Friends | فريندز

الفصل الخامس عشر

حدث في الفصل السابق..

- الحرامي الحنين رزق

- احم احم.. ازيك يا عمر؟

- رويدا.. رويدا انتي فين؟؟

- صباح الخير عليك يا احلى باشا في الدنيا

- مهو يا اعرّكوا يا اروح الرحلة انتوا حرين بقى

- كان المفروض تاخد رأيي الأول على الأقل مش تحطني قصاد الأمر الواقع!!

- طب بذمتك ده منظر واحده نكلمها في اخد وعطاء
- بصراحه لا

- يا واد يا مؤمن، اشحال مش عارف تتجوزني لحد دلوقتي

- انا قولتلك ارعشي مش اتكهربي! "

- الحقوني انا بولد آآآه

- انا لو مِنك استقيل

- الواد ده خنقه وشكله هيتعبنا كتير، باين كده امه اتوحمت فيه على فنله بحملات

- أنت مين ؟؟

________

~ هلاً بكم في مدينة شرم الشيخ.. ~

" زي ما اتفقنا، كل واحد يخلي موبايله معاه ولو حصل، أي حاجة اتصلوا بأي حد فينا خلاص؟؟ و، اهم حاجز بلاش مشاكل احنا مش في بيتنا مش عاوزين مشاكل يا بتوع المشاكل ماشي؟؟ "

أنهى العميد جملته و رمق سارة و ليللي و، شاهندا الي الثلاثه فيهم دوروا عينهم اكنهم مش سامعين حاجة خالص

لاحق كنان بنظراته في الجهه التانيه
" والكلام ليك يا كنان بردو.. "

اتنهد كنان بملل و تمتم
" عارف.. "

سيف بأيده بقوه و ابتسم بوسع
" يلا، كل واحد ياخد شنطته على الاوضه بتاعته، البنات واخدين النص الشمال و الاولاد النص اليمين "

بدأ الطلاب يخرجوا شنطهم و الي بيواجه صعوبه بيساعد التاني وكذلك الدكاترة بيساعدوا الي محتاج، فـ نورا كانت بتواجه صعوبه في اخرج شنطتها وكأنها بتخرج الفاس من شجره وعماله تشد بأيديها لورا بقوه وسانده برجلها على الشنطه ، فـ جه من وراها أدهم شد الشنطه بأيده الحره بسهوله و نزلها على الأرض فـ نزلت معاها نورا الي فقدت التوازن بسبب قوه الدفع

ظلم علي رشاد انعاكس الشمس على وشه ناهد الي وقعت قصاده بتعترض على اخر جمله قالها
" و اشمعنى بقى ان شاء الله البنات الناحيه الشمال ؟؟ "