تالان

البارت الواحد والاربعون

الحجي ابيناتنه تريد الصدگ تعبان ..
بطرگ عيون تبجي ووجه ينطي الوان ..
ع ساعه وفوك راسي يسولف الدفان ..
ما مشتاكلك عطشان!!
سير يا هوى الله صويحبك غركان ..
.
.
.
.
.
.

بقيت صافنه م اعرف شنو اتصرف وكأنو الي صار اكبالي قبل لحظات حلم مو حقيقه والله ..

هذا كله وانه عيني بعين ابوي من شوكت ابوي يجبرني ع شي م رايدته شلون يتصرف من وحدة وينطي موافقه وانه مبلغته رافضه شلون يقرا فاتحتيييي؟!!!

ردت اكوم بسرعه زهراء لزمت ايدي ضغطت عليها بقوة م تريدني اكوم ..

احس اختنكت روحي طلعت جسمي اشتعل نار ويمكن لو ابقى اطگ وافشل روحي وافشلهم ..

نزلت راسي كلبت بأكل واكلت كم لكمة شربت ماي وكمت ..

ابو عاصم: هااا بويه تالان شو م اكلتي وين؟

_ابتسمت بوجهة وكتله لا الحمدلله شبعت وعندي طلعه صديقتي وسن متفقه اوياي ولازم اروح خطيه م اكدر اتأخر عليها ..

اندريت حتى اطلع

ابوي: تالان خابري وسن كليلها اجوي ناس النه وم اكدر اطلع تعذريلها اجلو طلعتكم غير مرة ..

التفت عليّ والله مو ابوي مو ابوي الي اكبالي شخص ثاني شبي وياييي وليش هيج يتصرف ..

جاوبته لا حبيبي بابا متفقين وشغله ضروريه م نكدر نأجلهاا وان شاء الله شوي وارجع م اتأخر ..

خزني وهو يكول تالانننن ماكو طلعه كلت ..

بلعت ريگ كتله تمام ردت اكمل مشيي صاح سوي جاي باباتي وتعالي ..

م جاوبته رحت للمطبخ ذبيت شالي احس اختنكت وكعدت بالكاع ابجي اشوي واجو امي وزهراء كعدو يمي ..

امي: ع شنو هل بجي يا يمة ترا والله ابوج رايد مصلحتج وهل تصرفات الي جاي يسوويها تعرفيها مو تصرفات ابوج بس تأذى وهو يشوفج متأذيه فقرر يزوجج بلكي تنسعدين بحياتج الجديدة يا يمة ..

_ماما م اريد ازوج ابوس ايدكم م اريد والله م اريددد ....

_ولشوكت تالان ممكن افهم منو الي اجة وصحتي م اريد اذا عاجبتج حياتج احنه م عاجبتنه ..

_حياتي انتِ كلتي حياتي وانه حرة بيهااا مالكم دخل اعرف اهلي وع عيني وع راسي بس هل شي راجعلي انه اقرر اشوكت ازوج ومنوووو مووو شخص ثاني ..

_صوتج ولج تردين اشهرينه ..

_شبيكم اوياي هل كم يوم مكلوبين عليّ لا تمشين لا اطلعين سكتي لا تحجينننن اشوي حتى النقال تسحبوو مني فهموني تصرفاتكم الهمجيه منين طلعتلييييي ..

_تالان احترمي وعرفي الي كاعدة تحاجينها امج لا تبقين اچفصين ..

_ماما ابوس ايدج سحبت ايدها سحبتها مني م خلتني ابوسها فدوة ماما خلصيني م اريد ازوج انه جان رفضت والله بس هذول م اكدر تطلع مني لان الهم فضل كلش جبير عليّ ابوس ايدكم طلعوني منها والله م اطلب اي طلب منكم بس هذا خلصوني من هل سالفه احلفكم بشكو عزيز ع كلبكم ..