تالان

البارت الثامن والثلاثون

دَلوني وَين أنتَچي
الحَيطان ما تِستحي
كَل واحَد وعَذرة
چا مَو گتلك گبل
كِلمن يَلم عَطرة؟
تعبني طَول الدرب
والشَوگ والحَسرة
يَنسوني رادوا لَچن
مَا تِنسي الگَمرة.
.
.
.
.
.
.

جاوبته شنو ؟!

ازهر: بديتي تحبيني ..

_امممم لا واثق حظرتك كلش ..

_ولج انتِ ولف روحي بس عقلچ اخ منه معاند اوياي ..

_ليش معاند بالله احجي بصوت نعسان ..

_يريد يدلل عليّ بس تدرين ..

_شنو

_يستاهل الدلال ..

_مممم حلو ..

_صوتج تالان صوتچ ..

_شبي ..

_بقيه ساكت اشوي وكال صوب دلالي ..

_اسم الله عليك وع گلبك ..

_تخافين عليّ ..

_ازهر ..

_ روحة ..

_شلونگ ..

_والله من لحظه الي سمعت صوتچ وانه روحي مرتاحة ..

_دوم الراحة ان شاء الله شوكت ترجع للعراق؟

_ليش ترديني ارجع؟

_م ادري ..

_ترديني ارجع ..

_اي الله عليك لا اطول ..

م اعرف شنو احجي بس اريد اكول اي شي يفرحة ..

_ازهر ..

_اخخخ ربي تأوه بألم بحيث الصوت طلع من كل كلبه حسيت بوجعه والله ..

_بيك شي ازهر ؟

_لا لا هيچ ماكو شي تالان شوي واتصل ..

_لا خليك الله عليك ازهر لا تخوفني شنو بيگ،؟

_اممم تالان سكتت م بيهههه شي شوي وارجع تمام يحجي بالكوة ..

سد التلفون وانه احس كلبي انعصر بقت بس ادموعي تنزل ربي شسويله شلون اساعدة يا ربي يا شافي يا معافي اشفي من كل مرض ورجعه النه سالم بقيت بس ابجي وادعي صوته وهو يتألم احس اذآني حيلل حيل اذآني ..

شبكت التلفون وانه دموعي تنزل م اعرف شلون نمت كعدت الصبح م لكيته متصل ..

اتصلت عليّ م يجاوب دزيلته ازهر وينگ ليش م اتصلت امس ؟

م عندة نت گلبي لعب بسرعه اتصلت ع زمردة جاوبتني وهي تبجي كالت حالته البارحة متأزمة وحاليااا نايم بالمستشفى ..

اليوم صادف خطبه وسن لا اكدر اعوفها و اروح الزمرد واواسيها وواكف اوياها  ولا كدرت اروح الوسن واعوف زمرد بقيت حايرة شسوي ..

استمريت اتواصل مع زمرد واطمنها واحجي اوياها بكلام ايجابي باوعت للوكت م بقى شي  اسـاذنت منها وكمت مكيجت بسرعه وبدلت ورحت البيت وسن طبعاا سوو المهر ابيتهم انه جبت المصورة ونور اتكفلت ترتيب المكان وتوزيعات فيعني كلشي مجهزته نور م مخليه شي ابد ..