تالان

البارت الثاني والعشرون

ع كيفگ تراني گلبي خلصان ..
وشايف من زمتني اشكال واللوان..
.
.
.
.

لزمتها من مقدمة دشادشتهاا ونزلت همست قريب ع اذنهاا

مريم وغلات امي عندي اذا م تعوفيني اشوفچ شي بحياتج م تنسي انه مو رائد ولا اهل رائد بحيث اسمع واطنش لا حبيبتي ارجع واكلج غلطانه وم تعرفيني فأجنبيني لان اذا انفجرت بوجهج بس الله اليستر عليچ ..

الي بيه مكفيني وروحي بخشمي مالي خلك مزعطة وناس بايخة نفسچ..

خليني اخلص هل شهرين واولي وكل وحدة تذكر صاحبتها بالخير ..

صاح ابو عاصم:تالان شنو جاي يصير هنا..

جاوبته ماكو شي عمو بس عجبتني اخياط الدشداشه وسألتها عليهااا

بالعافيه حبي ..

عدلت دشداشتها وصعدت بدون م التفت اصلا..

هي سكتت م حجت شي تعرف نفسها غلطانه واذا عرفو السبب راح تترزل..

فسكتت الحمدلله ..

صعدت الغرفتي روحي طالعه ربي شيخلصها وارجع والله م احب انذل انه وهاي سودت عيشتي ذلتني بالمكان والحمدلله راح ادفع ايجارة ومو بعيدة ترجع تعيرني وتذلني بالاكله

منين طلعتي والله م ادري هو جنت ناقصتها حتى تصير حياتي كاملة ..

رحت بسرعه م غسلت شعري بس شطفت جسمي لبست تراك خفيف احس احتركت فورت دمي هل اوف استغفر الله حتى م تستاهل اغلط لو اذكرها بسؤ واتحمل خطيتها ..

صليت قريت ورقه قرأن لبست فوگ التراك شلون البشت يعني يستر وشال ونزلت

خطيه لكيت سمر عينها ع الدرج منتضرتني بس شافتني ضحكت

اول م نزلت خلو العشه خطيه منتضريني م ماكلين
شلت سمر خليتها يمي وبديت اوكلها واكل ..

بعدني توة جاي اكل من الضهر ليهسه بس وجبه وحدة وخلصتها ركض ركض متت جوع والله

اتصلت وسن انطيته مشغول كلت اكمل واجاوبها
رجعت بسرعه اتصلت
رفضته

رجعت اتصلت عرفت صاير شي مهم والا م تلح الهل درجة اكيد صاير شي اوياها

بسرعه رفعت التلفون خليته ع اذني اريد اتأكد شصاير موقف يستاهل اعوف الاكل وابقى جوعانه لو لا ..

بس فتحت الخط سمعتها تبجي
بسرعه كمت مفزوعه كلت دايمة

وحجيت شصاير وسن شبيج تبجين ..

وسن:تالان خايفه والله كلي جاي ارجف..

باوعت خطيه كلهم عافو الاكل وباوعولي ابتسمت بوجهم وطلعت برا بالطارمة احجي اوياهاا
شبيج وسن نشفتي دمي شصاير عمري

ماكو بس تبجي

لج غضب الله احجي شكو عوفي البجي ..

تالان توة صار اويانه موقف ردنه ننجلط بحيث الرجفه والخوفه ليهسه بيه..