حدث في الفصل السابق..
- ايه ايه فزعتني يخربيتك!!
- ازيك يا ماما عامله ايه دلوقتي؟
- دلوقتي بقي الكلام عن ماما هو الي حوار بايخ مش كده!
- سارة استنى انا اـ
- على فكره ده ظلم و ربنا ظلم، انا هرفع عليك قضيه!
- مين بقى إلى هيحللي المسأله دي؟؟
- ممم يعني الست مرات القتيل دخلت و خرجت من العماره مرتين اليوم ده؟
- ايوه يا سعاده الباشا "
- احلى علاقه طرديه فيكي يا رياضة
- قوله اني باجي لوحدي محدش بيجيبني اوكيه؟
- الحقي امك هتتحول، انا بقول نستأذن احنا بقى
- طلبتيها و نوليتها
- مين الي جاي ده؟؟
___________
- الساعة العاشرة صباحاً -
في شقة متواضعه تعلوها أجواء الصباح المُشرِق، صوت ضعيف من الراديو على اخبار الساعة شغال في الصاله ملازمه صوت السيده صاحبه المنزل المنتشر في الارجاء
" ١٠٣.. ١٠٤.. ١٠٥.."
كانت السيده الفاضله واقفه و ماسكه اثقال حديد في ايدها الاثنين بترفعهم بالتزامن عكس بعض و بتعد عدد المرات إلى رفعت الحديد بيهم، نزلت الأثقال إلى فى ايدها الشمال و استمرت بالي في اليمين
دخلت الصاله شابه في مقتبل العمر لابسه هدوم تدل على أنها هتخرج من الشقه و وقفت جنبها
" عاش يا ماما عاش "
رفعت ايدها الفاضيه في وشها و مازلت بتعد في سرها
" الله اكبر "
" وصلتي لكام بقى يا ماما ها ؟؟ "
" وانتي مالك! "
همهمت الشابه و حطت ايدها في جيوبها وقالت
" يعني هتفضلي كده كتير يعني؟؟ "
نفخت الأم و اردفت بشبه انفعال
" الله أكبر كتفي هيقع يا بنتي عاوزه ايه خلصي! "
بلعت ريقها و اردفت بحذر بعد تردد
" ااا.. عاوزه فلوس "
" روحي خدي من اخوكي "
" مهو في الشغل يا ماما مش فاضيلي!"
أنت تقرأ
Friends | فريندز
Humor# FRIENDS | الاصدقاء الصداقة اهم و احسن حاجة في الوجود منعرفش نعيش من غيرها و ليها معاني حياتيه كتير و مش اي حد يعرف يفرق بين الصداقه للحقيقة و المزيفة كله بقي بياخد نفس الشكل مؤخراً و الصداقة الحقيقة بقت نادرة الوجود و صعب تتلاقى في فريندز هنتعلم و...
