تالان

البارت الثالث عشر

إنني امرأة على هيئةِ
بركة دموع
تغرَق في نفسها،
امرأة تملؤها المخاوف
وتركلها الأيّام
ببراعةٍ

أنا امرأة على هيئةِ
متاهة
تضيع في نفسها،
ولأنّ الإنسّان متاهة نفسه
يحتاج لمن يجده .

مَرحبًا... مُر حُبًا... وجدني.

#تالان ..

.
.
.
.

وسن:يا هلا بالمختفيه وينج ولج

لباب:مشغوله هذي الايام فما عندي وقت ارسلكم

نور:عود توة نحجي نفس الموضوع ههههه ..
لاكيتلج غير عذر يمعودة ..

بعدين رديت ع رسالتها كتلها

اذا م احبه شلون اقبل يخطبني واسجل بأسمة عمري م جنت أثق بالحب وبالرجال

ودائما اردد كلهم يخونون م يكتفون بوحدة م انطي الكلبي الشخص مو كفو

وجنت دائما ادعي ربي يرزقني بشخص فعلا يحبني
والحمدلله ليث ونعم الرزق الي اجاني رجال بمعنى الكلمة مغركني بحبه وحنانه وكلامة الحلو بحيث كدر ياخذ كلبي واحبه ..

وسن: چا استحيتي وانتِ تحجين بالحب والحنان يمنه واحنه صحراء وين ننطي وجهنه هسه ..

لباب:اممم الله يسعدج عيني ..

بس نصيحة لا تنطين ثقتج كامله الشخص حتى م تنصدمين صدمة عمرج خليچ ذكيه نفس م عرفتج تالان  ..

تالان:شقصدج

لباب:م اقصد شي كتلج نصيحة اجت ابالي وكتبتها يعني صارللها ساعه نور تقدم نصائح من حجيت هل كلمتين كلتي شقصدچ ..

اوك شكرا ..

عجيب يا ربي والله راسي راح ينفجر من التفكير ازهر يذب كلام واسأله يكول نصيحة
لباب الي تغيرت وم كامت تشوفني هسه هم جايه وتكول نصيحة شكو اريد افهم دخيل الله شنو الي جاي يصير من وراي ؟!!

ليش بهل فترة كثرت النصايح يا هو الي اشوفه ذبله كم كلمة براسي شنو الموضوع ..

رحت سويت كروب فقط انه ونور ووسن

كالن شنو ولج شكو

كتلهم ملاحظين شي ع لباب متغيرة 180درجة ؟

نور: شنو شبيج تالان متوهمة يجوز صدك مشغوله هم لازم نعذرها صديقتنه واختنه لباب ع شنو تتغير

تالان:لا حبيبي لا لباب من يوم الي انخطبت الحد هسه هي اشوف دم اسنونها وم اشوفني ..

وسن:والله م ادري بس صح كلش متغيرة خصوصا اوياج

تالان:كتبتها وانه كلبي وايدي ترجف

كتلهم بنات معقوله لباب تحب ليث وم اكتشفت هل شي الا بعد خطبتنه؟!!

كتبن نور ووسن نفس اللحظه:انجبييي اشوو انجبي

نور:شوف هاي الشك وصلها الوين كامت تخيط وتخربط