تالان

البارت الثامن عشر

إن سألتم الله، فاسألوه أن تبقى ضمائركم يقظة
دائماً مهما جارت عليكم الأيام، وأن لايأتي يوم
تكون قلبوكم خاوية على عروشها منزوعة
من الرحمة

.
.
.
.

دخلت وسديت الباب وكفت يمها وانه صافنه بوجهاااا سألتها

_انت بأي حق ادخلين الغرفتي وانه م ادري؟!

_هههه غرفتج حبيبتي لا تنسين نفسج ترا انت خطار عدنه وانعم الله علينه مكعديج ابيتنه تمام ..

ولا تنسين عيني ترا احنه متفضلين عليچ ومكعديچ عدنه خاف ناسيه لو م تدرين حبيت اذكرج ..

_اولا البيت مو بيتج من يصير بيتج ذاك الوكت تعالي واحجي بزودج وصيحي بيتي

وانه كاعدة عن عمو ابو عاصم مو غيرة ويا صاحبه الاصول الضيف م ينحجي اويا بهل طريقه

كتلج تاخذين اذن مني قبل لا ادخلين الغرفتي لان حاليا انه كاعدة بيها غراضي كلها موجودة بيها كل الي بالبيت عدهم علم حاليا هذي غرفتي فأي شي يصير بيها ينحسب علي مو عليچ يا محترمة ..

_خلينه الفهم والاحترام الج عيني جان استحيتي اي والله ناس صدك نست المستحة اول يوم داخله عدنه سويتيلج عركة بكد راسج شتحسين؟

_والله يا عمري يا مرايم انه لا اعرفج ولا تعرفيني لا عندي ثار اوياج وخباثه خليتج بهل موقف انت الي خليتي روحج بي والا بالله عليچ ابنيه يتيمة لا امها ولا جان ابوها حاظر شلون انطاج قلبج تأذيهاااا والله حسبالي بنتج وانسانيتي م خلتني اسكت كلت بنتها ومو انت احن من امها ع ظناهاا وهم م كدرت اسكتتت اسأل تطلع مو بنتج ويتيمةةة؟!!!

لجججج خلييييي نفسج مكانها كلنه ع هل طريق تقبلين باجر اطفالج هيچ احد يعاملهم اذا الله اخذ امانته ودعتي الدنياااا..

_اسم الله علي وهي وكحة وتستاهل ومالج دخل بيناتنه خليچ ضيفه وحترمي نفسج واياني واياج مرة الثانيه تدخلين بشي م يعنيلچ والا والله اشوفين شي م شايفته مني ..

_هوب هوب يابه هههه صدك ضحكتيني

انت شنو حاسبه نفسج وكاعدة تهدديننن هااااا حقج والله م تعرفيني وكاعدة اسفطين كلام روحي بويه روحي هددي غير ناس هذا الكلام الي بالذات م ينكال اوگ

وانه محترمة وي المحترم

واكبر طايحة حظ ومو مؤدبه وي الي م يستحي وعديم رحمة وانسانيه مثلج تماماً

وارجع واكلج لو كان عمو ابو عاصم نفسه سوة شي وم عجبني راح اوكف بوجهه انه انسانه م اسكتت ع الباطل ويكولون الي ساكت عن الحق شيطان اخرس انه انسانه حقانيه الشي الي م يعجبني اكول واعارك واكف بوجه اي شخص خصوصا اذا كانت المقابل ضعيف ومضلوم مو والله اشوف طفل ينكتل ويتعذب وابقى اباوع وم احجي شي ارجع اكرر واعيد لو شفتج مادة ايدج حتى لو ع اطفالج راح اوكف بوجهج وم اخليچ اطفال ذوله اذا من الصغر نكتلهم ونأذيهم شلون بيهم وبنفسيتهم وبشخصيتهم مستقبلاً عمرها التربيه مو بالكتل ولو يا عمري شحجي واكول انت من ساسج الراسج تحتاجين تربيه وتعليم شلون تربين اطفالج الله يكون بعونهم والله...