حدث في الفصل السابق..
- يا كذاب يا ابن الكذااابه
- بدل ما تجيب كلب تربيه ربي نفسك الأول
- طب ماذا لو عاد معتذراً ؟؟
- واخد أنت طريق اليومين دول مش فاهماه ، هو في إيه بالضبط؟؟
- طب بما اننا فاضيين و مرواناش حاجة ولا في حاجة تسلينا خلينا نتعرف على بعض؟
- نعم! ازاي يعني لسه مروحتش؟!
- ايد البت هي الي حلوه
- مين دي يا ندى؟؟
- الوحده احساس مالوش علاقه اذا كنت متجوز او لا
- على فكره انت كان ممكن تسألني عادي
- وزن ايه الي ارفعه! ده انا برفع نفس بالعافيه، ده أنا لو فرده الشبشب وقعت تحت السرير بمشي بفرده واحده،
- بارك الله لكما وبارك عليكما وجمع بينكما في خير
- هيثم!!!
_________
بسنت قاعده جنب هيثم الجالس الي مربطين ذراعه الأيسر في سرير المستشفى و بتندب..
"يا ليله بختك الهباب يا بسنت، يا حظك الأسود يا بسنت!"
أدار عينه متنهداً
" ايوه اندبي يا اختي اندبي "
" مين بس الي باصصلنا في الجوازه دي!"
التفت قائلاً بدون تفكير
"أمك!!"
رفعت حاجبها زبصتله
"امي بردو!!"
ضربته في ذراعه معاتبه على قوله فصاح بألم
" ااه براحه دراعي يا غبيه!! "
تأسفت سريعاً
" اسفه اسفه اسفه يا حبيبي، انا وجعتك؟؟ "
رمقها بجانبيه
" لا خالص، انتي دوستي على مكان الرصاصه بس!"
اكملت بتأسف
" معلش ،اصلي متعصبه شويه.."
" وأنتي علشان متعصبه شويه تدوسي عفر الجرح يعني! ده الحمد لله اني مرضتش اقلع واقي الرصاص بعد العملية قبل ما اجيلك، كان زمان الرصاصه التانيه دلوقتي في قلبي و الله يرحمني و تتأرملي قبل ما نتجوز حتى"
مسكته من ذراعه تاني بإندفاع بتصيح وهو كتم نفسه
" بعد الشعر عليك يا هيثم اوعى تقول كده تاني فاهمني! انت لو مت انا هموت وراك! "
أنت تقرأ
Friends | فريندز
Humor# FRIENDS | الاصدقاء الصداقة اهم و احسن حاجة في الوجود منعرفش نعيش من غيرها و ليها معاني حياتيه كتير و مش اي حد يعرف يفرق بين الصداقه للحقيقة و المزيفة كله بقي بياخد نفس الشكل مؤخراً و الصداقة الحقيقة بقت نادرة الوجود و صعب تتلاقى في فريندز هنتعلم و...
