تالان

البارت السابع عشر

الحـــــياة تعلمك الحُب
والتجارب تعلمك من تحب
والمواقف تعلمك من يحبگ ...
.
.
.
.

طلعت من بيتنه للمكان المتفقين نلتم بي ونتوجة البغداد
طلعت وانه شي بيه خايف متوتر افكر شلون اذا م حبيتهم شلون اعيش اوياهم يمكن يطلعون مو من الصنف الي اتأقلم واكدر اتكلم واتجامل معاهم انه نفسيتي مو اي شخص اتقبله شكد اشتغلت ع هذا النقطة وحاولت اعود نفسي اتقبل كل البشر م كدرت اكو اشخاص مجرد م اصادفهم بحياتي ونتكلم ارتاح الهم واحبهم بنفس الوكت اكو اشخاص ع الرغم يكونون جدا لطيفين بس انه م احبهم ولا يدخلون الكلبي ...

فجنت شايله هم كلش چبير رايحة الناس انه م اعرفهم ولا شايفتهم بحياتي الا كم نفر شفتهم كم يوم يجوز حبيتهم ارتاحيتلهم بس لا يعلم م في القلوب غير الله م عرفتهم ولا عرفت شنو همَ وشنو اخلاقهم بس تبقى ثقة اهلي مطمنتني من هاي الناحيه والا لو م متأكدين منهم م يجازفون بيه هيچ مجازفه ..

اتكلم مع نفسي وكلساع فكرة تجيلي يا رب يطلعون خوش ناس واكدر اخلص هل شهرين بدون اي مشكله وارجع الاهلي

اي عفيه (تفائلوا بالخير تجدوه) الله يسهلي انه توكلت عليّ وم خاب الي اتوكل ع الله ..

خليت راسي ع الكشن وانه اردد ادعيه واقرا الفاتحة الأم البنين ...

جنت كاعدة يم صديقتي ندستني

افنان:شبيج تالان بيج شي؟

_لا عمري ان شاء الله كلشي تمام

_لعد شبيج ضايجة

_شغله طبيعه حبي يعني رايحة غير محافظه اسكن وي ناس م شايفتهم ولا اعرف اسمائهم اصلا لمدة اكثر من شهرين م اشوف اهلي ولا صديقاتي كل هذي الاشياء اشوفيها سهله الواحد م يفكر بيها وبالتالي ينقلب مزاجة يتعكر مودة ..

_حبيبي لا تفكرين ولا تعبين عقلج خليها ع الله وهو نعم المعين والسند

جا شتكولين عليّ انه امي مريضه وكلش محتاجتني بس اضطريت اعوفها وهسه بالي كل يمها شلون ادبرها بدوني ..

_الله يكون بعونها حبيبي ويشافيها
فعلا والله الي يسمع هموم غير تصغر بعينه همومة ويشكر الله الف مرة ..

خلصنه الطريق كله نحجي مواضيع عامة اشوي واتصل ازهر

جاوبته

ازهر:هلو تينتي شلونج

:اهلا استاذ تمام

: شنو وينكم
بالسماوة

:توصلون بالسلامة يابه
:يسلمك الله استاذ

:صدك تينتي م سالتج وين راح تستقرين بالفندق لو عندج اقارب ابغداد؟

:لا استاذ راح اسكن ابيت صديق ابوي
:شنووو؟!!

:هههه شنو استاذ اتوقع تكلمت عربي