Friends | فريندز

الفصل العاشر

حدث في الفصل السابق..

- هتشل هتشل هتششاالل

- في بعدك اسيبك تاخد نصيبي في الجامعه

- انتي عارفه ان لو اهلك عرفوا انك هنا هيعملوا فيكي ايه

- محدش قالك انك المفروض كنتي تفرملي قبل ما تدوسيني مش بعد يا غبيه!!!

- ايه مالكوا النهارده مصممين تخلوا الحرق من نصيبي ليه؟؟

- سبحانك إلهي ، يالي بيشوفها يقول دهب و بس تعاشرها بتطلع ابو لهب

- منه! انا خطيبك يا ماما مش النقاش بتاعك!

- ايوه يا عمر..

- البنت مننا لازم تكون راجل لأشكلك انت و اسلام و غيره..

- ده ايه يا ربي الهم الأسود الي انا عايشه فيه ده

_______

« Je veux d'l'amour, d'la joie, de la bonne humeur, ce n'est pas votre argent qui f'ra mon bonheur Moi j'veux crever la main sur le coeur, papalapapapala Allons ensemble, découvrir ma liberté Oubliez donc tous vos clichés, bienvenue dans ma réalité »

رضوى كانت على سريرها ممدده في اوضتها المنمقه ماسكه موبايلها و بتمتم مع الكلمات الي شافتها بتوصف حالتها بالضبط الي بتعيشها مع أهلها كل يوم وكل ساعه حرفياً

يمكن لو مكانتش رضوى من النوع الطموح اوي و الهادي كانت انتحرت من كتر التقييد في الفكر و المعتقدات الفاشله الي مالهاش اي اساس من الصحه و مش البنت بس الي بتقع فيها كمان الولد بيحصل معاه كده

صوت تخبيط على باب اوضتها قطع أفكارها و طلت منه جدتها بالعصايه الي بتسند عليها بكل جسمها فـ عرفت ان الوصله بتاعه كل يوم بدأت

" اتأخرتي يعني في الرجوع..؟ "

ادرفت بهدوء
" كنت مع صحابي .. "

اتنهدت بعدم رضى
" صحابك اياهم بردو ، مفيش فايده! قولتلك دول مش نافعينك و لا هينفعوكي.. حتى مش شبهك "

قعدت بإنفعال بتحاول تسيطر على عدم خروجه
" شبهي او لا ، دول صحابي وانا بحبهم! "

اتنهدت و ضربت بعصايتها على الأرض بخفه بتسند عليها بأيديها الإثنين

" مش هتناقش معاكي في ده دلوقتي.. المهم اعملي حسابك في ضيوف جايين النهارده مهمين عاوزاكي و تكوني بنت ذوات و مش عاوزه تصرفات الهمجيه بتاعتك.. انتي mademoiselle محترمه "