حدث في الفصل السابق..
- ياريت كنا اتقابلنا في ظروف احسن من كده
- ها يا بنات؟ عملتو ايه في الامتحان؟؟
- براحه براحه بتوجع ايدك ثقيله اوي
- هو ايه الي هبقى اقولك! انا عاوز اعرف علشان اكتب اساميكوا
- خليها مفاجأه احسن
- و ذنبها ايه ام بدوي ندخلها ما بينا !
- ايه ده انت طلعت عايش؟ ده انا قولت انت مت مخنوق فقولنا نسيبك جوه
- هو ده البيت؟؟
- مين الي عمل كده؟؟؟ ناااددييياااااااة
- شوفتوا! مش قولتلكو هتكرشنا و تقعد هي!
- واااو.. الضراير اتفقوا
- انا لو عليا اشيل كل حاجة بتضايقك و اخدها عندي
- كنان!!!!
- ايه ايه سرعتيني في ايه!
- بس و رحمه امي ما انا سايباه يتهنى في غيابي
- جرا ايه يا منار انتي نسيتي نفسك ولا ايه؟!
- ايه؟؟ هنسكت كمان المرادي ولا ايه؟!
- احنا نسود عيشه، زي ما مسودها علينا
- نقرأ الفاتحة بقى علشان تبقى بداية خير
_________
السابعة و النصف صباحاً
+ الحرم الجامعي +
" يالهوي أعوذ بالله ايه الوش ده على الصبح! "
ده كان صوت عزمي الي واقف في الساحة العامة و الي اتصدم من مشهد كنان الي داخل عليه ، كنان كان حواليه هاله سوداء اسود من حياته الي عايشها و عينه ناعسه تحتها اسود من قله النوم و شكله مطفي بشكل مخيف و حرفياً لو حد عدى من جنبه هيخاف و يطلع يجري و ده الي حصل فعلاً من بعض الطلبه
زفر كنان بملامح متعكره و اردف بإنزعاج تام
" بالله عليك تسكت انا معرفتش انام نص ساعه على بعض حتى "
عزمي بعيون فضوليه
" ليه ايه الي حصل؟؟ "
رفع كنان حاجبه و سخر
" ده على اساس انك مش عارف يعني! "
ابتسم في وشه بشكل عريض اكنه شيء مفرح
" لا عارف ان بيتكوا اتحرق و روحت قعدت في بيت العيله الي اغلبهم دماغهم ضاربه زي ابوك وأمك بالضبط "
أنت تقرأ
Friends | فريندز
Humor# FRIENDS | الاصدقاء الصداقة اهم و احسن حاجة في الوجود منعرفش نعيش من غيرها و ليها معاني حياتيه كتير و مش اي حد يعرف يفرق بين الصداقه للحقيقة و المزيفة كله بقي بياخد نفس الشكل مؤخراً و الصداقة الحقيقة بقت نادرة الوجود و صعب تتلاقى في فريندز هنتعلم و...
