Friends | فريندز

الفصل الرابع عشر

حدث في الفصل السابق..

- وربنا ما انا سايباها الوليه ام لسان عرض عرضين دي!

- انا مش هقابله يعني مش هقابله، ماشي؟؟!!

- ما تنشفي كده متبقيش خرعه ياباي!!

- اهلا اهلا شرفت الست هانم تحبي نفرش الأرض ورد علشان السنيورة حضرت

- بحب مين؟ انت عبيط؟! بقولك انا مش بطيق امها

- هتعملي ايه في عريس الخيبه الي جاي النهاردة ده؟

- ناااععمم؟؟؟ لااااا انت كده حرقت الكارت الاحتياطي الي عندي

- ايه الاخبار؟ ماشيه لوحدك يعني؟

- شوفت! افضل كده استنى لحد ما بابا هيروح يجوزني اي فار معدي خليك كده ماشي

- انت شارب حاجة انت وهو يلا ؟؟

- هتشل آآه يا ربي اروح منكوا فين انا خلاص تعبت

_______

في عتمه أول الليل حيث ندى بتمشي لوحدها في الشارع الجانبي الظلمه و عامله فيها السبع رجالة، حاضنه شنطتها، بتجر رجيلها بتعب اكنها مجبره على تكلمه الطريق الخالي من أي بشر بس هي الي اختارت الطريق المختصر عن الطريق الرئيسي علشان توصل لبيت سارة بشكل أسرع

زفرت بقوه و شاطت الزلطه من على الأرض بتكلم نفسها
" منك لله يا أدهم دايما مشحطتني كده لولاك مكنتش متمرمطه المرمطه السوداء دي دلوقتي في الشارع الظلمه كده لوحدي زي الي مالوش أهل، وعمّاله أجر في نفسي مش قادره امشي، ما انا لو كان معايا فلوس مكنتش اتحوجتلك وياريتك سديت، رجاله اخر زمن حسبي الله "

فضلت تبرطم و تتذمر فجأه طلع في وشها واحد شكله بلطجي و معاه مطوه في ايده ناوي يثبتها فهي وقفت مكانها بصتله من فوق لتحت بإستهزاء و طلعت ضحكه ساخرة و مشيت من جنبه عدته فهو وقف بصدمه

سحبها من هدومها من كتفها على ورا رجعها قصاده تاني
" ااااييه ايييه هو انا شفاف!! وكمان مش شايفه الماطوه الي بترن في أيدي دي "

زفرت و دورت عينها بتملل
" ايوه وانا اعملك ايه يعني؟ وبعدين لو سمحت نزل ايدك انت قد انك تثبت واحده قصيره كده "

بيتكلم ببلطجه
" وانا مالي قصيره ولا طويله، قبي بالي معاكي يلا! "

اتنهدت و مدت ايدها شالت ايده من عليها و اردفت بثبات انفعالي غريب وبتستعطف التاني