Friends | فريندز

الفصل التاسع عشر

حدث في الفصل السابق..

- احنا في رحله على فكره يعني اتبسط، قاعد كده مكشر زي الي مستني دوره في البنك!

- يا ابني بقى ارحمني الله!

- في كام سر كده لو عرفت تعرف تتحكم في اي ست
- ما بلاش السيره دي

- عاااااااا هنموت منفجريييين 

- طب و متجوزتش ليه لحد دلوقتي؟؟

- What you see.. It's what you get

- تصدقي انا مكنتش اعرف اني محتاجه الرحله دي اوي كده

- لا بوسها يلا

- ارجوكوا يا جماعه بليز عاوزه ارجّع
- نعم؟!!
- قصدي ارجع

- الجان راح

- مش عارفه ايه، انتي عبيطه! ، يا بت ما تتكلمي على طول

- يـ يا بنات.. ؟
- ايه 
- انا عاوزه اعمل بيبي 
- ييييييه

______

ندى بتتهد بحزن وحاطه ايدها على خدها، قاعده مربعة في اخر الممشى تبع الشط و كل شويه تتنهد بصمت..

" مبوزه ليه يا قطه "

قطع لحظاتها أدهم الي لسه واصل عندها وقف جنبها وهي لسه قاعده فـ بصتله لفوق بصعوبه من اشعه الشمس و حاولت تظلل وشها بأيدها

" ممكن تيجي قدام شويه؟ الشمس حاميه اوي! "

دور عينه بملل مُردفاً
" الشمسيه بتاعك انا! اتفضلي يا ستي اهو "

أتقدم خطوه لقدام حيث ظلل عليها جزء من الشمس وسند على السور بذراعاته فـ اتنفست براحه وهو سألها
" ايه الي مضايقك بقى؟؟"

رجعت لعبوسها تاني واردفت بتذمر
" اصلنا خلاص فضلنا ثلاث ايام و نرجع تاني "

عقد ما بين حواجبه بخفه وبصلها لتحت متسائل
" طب وفيها ايه؟؟"

بصتله وصاحت بعرفض بإنتحاب
" انا مش عاوزه ارجع!! "

" هتخللي هنا للأبد يعني؟! كل حاجة وليها وقتها خليكي واقعيه "

انهي جملته بحكمه فـ ندى بصتله بسخط
" وايه الحكمه الي نزلت عليك فجأه دي! - صاحت بإنفعال - انت عاوز تجنني!! - شاورتله بأيدها- ابعد كده علشان اقوم ابعد "