تالان

البارت الرابع والاربعون

مبتعدين بس نشابه اهواي ..
واحس شيصير بيك يصير وياي ..
ما نختلف منسجمين بالروح ..
مثل الماي من اديرة عالماي ..
.
.
.
.
.
.
.
لكيت ازهر دازلي حبيبت روحي التحاليل الحمدلله كلها سَليمة حسبيلي مدة عشرة ايام اقل انه يمچ ..

يماي احس كلبي طلع من مكانه التعب كله نسيته الابتسامة شكت وجهيييي اقرا وابتسم احس شي بداخلي فرح ..

دزيتله جذاببب ..

بسرعه اتصل جاوبني ..

_شنو هل ميانه عيني مو عيب رجال شطولني شعرضني تكوليلي جذاب ..

_اهووو تحجي صدك لو تشاقه ..

_وغلاتج بكليبي ..

_يا الله يا ازهر والله فرحت افففف يعني واخيرا راح تجي واشوفك ..

_هيچ لهفان ع شوفتي ولك ..

_لا بس ارجع للشركة مليت من منير والله اليستر شنو راح ايسوي اوياي بعد ..

_اممم خوش صدكتچ بالمناسبه منيرر بح بعد ماكو ..

_يا ليش

_راح يستلم الشركة المعاون الحد م ترجعلي عافيتي واكدر ارجع اداوم ارجع المكاني ..

_واخيرررا خلصت منه غير غثة ...

_كافي تالان لا تحجين عنه ولا تاخذين غيبته م يستاهل ..

_اكو ناس هيَ تجي تمصلح الك وتبوس ايدك وتكلك فدوة تعال اخذ غيبتي ..

_ماكو هيچ كلام كليبي بالحالتين اذنوب ع الفاضي ليش نتحملها ع ناس م تسوة ..

_م ادري بس انه م الزم الساني اذا شخص وازاني ع الغيبه ولازم احجي عليّ م الزم نفسي واحجي ..

_هههههه لا حبي اكو شي اسمة ضبط الذات لازم نلزم نفسنه ونبعدها عن كل شي خطأ اذا نفسچ م تكدرين اسيطرين عليها لعد المن عايشه ..

_م ادري ازهر يعني كتلك انه عندي الغيبه م اكدر الزم نفسي منها اذا اجت ابالي شخص غاثني ابقى احجي عليّ وافصخة تفصخ يالله ارتاح ..

_ زين عُمري تقبلين احد ياخذ غيبتج ويضحك عليچ من وراج ؟

_ اذا م مسويه شي ليش ياخذون غيبتي ؟

_ حبي خليها دوم ابالج مثل ما اخذتي غيبه ع احد
اكيد اكو شخص رح ياخذ عليج غيبه ويكون انعكاس ورح تواجهين هواي ناس تغتابج ..

_اذا جنت استاهل مثل منير فحيل بيه وابو الزايد ..

_شوفي منير شكد غثج وتعب نفسيتج وكأبج وولد عندچ ضغوطات بداخلچ فوگ كل هذا تحملتي ذنب من ورى خاف حسبالج انتِ من تحجين عليّ كدام غير اشخاص وضحكون عليّ راح يرتاح شي بداخلج لا بالعكس تتولد احقاد وكره اكثر من غير الذنوب الي اجتلج لان ذنب الغيبه جداً عظيم الذنب الوحيد الغفرانه مو يم الله الي ياخذ غيبه لازم الشخص الي اغتابه هو يبري الذمة ويعفو عنَ بسبب الذنب الي اقترفه بحقه يالله ربي يغفرله ويسامحة ..