تالان

البارت السابع والعشرون

ناسيك ..بس لحظه ضعف
جبرتني اسولف عنـــگ
معقوله اجة اليوم الصرت
اشتكي الغيرگ عنـــگ ..
.
.
.
.
.
غدير: عمري تالان ارتاحي اخذي نفس عميق وغمضي عيونج واحجيلي شنو الي بيچ شنو الي مأذيچ ..

غمضت عيوني ودموعي م قابلات يوكفن عفتهن ينزلن ع كيفهن ع خدي بلكي يبردن گلبي المحترق وارتاح ..

صفنت وانه ارجع بذكرياتي

اتنهدت وانه اكوللها وين ترديني ارجع غدير وين وينن ..
بقيت ساكته دقايق بعدين كتلها

اخخخخخخ تذكرين من كتلچ حاجيت ليث عن الرسايل الي كامت تجيني وشلون تعبني جنت بوقتها حيل ضايجة منة لان كلت ماكو دخان بدون نار وبديت اشك بي وبوقتهااا جان كلامي كلش قوي اويااا وكتله فهمني بدون لف ودوران شنو هذول الرسايل ومنو الي رسلهم وشنو القصد ..

كعد يحلفلي ويبررلي والله بس انت الي حبيتچ الوحيدة الي كلبي دگ الهااا مستحيل اخونج لو اخفي عنچ شي بعدي من راسچ هل سوالف اكيد هذول ناس حاقدة تريد تخرب علينه وتهدم علاقتنه واضيع حبنه ..

اتنهدت وباعتله: ليث حبيبي والله متت من التفكير ريحني وكول الحقيقه تشگ منو هذا وليش هيچ جاي يتعبني ويحرگ كلبي بكلامة..

اذا ضام شي عليّ هم واجهني وكولي والله اسمع منگ اهواي احسن من ما اسمع من غيرگ اهم شي لا تخفي عني شي وتشوفه الا ربط مع هاي الرسايل

انه حياتك القديمة مالي اي دخل بيهااا جنت حر ومو من حقي احاسبك ع ماضيگ لو شنو جان الغلط بس حاليا وبعد م ارتبطنه صدكني م راح اسامحك وراح يكون العقاب جدا كبير وابسط شي اطلعك من حياتي واسويك شخص ولا كأنو صادفته او شفته بحياتي

ضحك ولزم ايدي اوي حبيبي طلعت قاسي وانه م ادري يلا معلومة جديد حلو ..

_ليث ليث

_يروحي وراحتي وكلشي حلو بدنياي ..

_ضحكت عوف الشقه ترا والله كلبي محترگ وكلش هل موضوع زاعجني ومأثر عليّ وع حياتي والله حتى شغلي م جاي اركز عليّ من وراهن

_وداعت امي وانت تعرفيها شكد عزيزة ع كلبي كتلج م ضام شي عليچ ومحد حلة بعيني غيرج وداعت عيونج الذوبن كلبي وعذبنه ..

_ضحكت اكيد حبيبي م راح انصدم بشي بالمستقبل وم راح تصدمني وتكسر كلبي ..

_وعد رجال كلتها قبل وهسه راح اكولهاا لو اعرف اذيتي وكسرة كلبي براحتچ ابعدچ عني واكسر كلبي حتى ترتاحين ..

ضحكت وانه اعصر ايدة حيلل احبگ تدري ..

_اموت ع امچ ..

_هاي شنو انوب ..

_اي والله اموت عليهاا لو م هيَ م جابتج وعلكت كلبي بيچ ..

_اي هم انه احب امگ