تالان

البارت التاسع والاربعون

يا حبيبي ..
خاف ترهم يوم وازعل ..
لا تفكر بيه زايد ..
گلبي فضه
والزعل وياك ومضه ..
بس اشوفك
لو يمر بيه خيالك ..
كلشي بيه بساع يرضى ..
من تحجي لا تعتذرلي ..
لا تراضيني حبيبي ..
الخاطرك من كيفي ارضه ..
.
.
.
.
.
.

م طلعت ورى ازهر لان ملابسي م مستورة اشوي ودخلت زمرد تبجي اجت ركض حضنتني ..

بقيت صافنه اباوع الازهر واباوعلها ..

شكو؟

خطيه ازهر يأشرلي سأليها شوفي شبيها ..

مسحت ع ضهرها خليتها تهدئ شوي ..

زمرد گلبي شو رفعي عيونچ خلي اشوفچ شبيچ شنو الي امبجيچ شوو بالله رفعت وجهة مسحت ادموعها ..

اتنفست ورفعت ايدها تمسح عيونها هاي ام منتصر صارلها مدة شادة اوياي تكلي انتِ الي موتي حفيدي وبعد م تكدرين اجيبين حفيد النه لازم ازوج منتصر ..

رجعت رادت تحضني وعود تبجي دفعتها شوو وخري ..

زمرد: باوعتلي متفاجئه ياا هاي ليش؟

_والله لو سالفه تستاهل جا حضنتج وطبطبت ع ضهرج بس تافهة شو وخري خلي اروح اكمل الفلم ..

_شلون تافهة تالان والله مكرهتني بعيشتي صبرت روحي بالكوة هل ايام م ردت ازعجكم بس صبري خلص ..

_يابه انتِ كلتيها ام منتصر تمسلت من يمها مرة جبيرة تحجي تحجي الحد م تمل وتسكت انزعجتي منها اصعد الغرفتي واكعد م تردين تبقين بالبيت بيتج موجود تجين ترتاحين بي لا م تكدرين تعوفين زوجج وتنزعجين من كلامها هيتفون بأذنج واشغل شي يهدي اعصابي وم ادري بالدنيا طشت لو رشت ليش معظمة السالفه يا عيني اوي وخري غثيتيني وانه عروس ..

_ضحكت ومسحت عيونها اي والله حجيج صحيح شبيه ضجت منها اصلا منتصر من تحجي هيج يهز ايدة ويبقى يضحك ..

_دوخري قطعتي علينه سهرتنه تعال ازهري خلي نكمل الفلم ..

_هسه شسوي انه؟

_تعالي كملي اويانه يفوتج القصه فد شي ..

عفتها رحت كعدت التفتت ازهر حاضنها ويبوس بشعرها ..

باوعلي غمزلي وابتسم ضحكت ودرت وجهي ..

اجو اثنينهم كعدو صرت بالنص انه ملت راسي ع جتف زمرد سحبني ازهر من خصري الا ..

_هئ حبيبي خلي جتفك لليل انام عليّ خلي اتعب ايد اختك هسه ..

_ابتسم وضربني ع راسي بخفه ..

رجعت خليت راسي ع جتف زمرد وخطيه هيّ حاضنتني بيدهاا جاي نباوع بس والله م منتبهة بقيت افكر بيها شلون اساعدها زمرد حيل حساسه مو قويه ومدلله بشكل بحيث ابسط كلمة ازعلها وتبجيها ..

سألتها زمرد دكتورة نسائيه مراجعه؟

ليش؟

يا ربي دخيل خيه دكتورة نسائيه مراجعه لا اليش شنو موضوعه؟