تالان

بارت واحد وعشرون

قد نحتاج الى القليل من الجنون حتى يتسنى لنا قطع ذلك الحبل ...لنصبح احراراً...
.
.
.
.

كمت من يمهم بلغت يوسف بس اروح اجيب جنطتي واجي...
يوسف:تمام بس مو تتأخرين بس تتأخرين انام وكيفج بعد

باوعتله وانه اضحك هااا يوسف هااا مو نخرب ..

ابو عاصم:الله يستر مو جنتي خوش ابنيه وعاقله عفتي الدنيا كلها واجيتي اليوسف ..

يوسف:ليش هيچ يابه دوم ضالمني بس والله م عندي حظ

ام عاصم:سودة عليّ يا يمة حظك عند الله

ابو عاصم:ابجي بعد ابجي حتى يكمل المشهد

ام عاصم: يااا ابو عاصم شبيك وي الوليد ..

يوسف:يمة ابنج مظلوم محد يحبهه

ابو عاصم:امشي لك لا اعلمك الحُب شلون يصير ..

عفتهم ورحت بسرعه جبت جنطتي واجيت ..
لكيته طالع

طلعت  لكيته واكف بالباب

يوسف:ها اجيتي

تالان:لا بعدني الف بالشال اشوي واجي

يوسف:اوك بس استعجلي

تالان:هههههه امشي لك
وين السويچ

انطاني اياه وصعدنه

كعد يمي فركت ايدي بينتله متحمسه بقى يضحك
شغلت السيارة

يوسف:تالان لا عدا الشقه تعرفين اسوقين لو اليوم تنومينه بالمستشفى

تالان:هسه اشوف م احجي انه..

اشو هذا صاح بصوت عالي نززني
يوسف:هيااا بنا يا صديقتيي

طكيتها ضحكة اريد اسكت م اكدر
بعدين كتله هيا يا صديقي ..

حركت السيارة وبدينه نمشي

يوسف: اي بالله يا صديقتي وين رايحين
تالان:م ادري

يوسف:شنو شنوووو؟

تالان:شوف انه م اندل والله فانته اختار مكان وابدي دليني متفقين

يوسف:يا ربي يا هل ورطةةة انه شبيه ومشيت اوياج ..

_والله ترا ازعل

_ ازعلي

_وكفت السيارة

_هاا يا ستار شكو

_زعلت م امشي بعد

_اي بويه وبعدين

_اصالحني يالله امشي

_ترا انت الي زعلتي مالها دخل السيارة والله

_ما ماا زعلت لا تحجي اوياي

_تالان يا صديقتي العزيزي هيا بنا لنمشي لقد خلص الوقت واهلي سوف يسدون الباب وم ندخل بعد ونبات بالشارع وبكيفج بعد