقيه بس لما بتبقى موجوده بتاخد كل الجو ليها

هي طول الوقت كلما بتقول انا مش عاوزه ارتبط بشكل عادي انا عايزه واحد زيي كده فاهم طبعي و تفكيري، انا عايزه واحد لنا اقوله يلا نروح السخنه دلوقتي يقولها يلا بينا، ومن هنا يوضح شخصيتها اكتر

بس ودي كانت شخصية من شخصيات فريندز، اسيبكم بقى مع شويه مقتطفات بسيطة للجزء الثاني

_____

- زومببباااااييي

- الف مبروك يا تيزا و عقبال البكاري

- الا صحيح يا حضرة الضابط، انت خريج ايه؟؟

-انا خلاص فاضلي سنه و يسموني مرام مكروكروم

-هو مين الي محتاج يتعالج انا ولا انت يا دكتور؟؟

-ده فرح نحس، انا مشوفتش الجو ده من ثلاثين سنه

-بتفرجي ولادك على غامبول ليه هم ناقصين غباء

- اوعى تكون زعلان علشان الانفجار الي حصل في المعمل

-ومالك فرحان كده ليه وانت بتحكي كأنك واخد جايزه الطالب المثالي، دول سرقوا بنطلونك!!

- مهي دي غلطتي بردو، يعني يوم ما اخطب واحد يبقى اسمه احمد عمر!

- يااه اخيرا رجلك اتكسرت، عقبال لسانك الي عاوز يتقطع

- يعني قصص الروايات طلعت بحق و حقيقي

- انتي موافقه نكمل حياتنا مع بعض؟
- موافقة