مشهد من الجزء الثاني و المرادي المشهد معروف مين الأبطال، عايزاكم المرادي تخمنوا هم ليه وصلوا للمشهد ده من القصه
ورمضان خلاص كلها عشر أيام تقريباً كل سنه وانتم طيبين و بدأ العد التنازلي بجد، في اي وقت هتلاقوا البداية نزلت في الجزء الثاني وان شاء الله يبقى جزء لطيف سعيد عليكم ويكون رمضان مبارك عليكم جميعاً
enjoy 🖤
______
تقف اماني امام القاضي في المحكمه تتحدث بطريقه لتجلب الشفقه ناحيتها وكأنها انها مغلوبه على امرها
" انا اتكلمت كتير حضرتك قبل كده بالحسنى وياما اتكلمت وانت عارف كويس حضرتك اتجاهاتي ناحيه المراه، وأن انا ساعدت ستات كتير انهم ياخدوا حقوقهم المضطهده من الرجالة الي ظالمينهم، ازاي انا ما أخدش حقي في الاخر، هل ده يرضي قضائكم؟! "
رفع ايمن حاجبه من كلام اماني ويسخر من كلامها مردف
" ايوه ايوه قولي يا اختي كمان قولي، فاضل تقوليله ان الكدمة اللي تحت عينك دي انا اللي السبب فيها"
مسكت في جملته اللي قالها واردفت تؤكد عليها
" بالظبط يا سيادة القاضي حضرتك شايف كويس الاضطهاد اللي انا بشوفه منه - أشارت بإصبعها تحت عينها مكمله الشكوى - شايف كدمه الي تحت عيني دي لسه ضاربني بالروصية فيها امبارح علشان بقوله هات كوبايه مياه"
اتصدم ايمن من قولها فـ التفت ناحيتها خارج عن شعوره بسبب اتهامها ليه
" نعم يا اختي؟؟! بالروصية في عينك ازاي؟! انتي حوله يا بت؟! "
ضرب القاضي بمطرقته على المكتب امامه سكتهم بعد اندفاع ايمن مدافع عن نفسه
" سكوووت! "
استغلت اندفاع ايمن عليها واشارت ناحيته تكمل اتهاماتها ليه بالباطل مره ثانيه علشان تاخد حقها منها
" شايف يا حضره القاضي بيتكلم معايا ازاي، وهو كل يوم من كده، بيصبحني بعلقه و يمسيني بشتيمه، وطول اليوم زعيق و اضطهاض ومش عارفة اخد منه لا حق ولا باطل"
فتح ايمن بؤه مصدوم من قولها كأنها بتتكلم عن شخص تاني
" انااااا؟؟ "
اردفت اماني مره ثانيه عابسه تجلب شفقه القاضي ناحيتها
" ده حتى يا سعادة القاضي بيروح يجمع صحابه في البيت عندنا و يجيبهم علشان يوسخولي البيت كل يوم و يقعدوا يسهروا للفجر ولا في اي مسؤولية ولا تقدير للست الي معاه "
أنت تقرأ
Friends | فريندز
Humor# FRIENDS | الاصدقاء الصداقة اهم و احسن حاجة في الوجود منعرفش نعيش من غيرها و ليها معاني حياتيه كتير و مش اي حد يعرف يفرق بين الصداقه للحقيقة و المزيفة كله بقي بياخد نفس الشكل مؤخراً و الصداقة الحقيقة بقت نادرة الوجود و صعب تتلاقى في فريندز هنتعلم و...
