تالان

البارت الواحد والثلاثون

بحسرة ازهر من يكول:
هَلي تَعبيت، لتَصدگون مَرتاح
هَلي هَلكان وأتَچة بگفى الحَيطان
هَلي نشدوني لو بالطيف!!
ولو يا طَيف ويگابل بَشر گضة العَمر سهران؟
هَلي والناس مَو گلها مِثل لوني
هَلي والدَنيا مَرجوحة
وٱنَة الدَوم أحط عَمري عَلىٰ ضعوني
ليش الحَدوا بية يَهود؟
هَلي اليَشرد مِن خَيالة بيا ڪتر يَختل
هَلي لامَوني ؏َ الدخان !!
هَلي قافل عليَّ حَزني قَفل بَيبان
هَلي هَذا العَمر ما فاد شَمعة بغرفة العَميان
هَلي مَر الهَجر ضگتة وبَعد ڪافي
هَلي الحَنضل جرعتة
وادَوسن ؏َ الجَمر حَافي
هَاي بخيمة ارد ٱعيش ومَالي عِنوان
وروحَن وين مَـنك يا صدىٰ النِسيان؟
هَلي باجَر أموت وما يَصح
چف اليشيل جَنازتي
هَلي باجَر أموت ومامِش اللي بَعازتي
هَلي يَاهو يَشيل حَزني
ويَرسم الضحكَة أعلىٰ شَفتي؟؟
هَلي وچفني اليَغمض بي صَور الكم
هَلي مَروني ما بية وافارگكم !!
بَعدني بَديرة العشرين وبراسي أحتفل شَيبي
هَلي ما رَحموا بحالي هَلي تاجَروا بگليبي
هَلي ماريَد عمري يطول هَلي كون العمر يَگصر
گضت عَشريني بَس شَـوغات چا المن بعد اكبر
هَلي وديارڪم تَفگد مَحنتڪم
هَلي وگاع النَجف محتاج شَوفتڪم ..
.
.
.
.
.
سمعته شنو الي كال وانه افرگ بعيني اريدد اصدگ انه بحلم لو هل شي واقععع م مصدك الي جاي اسمعه ..

بقيت ساكت م احجي رجع يتكلم الي خابرني ابني تسمعني ترااا ما عدنه وقت الجثث محتاجة جيتكم حتى ندفنهاا صارلها يومين م نعرف اهلهاا لازم تجون اسوون الاجراءات وتستلموت جثثكم حتى ادفنوها ..

سد الخط ..
بقيت صافن وانه اكول اي هو كال جثث ابوي اسمةةة اسماعيل مو جثه
لا لا اكيد هذا جاي ايجذب عليّ اهلي م بيهم شي لازم اطلع هسه اروح البغداد اشوفهممم والله بسبب هذا الاتصال راح يزيد الزعل اكثر انه الهم اطلع طايح حظ مو ازهر اذا حجيت اوياهم وصالحتهممم ..

وكفت بمكاني كلت خلي اتصل علي وين مكانه حتي اول شي اوصل الا واطيح حظه ع الفلم الي كاله الي واخذ تلفون ابوي وارجعه الا ..

اي عفيه ازهر خوش تفكر
بسرعه اتصلت ع الشخص جاوبني ها بويه ..

عمو بس وين مكانك حتى من اوصل البغداد اخذ تلفون ابوي لان كلش يحتاجة بشغله يضوج علي خطيه اذا ضاع والله شكد تريد انطيك عادي بس رجعه ..

اسمعه يكول لا حوله ولا قوة الا بالله العلي العظيم
ولك بويه انطيني عمك اخوك اي شخص اكبر منك اتفاهم اوياا ..

ماكو عمو محد موجود يمي اصلا محد عند اهلي بس انه انه وحدي بالبيت
بس ع شنو تسال بس وصفلي مكانك او اكتبه الي ودزلي اياه رساله وانه من اوصل البغداد اجيك امنه عند احد اذا انت مشغول مو مشكله ..

_بابا عمام خوال قريبين عليگ روح الهم وانطيهم التلفون اتفاهم اوياهم ..

_شبيك عمي ترا مو ازغير انه وجاي تحجي اوياي هيج كول شنو الي تريدة ..