~ من وجهه نظر الراوي ~
' السئيل ابن السئيلة ده هيشلني في مره و الله،
ايه السخافة إلى هو كان فيها دي؟! فاكر نفسه ظريف و خفيف يعني بالي بيعمله ده! والله شكل استقالته من الجامعه هتبقى على أيدي ان شاء الله '
كانت بتاكل في نفسها حرفياً بس قطع حبل أفكارها الجبار و تفكيرها ازاي تطفش الرخم لما سارة دفعتها من كتفها بكوعها
" ليللي!!! "
شالت ذراعها بانزعاج
" اييه ايه سيبيني بفكر ازاي اقتله "
بملامح فارغه سألتها
" هو مين ده؟؟"
بصتلها بحِده و أردفت
" انتي ايه إلى جابك بيتي اصلاً حد قالك اني محتاجة معاونه من الجيش الحر.. امشي بره امشي "
دورت عينها و قامت وقفت شدت شنطتها
" انا غلطانه اني فكرت اجيلك بعد الرساله الغامضه بتاعتك دي و في الاخر بردو معرفتش هو مين "
ليللي بعدم اهتمام
" و انتي مالك اصلا تعرفي ولا متعرفيش ايه ده "
ساره بجمهود
" تصدقي.. انا فعلا غلطانه.. سلام يا مخابرات "
شدت شنطتها علشان تخرج بره بس وقفتها صوت ليللي " استني يا بت! "
نفخت و لفت بصتلها برفع حاجب مستنياها تتكلم فشاورتلها تقرب و هي فهمت فـ قربت منها باسوا بعض في خدودهم و أردفت ليللي لما بعدت ساره
" يلا هش من هنا بقى "
دورت عينها علي صاحبتها و طلعت صوت ساخر راحت ناحيه البوابه علشان تخرج بس قطعها صوت ليللي العالي
" ابقى طمني لما تروح يا وحش ها !"
" ده لو افتكرت اصلا "
ردت عليها و خرجت من بوابه الجنينه إلى فى بيت ليللي ركبت العربيه مع السواق إلى سألها
" على البيت يا انسه سارة خلاص كده ؟ "
اتنهدت و اومأت
" يا ريت "
جوه عند ليللي إلى بتمتم بكلام مش مفهوم فجأه نباح قوي من كلب الحراسه في بيتها فزعها
" ايه ايه فزعتني يخربيتك!!"
طلع عواء كلب بسيط منه و قعد على الأرض ساكت اكنه فهم التهزيقه إلى جت ليه
" ايوه كده، ايه ده صداع "
دخل والدها الجنينه
" حتى الكلب مش سايباه في حاله ارحمي الضعفاء يا شيخه "
أنت تقرأ
Friends | فريندز
Humor# FRIENDS | الاصدقاء الصداقة اهم و احسن حاجة في الوجود منعرفش نعيش من غيرها و ليها معاني حياتيه كتير و مش اي حد يعرف يفرق بين الصداقه للحقيقة و المزيفة كله بقي بياخد نفس الشكل مؤخراً و الصداقة الحقيقة بقت نادرة الوجود و صعب تتلاقى في فريندز هنتعلم و...
