Friends | فريندز

الفصل الثامن عشر

حدث في الفصل السابق..

- ننزل على ايه يا عنيا؟؟ انتي فاكرنا نينجا ترتيرز!!

- شاهد قبل للحذف وجود شله مساطيل في قلب قرية شريفة

- سارة مسيطره على كل تفكيري مش عارف اعمل ايه

- هتتشوي في جهنم على كذبك ده

- يا إبني هو انت مش لاقي حاجة تعملها غير انك تبقي ورايا!!

- لااا ابوس ايدك الا انت انا مش ناقص مطبات في حياتي كفايه اوي لحد هنا

- داليا انتي كويسه؟؟؟

- انا تقريبا لقيت كيس مكرونه من القرن التامن، تنفع؟؟

- ايه ياعم فاكر نفسك راكب قطر ما براحه كنت هتطيرنا!!

- باي باي

____________

× القاهرة - بيت اهل كنان ×

" انا لو قولتلك لفيت كام مدينه هناك مش هتصدقيني عالم تاني خاااالص.."

كان (مراد) والي يكون اخو أيهم (والد كنان) الي كان مسافر بره والي لسه راجع امبارح عمال يتكلم عن سفريته بلا توقف ، في حين أيهم من جنبه قاعد بيسمع لأخوه وحاطط ايده على خده و بيهمهم بين كل كلمه و التانيه بملل وهم قاعدين في جنينه الفيلا الأمامية في عتمه الليل

" انا لو فضلت احكيلك عن انجازاتي العميقة والكبيرة مش هخلص، ده انا خليت الأمير هاري بذات نفسه يتوصالي في السفارة هناك علشان ينزلوني بدري "

تمتم بملل لنفسه 
" امم افتي افتي كمان و افلقنا بقى، اسكت يا مراد اسكت "

اخوه من جنبه التفتله وقال
" الا صحيح مش ناوي تجوز ابنك بقى وانا اجوز بنتي و نلم الشمل "

بصله بعدم تصديق من أمره
" شمل ايه و جواز ايه! يخربيت شكلك! عارف كنان لو سمعك هيقطع علاقته بيك نهائياً "

" اه صحيح هو عامل ايه دلوقتي؟ نجح و لا سقط؟؟ "

تمتم بإنزعاج واردف بنفاذ صبر
" كويس و نجح و متكترش في الكلام كتير بدل ما اقطع علاقتي بيك انا شخصياً "

-

نرفانا (ام كنان) خارجه من باب الفيلا بتواسي صاحبتها الي خارجه متنكده على الآخر وشكلها كان بيعيط..