تالان

البارت الخامس والعشرون

ياهو اليرجعلي عمر ..
ضيعته ع ما يسوة ..
وياهو ليعوضني صبر مرمر ايامي الحلوة ..
يا ناس كلبي المنكسر
مو مال اكولن فدوة ..
.
.
.
.
.
حبيبي حسن فهمني شنو صاير يمكم؟

لج اليوم جنه معزومين وكاعدة ناس اقاربنة عمام ابوي واولاد عمة ماكو غريب يعني اشو عمي كال تدرون تالان بنت ابو حسين وين رايحة واهلها مخليهااا ؟

سألو صحيح صاير فترة م شايفينها وين؟

عمي: والله طالعتلهاا دورة م اعرف شني واريحة البغداد ومحمد مكعدها عند بيت ابو عاصم واحنه م ندري شنو م شنو همَ

ابوي بقى بس يباوع عليّ يريد يعرف وين يريد يوصل بهذا كلامة ..

انه وجيت من يمييي تالان خويه انت ع عيني وع راسي وذكرج فخر مو عار النه تنومس بي بالعكس بس صعبه ديوان كله زلم نقاشهم اختنه حيل صعبه احس روحي اشتعلت وهذا وائل بقى بس يهز برجله يريد يحجي وانه اعصر كف ايدة م اريد يتحاجة وي ابو وانه كوة جايبه للدرب ومخلي يبات عدهم ..

بقت الناس الي كاعدة تمسلت وحدهااا ناس تكول عادي هذا شغل والابنيه م تعبت ودرست حتى تكعد بالبيت وتالان ونعم منها ومن اخلاقها ..

وناس تصيح لا محمد تحجي صدك عايف بنتك هناك م تخاف عليها ادري صار م صار

ونقسمو ناس مأيدة وشايفه الموضوع عادي وم ادري فعلا هذا كلامهم لو بس كدام ابوي ويرحون يحجون عليچ وعلينه من ورانه

وناس لا طكتها بوجهنة وم قبلو

ابوي خلص صبرة وتعرفينه كلش م يقبل احد يحجي علينه ويجيب طارينه سوء بزينه لو بشينه

تعارك وي عمي عركة شكبرها بحيث ادخلووو البقيه حتى يهدوهم وابوي يصيح بنتي مالك دخل بيها اريد اوديها البغداد تعيش وحدها تسافر وحدها شي راجعلي وراجعلهااا مالك اي دخل بيهااا

وعمي مدري شنو يحجي  كلامة مدري شلونه م اريد اضوجج بس كلامة جان كلش مو حلو وجبير بحقج قبل لا يكون بحقنه ..

وائل وسمع ابو هيج يحجي عليچ تعارك اويااا وتالان اشرف من الشرف وم مسموحلك تجيب طاريها وهذا الكلام اذا سمعته مرة الثانيه منگ م يصير خير

عمي سمع وائل هيچ يحجي اويا خطيه جابه براشدي من يمي فزيت من قوته ..

طلع وائل انه بقيت يم ابوي م كدرت الحكة واعوف ابوي وحدة

ولله الحمد رجعنه للبيت بس الزعل هل مرة كلش قوي بين ابوي وعمي وابوي حيل انقهر وكلبه كام يأذي ..

وصيت امي وزهراء علي ورحت ادور ع المخبل وين راح خابرت اخو يكول م موجود بالبيت اتصل علي م يجاوب وليهسه مختفي وراح تصير ب12 ..

بقيت ساكته وروحي طالعه م اعرف شنو اكول شنو احجي ليش هل حقد الي شايله بتجاهي لو شفتني نجحت ووصلت اتغثيت؟ !
وم تقبل نصير احسن من اولادگ كلهم غرت لان محد من ولدك بي خير واشوفنه احنه كلنه وصلنه وبنينه مستقبل حلو بس والله بتعب ماكو شي سهل يا عمو ع شنو بعد حاسدنه ومطين عيشتنه يعني اذا بناتگ واولادك م بيهم خير احنه شدخلنه عجيب هل بشر والله دومها ادور غلب وعمرة محد اتمنى الخير للثاني وكلها تحب غيرة ينكسر لو يخسر حتى يصعدون ع جتافه ع الرغم ابوي يرجف يم اخوو روحة من الدنيا بكل مصيبه تصير اوياا ينطي دم كلبةه حتى م يضوج لو ينقهر ربه ابنه وحسبه بمثابه اولادة وعمرة م قصر علي بشي ..