تالان

البارت التاسع عشر

لم تكن القضيه يوماً قضية وجوه..
وانما قضيه قلوب..
الوسامة الحقيقه في الروح..
هذا الدفء في المعامله..
الحنان في التعاطي ..
اللين في الكلام..
ولم تكن القضيه يوما في الجيوب
وانما في القلوب ايضاً..
الثراء الحقيقي في الروح ..
هذا الايمان راسخ رسوخ الجبال..
فلا تهزة حوادث الليل..
وهذا اليقين الشامخ الذي لا تُركعه تقلبات الايام..
.
.
.
.
.

عاصم:مريم والله العظيم اذا سمعت لو شفت مرة الثانيه طاخة سمعتي طاخة سمر راح اشوفين من عندي تصرف بعمرج م تنسي لو مو رائد يوكف بوجهي منطيچ مجال بكد رحمة الله وارجع اصبر نفسي واكول ميخالف زوجة اخوك واعدي بكل مرة بس توصل السالفه السمر لا والله هنا اشوفيني غير انسان ثقي بالله وبكتبه ..

اباوع المريم مدنكة حرف م نطقت ..

ابو عاصم:اهدء ابني والله عاقبتها وهم رائد م قصر ع شنو هيچ حارك دمك بنتك بتنه ومثل م انت م تقبل احد يأذيها احنه هم م نقبل ..

كعد ع القنفه  وبقة يفرگ راسة بجفوف ايدة  وضل يستغفر بالله بصوت عالي

بعدين كال الله اكبر وين اخليها يعني طفله شمسويتلج وتأذيهاااا لج فوگ ضيم الدنيا انت فوكاها شنو ست مريم غاسله ملابسها كاويتلها مدرستها تعرفين شنو جاي تعاني كل يوم لو بس بالكتل اذكريهاااا مدي ايدج ومحمد اكسرها الج ..

مريم:والله من شوكت احنه نتعارك ع مود الاطفال كلنه متفقين اطفالنه اطفالكم واطفالكم اطفالنه وجنه عايشين ع حب الله بس اه من الناس الحيه والشيطانه من تدخل شلون تنشر سمها وتكلب عائله كلاب بين يوم وليله اعوذو بالله منهم تف منهم ومن شرهم ...

ابو عاصم: رائددددد تاخذهااا من وجهي لو والله م تمر ع خير ..
اجة رائد سحبهااا وصعدو فوگ ..

ابو عاصم: بويه انه كم مرة اعيد واكرر عليگ ام سمر راحت الدار حقهاا والف رحمة ونور ع ترابهاا الطيب بس الى متى ابني فهمني انت باقي هيچ زين م تحتاج المرة وهاي هيه سديت باب كلبگ وقفلت ع حياتگ بنتك تحتاج الي يكوم بواجبهاا اليوم سارة موجودة باجر تجي قسمتهااا والله اوياهااا مقتنع بحياتك هذي ؟

عاصم:بويه ابوس ايدك هل موضوع كم مرة تفتحة وارجع واكول سدة ولا تحجي بي زواج مستحيل ازوج خلي اطلع روحي من النجف بالاول اعيش حياتي مثل الناس يالله بعدين اكابل مرة وازوجهااا شلون تريدني اضلم بنت الوادم اوياي؟

ابو عاصم: انت حاولت لك صارلك كم سنه وانت ع حزنگ اخطب وازوج وشوف اذا م التهيت بحياتگ القديمة وجودرت الماضي بكلبك يا بويه اسمع كلمتي اذا تبقى ع هاي تصرفاتگ للموات انتَ مكابل الكبر وكاعد انهض ع حيلك باوع البنتگ جيبلها اخت اخو سند الها بحياتهااا ليش ضالم نفسگ وضالمهاا اوياك ..

بقة يفرگ براسه وم جاوبة بس احسه كلش انغث واشنج من كلام ابو اوف كلش يحب زوجته مبين 

الي سمعته سمر م مكمله سنه وميته وهسه اول يعني ب6 سنوات من زوجته ميته الله يرحمها