Friends | فريندز

قصة 'احمد وليللي' الحقيقة

النهاردة هحكيلكم قصة احمد وليللي الحقيقة وانتوا تشوفوا اسع نسبة الشبة بينه وبين الحقيقه

مبدأياً كده علشان معدش كتير و ازيد في حاجة معروفة، بصوا هو تعارف احمد و ليللي في أول الرواية هو هو نفسه بالضببطط تعارفهم في الحقيقة حرفياً

هي ليللي مكانتش تعرف انه الدكتور بسبب شكله الصغير وفضلت مريحه على الكرسي وقعدت تغلط فيه وهو حلف عليها ماهي قايمه بس قامت بعد ما شتمته

و بصراحه مش هكتب نفس الموقف ده لأنه معروف من القصة سو ادخلوا اقرأوا الحته دي تاني، هي تقريبا في الفصل الثاني أو الأول مش فاكره بصراحه :)

هو عموماً زي ما قولت قبل كده اغلب مشاهد الثنائيات هي حصلت في الواقع

أحمد تقريباً عجبته صراحه ليللي الأوفر وهو علشان علم نفس فـ كان هادي و راسي وعارف يتعامل معاها كويس، وكل شويه كان يتكلم معاها وهي تشتمه و تمشي زي القصة، مكنش فيه ريحه الاحترام الحقيقه

ليللي كانت عامله زي المخابرات تقدر تعرف أي حاجة لأي حد وبتضرب و مبتفكرش زي شاهندا كده، هم الاثنين كان فيهم من بعض كتير الحقيقه، وكانت لما بنشوف أدهم بتقعد تزفر و تتخنق بسبب تصرفات ندى معاه ودايما كانت تقعد تهزقها وتقعد تقولها ده أكبر منك بعشر سنين هيخزوقك يخربيتك وهي ابدا الحب عامليها وطارشها وكله

وادهم كان عارف ان ليللي مش بتطيق علاقتهم و علشان كده اوقات كان بيقصد انه يتكلم مع ندى قصادها علشان يستفزها ف تقوم سايبه المكان كله و ماشيه علشان تشتري دماغها منهم

احمد كان دايما عامل زي الدكتور النفسي في وسطنا، كون انه دارس وعارف هو كان عنده عياده و بيعالج فيها الناس، و صعب انك تعرف حاجة عن حياته الشخصية إلا المقربين منه فقط زي أدهم و عمر.. وليللي اكيد بس بعدين

ممكن احكيلكم بعض المواقف معانا ومعاه..

مره في الامتحان سارة و ليللي و ندى واقفين بره على السور و متوترين جدا و بتاع وإذ بيه بيبايبايلنا من الناحيه التانيه ف مفهمناش هو عاوز مين ف ندى شاورت على نفسها تلقائي ف قالها لا وشاور على ليللي الي وشها فصل و راحت مدياه قفاها وقعدت تشم فيه في سرها

مره تانيه كنا واقفين بره وهو علينا ف كان جاي وداخل المدرج بعدين رجع و وقف ناحيتنا و بص ل ليللي.. هو متكلمش بس باين من وشه أنها مطلعه عينه ومستحلفلها وهي الحقيقه مقصرتش و سخرت و دورت وشها ، على أدهم بقى معدي في الوقت ده عطف و لفلوف مع ندى وبعدين بص ل ليللي وقالها ارحميه يا دبش الراجل فقد النطق مبقاش عارف يعبر